ଓଃ କି ସୁବିଧା !! ରେଷ୍ଟୁରାଣ୍ଟରେ ପେଟେ ଖାଇବେ, ତା’ପରେ ଶାନ୍ତିରେ ଶୋଇବେ

ରେଷ୍ଟୁରାଣ୍ଟରେ ସୁସ୍ୱାଦୁ ଭୋଜନ ଖାଇବା ପରେ ନିହାତି ଭାବେ ଆପଣଙ୍କୁ ନିଦ ଲାଗୁଥିବ । ଯଦି ଆପଣଙ୍କୁ ସେଠାରେ ଶୋଇବା ପାଇଁ ସୁବିଧା ମିଳେ । ତେବେ ଆପଣ ନିଶ୍ଚୟ ଘଣ୍ଟାଏ କି ଦୁଇ ଘଣ୍ଟା ଶୋଇପଡ଼ିବେ । କଥାଟି ଆପଣଙ୍କୁ ଅଡୁଆ ଲାଗୁଥିବ । ହେଲେ କଥାଟା ସମ୍ପୂର୍ଣ୍ଣ ଭାବେ ସତ । ଜୋର୍ଡାନର ଏମିତି ଏକ ହୋଟେଲ ରହିଛି, ଯେଉଁଠି ଆପଣ ଖାଇସାରିବା ପରେ ଆପଣଙ୍କୁ ସୋଇବା ପାଇଁ ଏୟାର କଣ୍ତିସନର୍‌ ରୁମ୍‌ ମଧ୍ୟ ମିଳୁଛି ।

ରେଷ୍ଟୁରାଣ୍ଟରେ ଆପଣ ନିଜ ମନପସନ୍ଦ ଖାଦ୍ୟ ବି ଖାଇବେ, ତା’ପରେ AC ରୁମ୍‌ରେ ଖଟ ଉପରେ ବି ଶୋଇବେ । ଏଭଳି ସୁବିଧା ଯୋଗାଇ ଦେଇଛନ୍ତି ଜୋର୍ଡାନର ଏକ ହୋଟେଲ ‘ମୋବ୍‌’ । ଜୋର୍ଡାନର ରାଜଧାନୀ ଅମନ୍‌ରେ ଏହି ରୋଷ୍ଟୁରାଣ୍ଟଟି ରହିଛି । ଜୋର୍ଡାନର ଲୋକପ୍ରିୟ ଖାଦ୍ୟ ମନସଫ୍‌ ଖାଇବା ପରେ ପ୍ରାୟ ଲୋକଙ୍କୁ ନିଦ ଲାଗୁଥିବାର ହୋଟେଲ ମାଲିକ ଜାଣିବାକୁ ପାଇଥିଲେ । ତେଣୁ ସେ ଗ୍ରାହକଙ୍କୁ ଏମିତି ସୁବିଧା ଯୋଗାଇ ଦେଇଛନ୍ତି ।

ମନସଫ୍‌ ହେଉଛି ଜୋର୍ଡାନର ଏକ ପୁରାତନ ଖାଦ୍ୟ । ଏହା ଏକ ଚର୍ବି ଜାତୀୟ ଖାଦ୍ୟ । ଭାତ, ଘିଅ ଓ ମେଣ୍ଢାମାଂସ ସମ୍ବଳିତ ଏହି ଖାଦ୍ୟ ଖାଇଲା ପରେ ଲୋକେ ଶାଇବାକୁ ବେଶ୍‌ ପସନ୍ଦ କରନ୍ତି । ସେଥିପାଇଁ ରେଷ୍ଟୁରାଣ୍ଟ ମାଲିକ ଗ୍ରାହକଙ୍କ ବିଶ୍ରାମ ପାଇଁ AC ରୁମ୍‌ର ବ୍ୟବସ୍ଥା କରିଛନ୍ତି । ତେଣୁ ଗ୍ରାହକମାନେ ଖାଇବା ସାରି ତୁରନ୍ତ ଗାଡ଼ି ଚଳାଇ ସେଠାରୁ ଫେରିବା ଅପେକ୍ଷା କିଛି ସମୟ ସେଠାରେ ବିଶ୍ରାମ କରିବାକୁ ପସନ୍ଦ କରିଥିଲେ।

Also Read

ପ୍ରତି ମୁହୂର୍ତ୍ତରେ ଡରାଉଛି ଏହି ରାସ୍ତା...ରାସ୍ତାକୁ ପାଦ କାଢ଼ିଲେ ଯାଉଛି ଜୀବନ

Read More

ରାତିରେ କୋଚିଂ ସେଣ୍ଟରରେ ଶୋଇଥିବା ବେଳେ କାମୁଡ଼ିଦେଲା ସାପ; ୩ ଛାତ୍ରଛାତ୍ରୀ ମୃତ

Read More

ନା ବେଦୀ, ନା ମନ୍ତ୍ରପାଠ...ସ୍ୱାମୀଙ୍କ ସାମ୍ନାରେ ଦିଅର ନାଁରେ ମଥାରେ ସିନ୍ଦୂର ପିନ୍ଧିଲା ସ୍ତ୍ରୀ

Read More

ତେବେ ଏହି ରେଷ୍ଟୁରାଣ୍ଟକୁ ନେଇ ସୋସିଆଲ ମିଡିଆରେ ବେଶ୍‌ ଚର୍ଚ୍ଚା ହେଉଛି । ଟ୍ୱିଟର୍‌ରେ ଏହି ହୋଟେଲର ଏକ ଭିଡିଓକୁ ମଧ୍ୟ ସେୟାର କରାଯାଇଛି । ଯେଉଁଥିରେ ଲେଖାଯାଇଛି ଯେ, ଜୋର୍ଡାନର ମନପସନ୍ଦ ମନସଫ୍‌ ଖାଆନ୍ତୁ, ଏହାପରେ ଶାନ୍ତିରେ ବିଶ୍ରାମ କରନ୍ତୁ । ଏହି ଭିଡିଓ ବର୍ତ୍ତମାନ ଯାଏଁ ୪୮ ହଜାର ଲୋକ ଦେଖିସାରିଲେଣି ।

Have you ever needed to take a nap after a great meal 🤤? This restaurant in Jordan lets you enjoy the country’s national dish, mansaf, and afterward take a nap in its sleeping area. pic.twitter.com/Qdru4yFjFt

— NowThis (@nowthisnews) July 21, 2023