LIVE TV
ଗ୍ରୀଷ୍ମର ପ୍ରଭାବରେ ଗରମ ଯାହା ହେଉଛି ସମ୍ଭାଳିବା ମୁସ୍କିଲ୍ ହୋଇପଡିଛି। ଥରେ ଭାବନ୍ତୁ ଏଭଳି ଗରମରେ ଯିଏ ନିଆଁ ପାଖରେ ରହି ରୋଷେଇ କରୁଥିବ ତା’ର ଅବସ୍ଥା କ’ଣ ନ ହେଉଥିବ। ଅନେକ ସମୟରେ ନିଆଁ ଆଗରେ ଘଣ୍ଟା ଘଣ୍ଟା ଠିଆ ହୋଇ ରୋଷେଇ କରିବାକୁ ପଡେ, ଯାହା ଭାରି କଷ୍ଟକର କାମ ପରି ମନେହୁଏ।
ବିଶେଷକରି ରୁଟି ସେକିବା ବେଳେ ଅନେକ ସମୟ ଠିଆ ହେବାକୁ ପଡେ। ଯଦି ପରିବାର ବଡ ହୋଇଥାଏ ତେବେ ଏହି କାମ ଆହୁରି କଠିନ ହୋଇଯାଏ। ସମସ୍ତଙ୍କ ପାଇଁ ନିଆଁ ଆଗରେ ଠିଆହୋଇ ରୁଟି ସେକିବା ପରେ ହାଲତ ପୂରା ଖରାପ ହୋଇପଡେ। ଏଥିରେ ପୁଣି ରୁଟିକୁ ଗୋଲ କରିବାକୁ ପଡେ, ନହେଲେ କାହା ଠାରୁ କେତେ କଥା ଶୁଣିବାକୁ ହୁଏ।
ଏଭଳି ପରିସ୍ଥିତିରେ ରୁଟିକୁ ଗୋଲ୍ କରିବା ଆଉ ଶୀଘ୍ର ତିଆରି କରିବା ନେଇ ଅନେକ ନୂଆ ନୂଆ କୌଶଳ ଖୋଜୁଛନ୍ତି। ପୂର୍ବର୍ଉ ମଧ୍ୟ ପ୍ରେସର୍ କୁକର୍ରେ ଜଣେ ମହିଳା ଶୀଘ୍ର ରୁଟି କରିବାର ଭିଡିଓ ଭାଇରାଲ ହେଉଥିଲା। ବର୍ତ୍ତମାନ ସେହିଭଳି ଆଉ ଏକ ଭାଇରାଲ୍ ଭିଡିଓକୁ ନେଇ ଚର୍ଚ୍ଚା ଜୋର୍ ଧରିଛି। ଏହି ଭିଡିଓରେ ଦେଖାଯାଉଛି ଯେ ଜଣେ ଭାଉଜ କିପରି ଏକ ନୂଆ ଉପାୟରେ ରୁଟିକୁ ଗୋଲ୍ କରିବା ସହିତ ଶୀଘ୍ର ଶୀଘ୍ର ତିଆରି କରିଦେଉଛନ୍ତି।
Also Read
Jessika_guptaa ନାମକ ଏକ ଆକାଉଣ୍ଟରୁ ଶେୟାର ହୋଇଥିବା ଏହି ଭିଡିଓରେ ଜଣେ ମହିଳା ଏକ ନିଆରା ଢଙ୍ଗରେ ରୁଟି ତିଆରି କରୁଥିବା ନଜର ଆସିଛନ୍ତି। ଏହି ମହିଳା ଜଣଙ୍କ ଗୋଲ ଗୋଲ୍ ରୁଟି ବେଲିବା ସହିତ ଶୀଘ୍ର ଶୀଘ୍ର ସେକିବା ପାଇଁ ଏକ ଚମତ୍କାର ଉପାୟ ଆଣିଛନ୍ତି।
ରୁଟି ତିଆରି କରିବା ପାଇଁ ସେ ଚକଟା ଅଟାରୁ କିଛି ନେଇ କିଚେନ୍ ପ୍ଲାଟଫର୍ମରେ ରଖି ଏହାକୁ ରଫ୍ଲୀ ବେଲୁଛନ୍ତି। ଏହାପରେ ଏକ ଛୋଟ ଆଲୁମିନିୟମ୍ ପାତ୍ରକୁ ଓଲଟାଇ ସେଥିରେ ଗୋଲ୍ ଗୋଲ୍ ରୁଟି କାଟି ଦେଉଛନ୍ତି।
ଏହା ପରେ ସେ ଏକ ବଡ଼ ତାୱାରେ ତିନି-ଚାରିଟା ରୁଟିକୁ ଏକାଠି ଅଳ୍ପ ସେକୁଛନ୍ତି ଏବଂ ତା’ପରେ ଏକ ଛୋଟ ତାୱାରେ ରଖି ଅଧିକ ସେକୁଛନ୍ତି ଏବଂ ପରେ ଏହାକୁ ନିଆଁରେ ସେକୁଛନ୍ତି। ରୋଟି ତିଆରି କରିବାର ଏହି ଉପାୟ ଲୋକଙ୍କୁ ଆଶ୍ଚର୍ଯ୍ୟ କରିଛି। ଭିଡିଓର କ୍ୟାପ୍ସନ୍ରେ ଲେଖା ଅଛି, “ବର୍ତ୍ତମାନ ଶାଶୁଘର ଲୋକଙ୍କର କାହାର ସାହସ ନାହିଁ ଯେଉଁମାନେ କହିବେ ଫଟାଫଟ୍ ରୁଟି କର।”
ଖବର ଲେଖାହେବା ବେଳକୁ ଏହି ଭିଡିଓକୁ ୪୨ ମିଲିୟନରୁ ଅଧିକ ଦେଖାଯାଇଥିବାବେଳେ ଏହା ୧୦ ଲକ୍ଷରୁ ଅଧିକ ଲାଇକ୍ ପାଇସାରିଥିଲା। ମନ୍ତବ୍ୟ ଦେବାବେଳେ, ଜଣେ ଲେଖିଛନ୍ତି, ଶାଶୁଘର ଲୋକେ ଏଥିରୁ ବି ଦୁର୍ବଳ ବାହାର କରିବେ। ଆଉ ଜଣେ ଲେଖିଛନ୍ତି “ସମୟ ଏବଂ ଶକ୍ତି ସଞ୍ଚୟ କରନ୍ତୁ ଏବଂ ଯେତେ ଇଛା ସେତେ ଗ୍ୟାସ୍ ସାରନ୍ତୁ।” ତୃତୀୟ ଜଣଙ୍କ ଲେଖିଛନ୍ତି, “ହାର୍ଡ ୱାର୍କ ନୁହେଁ, ସ୍ମାର୍ଟ ୱାର୍କ କରନ୍ତୁ।” ସେହିପରି ଅନ୍ୟ ଜଣେ ଲେଖିଛନ୍ତି, “ଦିଦି, ଆପଣ ଜଣେ ବୈଜ୍ଞାନିକ ହେବାକୁ ସକ୍ଷମ, ନିଜର ସମୟ ରୋଷେଇ ଘରେ ନଷ୍ଟ କରନ୍ତୁ ନାହିଁ।”
