Viral Video: ପାଣି ଥଣ୍ଡା କରିବାର ଗାଉଁଲି ଉପାୟ; ଦରକାର ହେବ ନାହିଁ ଫ୍ରିଜ୍

ସୋସିଆଲ ମିଡିଆ ମାଧ୍ୟମରେ ଅନେକ କିଛି ନୂଆ ନୂଆ କଥା ଜାଣିବାକୁ ମିଳେ। ଏଥିରୁ ଅନେକ ଜିନିଷ ମଧ୍ୟ ଶିଖିହୁଏ ଯାହାକୁ ନିଜ ପାଇଁ ବ୍ୟବହାର ମଧ୍ୟ କରିହୁଏ। ବର୍ତ୍ତମାନ ଏକ ଭାରତୀୟ ଗାଁର ଏକ ଭିଡିଓ ଇନଷ୍ଟାଗ୍ରାମରେ ଭାଇରାଲ ହେବାରେ ଲାଗିଛି, ଯେଉଁଥିରେ ବିନା ଫ୍ରିଜ୍ ଓ ବିନା ବିଦ୍ୟୁତ୍‌ରେ ପାଣି ଥଣ୍ଡା କରିବାର ସହଜ ଏବଂ ପ୍ରଭାବଶାଳୀ ଉପାୟ ଦେଖିବାକୁ ମିଳେ।

ଖବର ଲେଖା ହେବା ବେଳକୁ ଇନଷ୍ଟାଗ୍ରାମରେ ଏକ ଲକ୍ଷରୁ ଅଧିକ ଭ୍ୟୁ ହାସଲ କରିଥିବା ଏହି ଭାଇରାଲ୍ ଭିଡିଓକୁ (@ divyasinha266ରେ ପୋଷ୍ଟ କରାଯାଇଛି। ଭିଡିଓର ସରଳତା, ପ୍ରଭାବଶାଳୀ କ୍ୟାମେରା ଉପସ୍ଥିତି ଏବଂ ବିଷୟବସ୍ତୁ ପାଇଁ ଏହାକୁ ଖୁବ ପସନ୍ଦ କରାଯାଉଛି।

ଏହି ଭିଡିଓରେ ଜଣେ ମହିଳା କହୁଛନ୍ତି ଯେ ସହରର ଅଧିକାଂଶ ଲୋକ ପାଣିକୁ ଥଣ୍ଡା କରିବା ପାଇଁ ଫ୍ରିଜ୍ ବ୍ୟବହାର କରୁଥିବାବେଳେ ତାଙ୍କ ଗାଁରେ ସେ ଏକ ସାଧାରଣ ପ୍ଲାଷ୍ଟିକ୍ ବୋତଲକୁ “ଫ୍ରିଜ୍” ବା ଥଣ୍ଡା ପାଣି ବୋତଲରେ ପରିଣତ କରିଛନ୍ତି।

ତା’ପରେ ସେ କ୍ୟାମେରା ବୁଲାଇ ଏକ ଗଛରେ ଝୁଲୁଥିବା ଓଦା କପଡ଼ାରେ ଗୁଡାହୋଇଥିବା ଏକ ପ୍ଲାଷ୍ଟିକ୍ ବୋତଲକୁ ଦେଖାନ୍ତି। ସେ କହିଛନ୍ତି ଯେ ୧୦ରୁ ୧୫ମିନିଟ ମଧ୍ୟରେ ଏହି ବୋତଲରେ ଥିବା ପାଣି ଆପେ ଆପେ ଥଣ୍ଡା ହୋଇଯିବ। ଏହାକୁ ବୁଝାଇବାକୁ ଯାଏ ସେ କହିଛନ୍ତି, ଯେତେବେଳେ ବୋତଲ ଏକ ଓଦା କପଡ଼ାରେ ଗୁଡ଼ାଯାଇ ପବନର ସଂସ୍ପର୍ଶରେ ଆସେ, ଏହା ଭିତରେ ଥିବା ପାଣି ଥଣ୍ଡା ହୋଇଯାଏ।

ଏପରି ସେତେବେଳେ ହୁଏ ଯେତେବେଳେ କପଡ଼ାରେ ଥିବା ପାଣି ବାଷ୍ପୀଭୂତ ହୋଇଯାଏ ଏବଂ ପାଣି ବୋତଲ ଭିତରୁ ଉତ୍ତାପକୁ ନେଇଯାଏ। ଭିଡିଓ ନିର୍ମାତା କୁହନ୍ତି, “ଗାଁ ଲୋକମାନେ ଏମିତି ବୁଦ୍ଧିମାନ ହୋଇଥାନ୍ତି।” ସେ ଏହାର ଶ୍ରେୟ ତାଙ୍କ ଛୋଟ ଭାଇଙ୍କୁ ଦିଅନ୍ତି। ଯିଏ ଏହି ଭିଡିଓକୁ ଦେଖୁଛି ସିଏ ପ୍ରଭାବିତ ହେଉଛି।

ଜଣେ ଲେଖିଛନ୍ତି, "ଭଉଣୀ ବହୁତ ବଢିଆ... ଆପଣ ଯେକୌଣସି ସମସ୍ୟାକୁ ଖୁସି ଖୁସିରେ ସମାଧାନ କରିବାରେ କେତେ ମହାନ, ସେଥିପାଇଁ ଗାଁର ଲୋକମାନେ ଅଦ୍ଭୁତ ହୋଇଥାନ୍ତି।" ଅନ୍ୟ ଜଣେ ଲେଖିଛନ୍ତି, “ବାଃ, କେତେ ଜୈବିକ।”

ଜଣେ ନିଜ ଅଭିଜ୍ଞତା କହି ଇନଷ୍ଟାଗ୍ରାମରେ ଲେଖିଛନ୍ତି, “ଦିଦି ଯେତେବେଳେ ମୁଁ ଦିଲ୍ଲୀରେ ରହୁଥିଲି ଏବଂ ଫ୍ରିଜ୍ ନଥିଲା, ମୁଁ ମଧ୍ୟ ଏମିତି କରି ଥଣ୍ଡା ପାଣିର ଉପଭୋଗ ନେଉଥିଲି।” ଅନ୍ୟ ଜଣେ ଲେଖିଛନ୍ତି, “ମୁଁ ଗାଁରେ ରୁହେ ନାହିଁ କିନ୍ତୁ ଗାଁର ପରିବେଶ ଏବଂ ହୃଦୟବାନ୍ ଲୋକଙ୍କୁ ମୁଁ ପ୍ରକୃତରେ ପ୍ରଶଂସା କରେ।”