LIVE TV
ରାସ୍ତାରେ ପାଣି ନୁହେଁ ବୋହିଲା ମଦ । ରେଡ୍ ୱାଇନ୍ ସୃଷ୍ଟି କଲା ନଦୀର ଭ୍ରମ । ଛୋଟିଆ ସହରର ଏକ ରାସ୍ତାରେ ନଦୀ ସ୍ରୋତ ଭଳି ବୋହି ଯାଉଛି ନାଲି ମଦ । ଯାହାର ଭିଡିଓ ଏବେ ସୋଶିଆଲ ମିଡିଆରେ ଭାଇରାଲ୍ ହେଉଛି । ନା ଆକାଶରୁ ବର୍ଷା ହେଉଛି ନା ପାହାଡ଼ ଫାଟି ଝରଣା ବୋହୁଛି ? କିଛି କୁଆଡୁ ନ ଘଟୁଥିଲେ ବି ରାସ୍ତାରେ ବୋହିଯାଉଛି ନାଲି ରଙ୍ଗର କିଛି ତରଳ ପଦାର୍ଥ । ହଠାତ୍ ପର୍ତ୍ତୁଗାଲର ସାଓ ଲୋରେଙ୍କୋ ଡି ବାଇରୋରେ ଏମିତି ଦୃଶ୍ୟ ଦେଖିବା ପରେ ଆଶ୍ଚର୍ଯ୍ୟ ହୋଇଯାଇଥିଲେ ସ୍ଥାନୀୟ ଲୋକ । ଯାହାର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
ତେବେ ହଠାତ୍ ରାତିରେ ରାସ୍ତା ଉପରେ ଏମିତି ମଦ କେଉଁଠୁ ଆସିଲା ? କେମିତି ଆସିଲା ସେନେଇ କିଛି ଜଣାପଡିନଥିବା ବେଳେ ଦୃଶ୍ୟ କିନ୍ତୁ ଭାଇରାଲ ହେବାରେ ଲାଗିଛି । ପ୍ରଥମେ ନାଲି ରଙ୍ଗର ପାଣି ଭାବୁଥିଲେ ଲୋକେ, ହେଲେ ଯେତେବେଳେ ଜାଣିଲେ କି ଏହା ପାଣି ନୁହେଁ ବରଂ ମଦ ବୋଲି ତାହାକୁ ନେଇ ବଢିଲା ଚର୍ଚ୍ଚା ।
Also Read
ଅନ୍ତର୍ଜାତୀୟ ଗଣମାଧ୍ୟମ ନ୍ୟୁୟର୍କ ପୋଷ୍ଟର ସୂଚନା ଅନୁସାରେ ଏକ ମଦ କାରଖାନା ନିକଟରେ ଥିବା ୨୦ ଲକ୍ଷ ଲିଟର ରେଡ୍ ୱାଇନ୍ ଭର୍ତ୍ତି ଏକ ଟ୍ୟାଙ୍କର ଫୁଟିଯିବାରୁ ଏପରି ଅଘଟଣ ଘଟିଛି । ଯାହା ଫଳରେ ରେଡ୍ ୱାଇନ୍ ସର୍ଟିମା ନଦୀ ଆଡ଼କୁ ବୋହି ଚାଲିଥିଲା । ଦୁର୍ଘଟଣାର ଖବର ପାଇବା ପରେ ଅଗ୍ନିଶମବାହିନୀ ପହଞ୍ଚିବା ପରେ ମଦର ଗତିପଥ ପରିବର୍ତ୍ତନ କରିବା ସହିତ ଏକ ପଡିଆରେ ତାହାକୁ ଗଚ୍ଛିତ କରି ରଖାଯାଇଥିଲା । ସେପଟେ ପୂରା ଘଟଣାରେ କ୍ଷେତର ମାଲିକଙ୍କ କ୍ଷତିପୂରଣ ମିଳିବ ବୋଲି ମଦ କମ୍ପାନୀ ପକ୍ଷରୁ କୁହାଯାଇଛି ।
The citizens of Levira, Portugal were in for a shock when 2.2 million liters of red wine came roaring down their streets on Sunday. The liquid originated from the Levira Distillery, also located in the Anadia region, where it had been resting in wine tanks awaiting bottling. pic.twitter.com/lTUNUOPh9B
— Boyz Bot (@Boyzbot1) September 12, 2023
