LIVE TV
ଲାଞ୍ଚୁଆ ପୋଲିସଙ୍କୁ ଫିଲ୍ମ ଷ୍ଟାଇଲ୍ରେ ଧରିଲା ସିବିଆଇ । ସାଧାରଣ ଲୋକଙ୍କ ସାମ୍ନାରେ ଲାଞ୍ଚୁଆଙ୍କୁ ମାଡ଼ି ବସିଲା । ଖସି ଯିବାକୁ ଚେଷ୍ଟା କରୁଥିବା ବେଳେ ତଳେ ପକାଇ କାବୁ କଲା ସିବିଆଇ । ଏହି ପୁରା ଘଟଣାର ଏକ ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । କାରଣ ଯେଉଁ ଜନଗହଳିପୂର୍ଣ୍ଣ ସ୍ଥାନରେ ଏହି ଘଟଣା ଘଟିଲା, ସେଠାରେ ଲାଗିଥିଲା ସିସିଟିଭି । ଆଉ ତାର ଫୁଟେଜ୍ ଏବେ ସମସ୍ତଙ୍କ ସାମ୍ନାରେ । ଭିଡିଓଟି ଦେଖିବାକୁ ଫିଲ୍ମ ଭଳି ଖୁବ୍ ରୋମାଞ୍ଚକର ମଧ୍ୟ ହୋଇଛି । ଅନେକ ଏହାକୁ ଲାଇକ୍ ସେୟାର କରିଥିବା ବେଳେ କମେଣ୍ଟ ମଧ୍ୟ ଦେଇଛନ୍ତି ।
Also Read
ପୁରା ଘଟଣାଟି ହେଲା
ଦୁଇରୁ ୩ ଜଣ ପୋଲିସ ଜଣେ ଦୋକାନୀଙ୍କଠାରୁ ବେଆଇନ୍ ପାର୍କିଂଙ୍କୁ ନେଇ ଧମକ ଚମକ ଦେଇଥିଲେ । ଆଉ ତାଙ୍କୁ ଜରିମାନା କରିବା ସହ ଜେଲ୍ରେ ପୁରାଇ ଦେବେ ବୋଲି ମଧ୍ୟ କହିଥିଲେ । ଆଉ ଏହି ମାମଲାର ଖସାଇବା ପାଇଁ ସେହି ବ୍ୟକ୍ତିଙ୍କୁ ୫୦ ହଜାର ଟଙ୍କା ଲାଞ୍ଚ ମାଗୁଥିଲେ । ମୂଲଚାଲ ବି ଛିଡ଼ି ଆସିଥିଲା । ହେଲେ ହଠାତ୍ ଯୋଜନା ମୁତାବକ ସେଠାରେ ପୂର୍ବରୁ ସାଧା ପୋଷାକରେ ଥିବା ସିବିଆଇ ଅଧିକାରୀମାନେ ଲାଞ୍ଚୁଆ ପୋଲିସଙ୍କୁ ମାଡ଼ି ବସିଲେ । କାରଣ ଦୋକାନୀ ଜଣକ ପୂର୍ବରୁ ଏନେଇ ସିବିଆଇରେ ଅଭିଯୋଗ କରିସାରିଥିଲେ ।
ପ୍ରଥମେ ସିବିଆଇ ଅଧିକାରୀଙ୍କୁ ଦେଖି ଦୁଇ ଜଣ ପୋଲିସ ଦୌଡ଼ିବାକୁ ଲାଗିଲେ । ପରେ ତାଙ୍କୁ ଧରିବା ପାଇଁ ତାଙ୍କ ପଛରେ ସିବିଆଇ ଅଧିକାରୀମାନେ ଦୌଡ଼ିଲେ । ହେଲେ ଦୁର୍ଭାଗ୍ୟବଶତଃ ଜଣେ ପୋଲିସ ସେଠାରେ ଛିଡ଼ା ହୋଇଥିବା ବେଳେ ତାଙ୍କୁ ଜାବୁଡ଼ି ଧରିଥିଲେ ଜଣେ ସିବିଆଇ ଅଧିକାରୀ । ସେ ମଧ୍ୟ ତାଙ୍କ କବଳରୁ ଖସିଯିବାକୁ ପ୍ରାଣପଣେ ଚେଷ୍ଟା କରିଥିଲେ । ହେଲେ ବିଫଳ ହୋଇଥିଲେ ।
ତେବେ ଏହି ପୁରା ଘଟଣାଟି ବୁଧବାର ଦିଲ୍ଲୀ ମଙ୍ଗୋଲପୁରୀ ଅଞ୍ଚଳରେ ଘଟିଛି । ପୋଲିସ ଅଧିକାରୀ ଲାଞ୍ଚ ଟଙ୍କା ଧରିଥିବା ବେଳେ ସିବିଆଇକୁ ଦେଖି ଟଙ୍କା ଫିଙ୍ଗି ଦେଇ ନିଜ କାର ଆଡ଼କୁ ଧାଇଁ ଯାଉଥିଲେ । ହେଲେ ଧରିନେଇଥିଲା ସିବିଆଇ ।
ଦେଖନ୍ତୁ ପୁରା ଭିଡିଓ...
#WATCH | CCTV footage of CBI raid under Mangolpuri Police Station area in Delhi on 10th July where one of the accused Head Constable Bheem Singh was seen attempting to flee, but he was caught. CBI has registered FIR against two head constables in a bribery case.
— ANI (@ANI) July 12, 2023
(Source: CCTV… pic.twitter.com/qeoka3n40t
