Viral Video: UPSC ପାଇବା ପରେ ବାପାଙ୍କ ଅଫିସ୍‌କୁ ଗଲେ, କହିଲେ ବଡ଼ ଅଫିସର୍ ଆସିଲେ ଠିଆହେବା କଥା ନା ନାହିଁ…

ଆଇଆଇଟି-ରୁର୍କୀ(IIT-Roorkee)ର ସ୍ନାତକ କ୍ଷିତିଜ୍ ଗୁରୁଭେଲେ ୟୁପିଏଏସ୍‌ସି(UPSC) ସିଭିଲ୍ ସର୍ଭିସେସ୍ ପରୀକ୍ଷା (CSE) ୨୦୨୩ ପାଶ୍‌ ଖବର ତାଙ୍କ ବାପାଙ୍କୁ ତାଙ୍କ କାର୍ଯ୍ୟାଳୟରେ ଦେଇ ଆଶ୍ଚର୍ଯ୍ୟ କରିଦେଲେ। ଏପ୍ରିଲ୍ ୧୮ରେ କ୍ଷିତିଜ୍ ଏହାକୁ ଇନଷ୍ଟାଗ୍ରାମରେ ପୋଷ୍ଟ କରିବା ପରେ କ୍ୟାମେରାରେ କଏଦ ହୋଇଥିବା ଏହି ହୃଦୟସ୍ପର୍ଶୀ ମୁହୂର୍ତ୍ତ ସୋସିଆଲ ମିଡିଆରେ ଜମେଇକି ଭାଇରାଲ୍‌ ହେଉଛି।

ପରୀକ୍ଷାରେ କ୍ଷିତିଜ୍ ୪୪୧ର ଏକ ପ୍ରଭାବଶାଳୀ ଅଲ୍‌ ଇଣ୍ଡିଆ ମାନ୍ୟତା ହାସଲ କରିଛନ୍ତି। ତେଣୁ ସେ ତାଙ୍କ ବାପାଙ୍କୁ ଆଶ୍ଚର୍ଯ୍ୟ କରିବା ପାଇଁ ଅଫିସ୍‌ରେ ସହକର୍ମୀମାନଙ୍କ ସହ ମଧ୍ୟାହ୍ନ ଭୋଜନ କରୁଥିବା ବେଳେ ତାଙ୍କ ବାପାଙ୍କୁ ଏହି ଖବର ଜଣାଇବାକୁ ସେ ନିଷ୍ପତ୍ତି ନେଇଥିଲେ।

ଭାଇରାଲ୍ ଭିଡିଓରେ ଦେଖାଯାଏ ଯେ କ୍ଷିତିଜ୍ ଏକ କୋଠରୀରେ ପ୍ରବେଶ କରି ନିଆରା ଶୈଳୀରେ ବାପାଙ୍କୁ କୁହନ୍ତି ଯେ “ଯେତେବେଳେ ଜଣେ ବଡ଼ ଅଧିକାରୀ ଆସନ୍ତି, ଜଣେ ଠିଆହେବା ଦରକାର ନା ନାହିଁ?” ସେ ତାଙ୍କ ବାପାଙ୍କୁ ଏମିତି କହି ତାଙ୍କ ନିକଟକୁ ଯାଆନ୍ତି।

ଭାବନାରେ ଗଦ୍‌ଗଦ୍ ହୋଇ ବାପା ତୁରନ୍ତ ନିଜ ଯାଗାରୁ ଉଠି ପୁଅକୁ କୁଣ୍ଢେଇ ପକାନ୍ତି ଆଉ ଚୁମ୍ବନ ଦେଇପକାନ୍ତି। ବାପାଙ୍କ ସହକର୍ମୀମାନେ ମଧ୍ୟ ଏଥିରେ ଯୋଗ ଦିଅନ୍ତି।

ଇନଷ୍ଟାଗ୍ରାମରେ ନିଜର ଭାବନା ଶେୟାର୍ କ୍ଷିତିଜ ଲେଖିଛନ୍ତି, "ଏହିପରି ମୁଁ ମୋର ବାପାଙ୍କୁ UPSC CSE 2023 ଫଳାଫଳ ଦେଇଥିଲି ଯିଏ ତାଙ୍କ କାର୍ଯ୍ୟାଳୟରେ ସହକର୍ମୀଙ୍କ ସହ ମଧ୍ୟାହ୍ନ ଭୋଜନ କରୁଥିଲେ। ଏହି ବିଶେଷ ମୁହୂର୍ତ୍ତ ପାଇଁ ମୁଁ ୨ ବର୍ଷ କଠିନ ପରିଶ୍ରମ କରିଛି।" ଏହି ଯାତ୍ରାରେ ମୋତେ ସାହାଯ୍ୟ କରିଥିବାରୁ ମା, ବାପା ଏବଂ ଦିଦିଙ୍କ ପାଖରେ ଚିର ଋଣି ରହିବି।”

View this post on Instagram

A post shared by Kshitij Gurbhele (@kshitijgurbhele_)

ଅନ୍‌ଲାଇନ୍‌ରେ ଶେୟାର୍ ହେବା ପରଠାରୁ ଭିଡିଓଟି ସମସ୍ତଙ୍କ ଧ୍ୟାନ ଆକର୍ଷଣ କରୁଛି। ଲୋକମାନେ ବାପ-ପୁଅ ଯୋଡିଙ୍କ ମଧ୍ୟରେ ଥିବା ମଧୁର ବନ୍ଧନକୁ ଆଲୋକିତ କରିବା ପାଇଁ ନିଜ ନିଜ ମତ ଦେଉଛନ୍ତି। ଖବର ଲେଖାହେବା ବେଳକୁ ଭିଡିଓଟି ୨୫ ମିଲିୟନରୁ ଅଧିକ ଭିୟୁ ସହିତ ଭାଇରାଲ ହେଉଥିଲା।

ଜଣେ ବ୍ୟକ୍ତି କହିଛନ୍ତି, “ସେହି ଆଲିଙ୍ଗନ ପାଇଁ ଏତେ ପରିଶ୍ରମ କରାଯାଇଥିଲା।” ଅନ୍ୟ ଜଣେ କହିଛନ୍ତି, “ସେ ଯେପରି ଭାବେ ସେ ତାଙ୍କ ପୁଅକୁ ଚୁମ୍ବନ ଦେଲେ!” ଆଉ ଜଣେ ଲେଖିଛନ୍ତି "ଯେଉଁଭଳି ଭାବେ ଅଙ୍କଲ୍ ଆଲିଙ୍ଗନ କରିଛନ୍ତି!”