/odishatv-khabar/media/agency_attachments/2025/07/30/2025-07-30t051037428z-screenshot-2025-07-30-at-104031-am-2025-07-30-10-40-38.png)
/odishatv-khabar/media/member_avatars/uploadimage/library/16_9/16_9_1/IMAGE_1626676223.jpg )
/odishatv-khabar/media/post_attachments/uploadimage/library/16_9/16_9_0/IMAGE_1731150827.jpg)
disabled person born without hand use their legs for everything
ଥରେ ଭାବନ୍ତୁ ତ ଶରୀରର କୌଣସି ଗୋଟିଏ ମୁଖ୍ୟ ଅଙ୍ଗ ବିନା ଜୀବନ କେମିତି ଲାଗିବ? ଯଦି ଆପଣଙ୍କ ହାତ କିମ୍ବା ଗୋଡ ନ ଥିବ ଆପଣ କ’ଣ ବାଟରେ ଛାତି ଫୁଲେଇ, ମୁଣ୍ଡ ଟେକି ଚାଲି ପାରିବେ? ସାଧାରଣତଃ ଆମ ଶରୀରରେ ସାମାନ୍ୟ ଅଭାବ ଦେଖାଗଲେ ଆମେ ନିଜକୁ ଅସହାୟ ମନେ କରୁ। କିନ୍ତୁ ରମେଶ ବିଷ୍ଣୋଇ ହଜାର ହଜାର ଲୋକଙ୍କ ପାଇଁ ପ୍ରେରଣାର ଉତ୍ସ ପାଟଲିଛନ୍ତି।
ଜୀବନ ଥରେ ମିଳିଥାଏ। ତେଣୁ ଏହାକୁ ଆତ୍ମହତ୍ୟାରେ ସାରିଦିଆ ଯାଏନାହିଁ। ସେ ଯାହା ହେଉ ନା କାହିଁକି ବିନା ଭୟରେ, ବିନା ସଂକୋଚରେ ଜଣକୁ ଜୀବନ ସହିତ ଲଢିବାରେ ଅଛି। ଏମିତି କିଛି ଧାଡ଼ି ରମେଶ ବିଷ୍ଣୋଇଙ୍କ ଫେସବୁକ୍ ପ୍ରୋଫାଇଲର ବାୟୋରେ ଲେଖାଯାଇଛି।
ରମେଶ ମଧ୍ୟ ଚାହିଁଥିଲେ ଶାରୀରିକ ସମସ୍ୟା ହେତୁ ହାର ମାନିନେଉଥିବା ଲୋକମାନଙ୍କ ପରି ନିଜ ଜୀବନକୁ ହତ୍ୟା କରିଦେଇପାରିଥାନ୍ତେ। କିନ୍ତୁ ରମେଶ ମୃତ୍ୟୁ ପରିବର୍ତ୍ତେ ସଂଗ୍ରାମକୁ ବାଛିନେଲେ ଏବଂ ତାଙ୍କର ଦୁର୍ବଳତାକୁ ଶକ୍ତିରେ ପରିଣତ କରି ସେ ବର୍ତ୍ତମାନ ବହୁତ ରୋଜଗାର ମଧ୍ୟ କରୁଛନ୍ତି।
ରମେଶଙ୍କ ରୋଜଗାର:
ରମେଶ ଜଣେ ସାଧାରଣ ବାଳକ ପରି ଜୀବନଯାପନ କରନ୍ତି। ହାତ ନ ଥାଇ ମଧ୍ୟ ରମେଶଙ୍କ ମୁହଁରେ କୌଣସି ନିରାଶା ଦେଖାଯାଏ ନାହିଁ। ଜୀବନ ବିଷୟରେ ଏପରି ସକରାତ୍ମକ ଚିନ୍ତାଧାରାର ଫଳାଫଳ ଯେ ରମେଶ ସୋସିଆଲ ମିଡିଆ ମାଧ୍ୟମରେ ପ୍ରତି ମାସରେ ପ୍ରାୟ ଏକ ଲକ୍ଷ ଟଙ୍କା ରୋଜଗାର କରନ୍ତି।
