ଆଶ୍ଚର୍ଯ୍ୟ!! ଗୋଟିଏ ଥାଳିରେ ମାଂସ ଖାଇଲେ ସିଂହ-ମହିଳା

ପ୍ରତିଦିନ ସୋସିଆଲ୍‌ ମିଡିଆରେ ନାନା ପ୍ରକାର ଅଜବ ଗଜବ ଘଟଣା ଦେଖିବାକୁ ମିଳିଥାଏ । ଆପଣମାନେ ବନ୍ୟଜନ୍ତୁଙ୍କୁ ଘରେ ପାଳିଥିବାର ଅନେକ ଭିଡିଓ ଦେଖିଥିବେ । କେବେ ଦେଖିଛନ୍ତି କି, ବନ୍ୟଜନ୍ତୁଙ୍କ ସହ ଗୋଟିଏ ଥାଳିରେ ବସି ଖାଇବା । ପୁଣି ସିଂହ ସହ। କଥାଟା ଅଡୁଆ ଲାଗୁଥିଲେ ବି ସତ । ଏଭଳି ଆଶ୍ଚର୍ଯ୍ୟଜନକ ଭିଡିଓ ଏବେ ସୋସିଆଲ ମିଡିଆରେ ବେଶ୍‌ ଭାଇରାଲ ହେବାରେ ଲାଗିଛି । ଯେଉଁଥିରେ ଜଙ୍ଗଲର ରାଜା ସିଂହ ସହ ବସି ଗୋଟିଏ ଥାଳିରେ ଖାଦ୍ୟ ଖାଉଛନ୍ତି ମହିଳା ।

ବନ୍ୟଜନ୍ତୁଙ୍କୁ ସାଧାରଣତଃ ଜଙ୍ଗଲରେ ଦେଖିବାକୁ ମିଳେ । ଏବେ ଅନେକ ଦେଶରେ ସେମାନଙ୍କୁ ଗୃହପାଳିତ ପଶୁ ଭାବେ ରଖାଯାଉଛି । ଏବେ କିନ୍ତୁ ଏମିତି ଏକ ଭିଡିଓ ଭାଇରାଲ ହେଉଛି, ଯେଉଁଥିରେ ଦେଖିବାକୁ ମିଳିଛି ଯେ, ମହିଳା ଜଣକ ସିଂହ ସହ ବସି ଗୋଟିଏ ଥାଳିରେ ଚିକେନ୍‌ ଖାଉଛନ୍ତି । ମହିଳା ଜଣକ ଚେହେରାରୁ ଟିକେ ବି ଭୟଭୀତ ଥିଲା ଭଳି ଜଣାପଡୁନାହିଁ । ଦୁହେଁ ମିଶି ଚିକେନ୍‌ ଖାଉଛନ୍ତି ।

View this post on Instagram

A post shared by حديقة حيوانات رأس الخيمة (@rak_zoo)

ଭିଡିଓଟି ୟୁଏଇର ରସ୍‌ ଅଲ୍‌ ଖାଇମା ଚିଡ଼ିଆଖାନାରେ ରେକର୍ଡ କରାଯାଇଛି । ଭିଡିଓକୁ ଦର୍ଶକ ଏତେ ମାତ୍ରାରେ ପସନ୍ଦ କରୁଛନ୍ତି ଯେ ଏବେ ଯାଏ ୩.୮ ମିଲିୟନ ୟୁଜର୍ସ ଏହାକୁ ଦେଖିସାରିଲେଣି । ଲୋକେ ଭିଡିଓକୁ ଦେଖି ଆଶ୍ଚର୍ଯ୍ୟ ହେଉଛନ୍ତି ଯେ ମହିଳା କିପରି ଗୋଟିଏ ଥାଳିରେ ସିଂହ ସହ ବସି ଖାଉଛନ୍ତି । ଲୋକେ ଏହି ପୋଷ୍ଟରେ ଭିନ୍ନ ଭିନ୍ନ କମେଣ୍ଟ ମଧ୍ୟ ଦେଉଛନ୍ତି ।