LIVE TV
ଉତ୍ତରାଖଣ୍ଡର ଏକ ମନ୍ଦିରରେ ଭେଟ ହେଲେ ବାସନ୍ତୀ ବେନ୍ ଓ ଶଶୀ ଦେବୀ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଭଉଣୀ ବାସନ୍ତୀ ବେନ୍ ଓ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ଭଉଣୀ ଶଶୀ ଦେବୀଙ୍କ ସାକ୍ଷାତ ହୋଇଛି । ଗତ ଶୁକ୍ରବାର ଦିନ ଉତ୍ତରାଖଣ୍ଡର ଗରୱାଲର ଥିବା ଏକ ମନ୍ଦିରରେ ଭଗବାନଙ୍କ ଦର୍ଶନ ସମୟରେ ଉଭୟ ଉଭୟଙ୍କୁ ଭେଟି ଖୁବ୍ ଖୁସି ହୋଇଥିଲେ ।
ବାସନ୍ତୀ ବେନ୍ ତାଙ୍କ ସ୍ୱାମୀଙ୍କ ସହିତ ନୀଳକଣ୍ଡ ମହାଦେବଙ୍କ ମନ୍ଦିରକୁ ଦର୍ଶନ କରିବାକୁ ଯିବା ସମୟରେ ଏହି ସାକ୍ଷାତ ହୋଇଥିଲା । ଶ୍ରାବଣ ମାସ ଚାଲୁଥିବାରୁ ଦୁହେଁ ନୀଳକଣ୍ଠ ମହାଦେବଙ୍କ ମନ୍ଦିରକୁ ଆସିଥିଲେ । ପରେ କୋଥାରୀ ଗାଁର ପାର୍ବତୀ ମନ୍ଦିର ପରିଦର୍ଶନ କରିବା ସମୟରେ ଯୋଗୀ ଆଦିତ୍ୟନାଥଙ୍କ ଭଉଣୀ ଶଶି ଦେବୀଙ୍କୁ ଭେଟିଥିଲେ ।
Also Read
ଉଭୟଙ୍କ ସାକ୍ଷାତ ପରେ ଦୁହେଁ ବହୁତ ଖୁସି ହୋଇଥିଲେ । ଉଭୟ ଉଭୟଙ୍କୁ ଆଲିଙ୍ଗନ କରିଥିଲେ । ହସ ହସ ମୁହଁରେ ଅନେକ କଥା ହୋଇଥିବା ଦେଖିବାକୁ ମିଳିଥିଲା । ଯାହାର ଭିଡିଓ ବର୍ତ୍ତମାନ ସୋସିଆଲ ମିଡିଆରେ ଖୁବ୍ ଭାଇରାଲ ହେବାରେ ଲାଗିଛି ।
ଭିଡିଓଟିକୁ ବିଜେପି ନେତା ଅଜୟ ନନ୍ଦା ଟ୍ୱିଟରରେ ସେୟାର କରିଛନ୍ତି । ସେୟାର କରି କ୍ୟାପସନ୍ରେ ଲେଖିଛନ୍ତି, ପ୍ରଧାନମନ୍ତ୍ରୀ ମୋଦୀଙ୍କ ଭଉଣୀ ବାସନ୍ତୀ ବେନ ଏବଂ ସିଏମ ଯୋଗୀଙ୍କ ଭଉଣୀ ଶଶୀ ଦେବୀ ବହୁତ ସରଳ । ଉଭୟ ଭାରତୀୟ ସଂସ୍କୃତି ଏବଂ ପରମ୍ପରାର ଉଦାହରଣ ।
PM Modi’s sister Basantiben and CM Yogi’s sister Shashi meeting exemplifies the essence of simplicity, Indian culture, and tradition. It's heartening to witness their bond, transcending politics, and making us proud of these two remarkable individuals representing India's values.… pic.twitter.com/CCYLKkvqVb
— Advocate Ajay Nanda (@ajay_mlnanda) August 4, 2023