ନିଜ କାମ ନିଜେ କରନ୍ତି:
ରମେଶ ବିଷ୍ଣୋଇ ଯୋଧପୁରର ବାସିନ୍ଦା। ରମେଶଙ୍କର ଉଭୟ ହାତ ନାହିଁ। ଉଭୟ ହାତ ନ ଥିଲେ ମଧ୍ୟ ରମେଶ ତାଙ୍କର ସମସ୍ତ କାମ ନିଜେ କରନ୍ତି। ଗାଧୋଇବା, ବ୍ରଶ୍ କରିବା, ପୋଷାକ ପିନ୍ଧିବା କିମ୍ବା ଖାଇବା ପିଇବା ହେଉ ରମେଶ ଉଭୟ ଗୋଡରେ ଏହି ସବୁ କାମ ଅତି ସହଜରେ କରିପାରନ୍ତି।
ପାଦରେ ଫଟୋଗ୍ରାଫି:
ବିଶେଷ କଥା ହେଉଛି ରମେଶ ଉଭୟ ପାଦରେ ଭଲ ଫଟୋଗ୍ରାଫି ମଧ କରିପାରନ୍ତି। ରମେଶ ଯେପରି କାମ କରନ୍ତି, ଆପଣଙ୍କୁ ଲାଗିବ ଯେପରି ତାଙ୍କ ପାଦ ହେଉଛି ତାଙ୍କ ହାତ।
ରମେଶ ନିଜ ପାଦରେ ସବୁ କାମ ଅତି ସହଜରେ କରିପାରନ୍ତି, ଯାହା ନୀତିଦିନିଆ ଜୀବନରେ ଆବଶ୍ୟକ ହୁଏ। ରମେଶ ତାଙ୍କ ସୋସିଆଲ ମିଡିଆରେ ତାଙ୍କ ପ୍ରଶଂସକଙ୍କ ପାଇଁ ତାଙ୍କର ଦୈନନ୍ଦିନ କାର୍ଯ୍ୟ ମଧ୍ୟ ଶେୟାର କରନ୍ତି।
ରମେଶଙ୍କ ସୋସିଆଲ୍ ମିଡିଆ:
ଇନଷ୍ଟାଗ୍ରାମ ଏବଂ ଫେସବୁକରେ ରମେଶ ବିଷ୍ଣୋଇ ଯୋଧପୁର (Ramesh Bishnoi Jodhpur) ନାମକ ଏକ ଆକାଉଣ୍ଟ ଅଛି। ଯେଉଁଥିରେ ସେ ପ୍ରତିଦିନ ଭିଡିଓ ଅପଲୋଡ୍ କରନ୍ତି।
ଲୋକଙ୍କ ମଧ୍ୟରେ ରମେଶଙ୍କ ଅନେକ ଫଟୋ ଏବଂ ଭିଡିଓ ମଧ୍ୟ ଭାଇରାଲ ହୋଇଛି। ତାଙ୍କ ଭିଡିଓରେ ଏହା ଦେଖିବାକୁ ମିଳେ ଯେ ବିନା ସଂଗ୍ରାମରେ ତାଙ୍କ ପାଇଁ ଏହା ଏତେ ସହଜ ନଥିଲା, କିନ୍ତୁ ରମେଶ ହାର ମାନି ନ ଥିଲେ ଏବଂ ଗୋଡକୁ ହାତ ଭାବେ ବ୍ୟବହାର କରିଥିଲେ।
କ୍ରିକେଟ୍ ଖେଳନ୍ତି:
ରମେଶ ମଧ୍ୟ କ୍ରିକେଟ୍ ଖେଳନ୍ତି। ସେ ବହୁତ ଚମତ୍କାର ବୋଲିଂ କରନ୍ତି। ଚାରି ଏବଂ ଛକା ମଧ୍ୟ ମାରନ୍ତି। କୂଅରେ ବାଲ୍ଟି ପକେଇ ପାଣି ମଧ୍ୟ କାଢି ପାରନ୍ତି। କାହାର ସାହାଯ୍ୟ ବିନା ସେ ପାଣିରେ ପହଁରି ପାରନ୍ତି। ଏପରିକି ସେ ଗାଧୋଇବା ସହିତ ନିଜ ପୋଷାକ ନିଜେ ମଧ୍ୟ ବଦଳାନ୍ତି।
ରମେଶଙ୍କ ପରି ଆମ ଦେଶରେ ଏଭଳି ଅନେକ ସାହସୀ ଲୋକ ଅଛନ୍ତି ଯେଉଁମାନେ ନିଜ ଜୀବନକୁ ଖୁସିରେ ବିତାଉଛନ୍ତି।
/odishatv-khabar/media/media_files/2025/09/22/khabar-advertise-banner-2025-09-22-13-15-01.jpeg)