LIVE TV
ଏମିତି ବି ମଣିଷ ଥାନ୍ତି ! ସୋସିଆଲ ମିଡିଆରେ ଏକ ଭିଡିଓ ଭାଇରାଲ ହେଉଛି । ଯାହା କି ସତ ଘଟଣା । ଯାହାକୁ ଦେଖିଲେ ଯେକେହି ବି କହିବେ, ଏମିତି ବି ଥାନ୍ତି ମଣିଷ । ସାଧାରଣତଃ ଆପଣ ଅନେକ ହତ୍ୟାକାଣ୍ଡ ବିଷୟରେ ଶୁଣିଥିବେ । କାରଣ ହତ୍ୟାକାଣ୍ଡ ହେଉ କି ଜଘନ୍ୟ ହତ୍ୟାକାଣ୍ଡ, ଆଜିକାଲି ଏଭଳି ଅନେକ ଖବର ସାମ୍ନାକୁ ଆସୁଛି । ମଣିଷ ରାଗି ଯାଇ କ’ଣ କରିଦିଏ, ତାହା ,ସେ ନିଜେ ବି ଜାଣିପାରିନି । କାରଣ କଥାରେ ଅଛି ରାଗ ହେଉଛି ବ୍ରହ୍ମ ଚଣ୍ଡାଳ । ଆଉ ସେଇ ରାଗ ହିଁ ମଣିଷର ସବୁଠୁ ବଡ଼ ଶତ୍ରୁ ।
Also Read
ତେବେ ଠିକ୍ ଏମିତି କିଛି ଘଟଣା ଏବେ ସାମ୍ନାକୁ ଆସିଛି । ଯାହାକି ସିସିଟିଭିରେ ପୁରା ରେକର୍ଡ ହୋଇଛି । ଆଉ ସେହି ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି । ଭିଡିଓଟି ଦେଖିଲେ ସ୍ପଷ୍ଟ ଜଣାପଡ଼ୁଛି ଯେ, ଜଣେ ବ୍ୟକ୍ତି ଓ ଜଣେ ମହିଳା ରେଳ ଷ୍ଟେସନ୍ରେ, ଟ୍ରାକ୍ ପାଖରେ କିଛି ସମୟ କଥା ହେଉଛନ୍ତି । ଆଉ ତା’ପରେ ହଠାତ୍ ଏମିତି କିଛି ଘଟୁଛି ତାହା ସେହି ମହିଳା ଜଣକ କେବେ ବି ଭାବିନଥିବେ ।
କିଛି ସମୟ ଉଭୟ କଥା ହେବା ମଧ୍ୟରେ ଟ୍ରାକ୍ରେ ଟ୍ରେନ୍ ଆସୁଛି । ଟ୍ରେନ୍ର ଗତି ଖୁବ୍ ତୀବ୍ର ରହିଛି । ଆଉ ଦ୍ରୁତ ଗତିରେ ଆସୁଥିବା ଟ୍ରେନ୍ ଆଗକୁ ହଠାତ୍ ମହିଳାଙ୍କୁ ଠେଲି ଦେଉଛନ୍ତି ଯୁବକ । ଏହି ପୁରା ଘଟଣା ଷ୍ଟେସନ୍ରେ ଲାଗିଥିବା ସିସିଟିଭି ଫୁଟେଜ୍ରୁ ସ୍ପଷ୍ଟ ବାରି ହେଉଛି । ମହିଳାଙ୍କୁ ନେଇ ଟ୍ରେନ୍ ଆଗକୁ ଧକ୍କା ମାରିବା ପରେ ହଠାତ୍ ପୁରୁଷ ଜଣକ ସେହି ପାଖରେ ବସିଥିବା ଦୁଇ ଜଣ ଶିଶୁଙ୍କୁ ଧରି ଦୌଡ଼ୁଛନ୍ତି ।
ତେବେ ଏନେଇ ରେଲୱେ ପୋଲିସ ପାଖରେ ଖବର ପହଞ୍ଚିବା ପରେ ଘଟଣାର ତଦନ୍ତ ଆରମ୍ଭ ହୋଇଛି । ଆଉ ପ୍ରାଥମିକ ତଦନ୍ତରୁ ଜଣାପଡ଼ିଛି ଯେ, ଏହି ଉଭୟ ପୁରୁଷ ଓ ମହିଳା ସମ୍ପର୍କରେ ପତି-ପତ୍ନୀ । ଆଉ କୁନି ଛୁଆ ଦୁଇ ଜଣ ହେଲେ ସେମାନଙ୍କ ସନ୍ତାନ । ତେବେ ସ୍ୱାମୀ-ସ୍ତ୍ରୀଙ୍କ ମଧ୍ୟରେ କଳି ବା କଥା କଟାକଟିରୁ ସେଠାରେ ବଚସା ହୋଇଥିଲା । ଆଉ ସ୍ୱାମୀ ରାଗି ଯାଇ ସ୍ତ୍ରୀଙ୍କୁ ଟ୍ରେନ୍ ଆଗକୁ ଠେଲି ଦେଲେ ।
ଏହି ଖବର ପ୍ରଚାରିତ ହେବା ପରେ ବା ଭିଡିଓ ଦେଖିବା ପରେ ଏବେ ସମସ୍ତଙ୍କ ମୁହଁରେ ଗୋଟିଏ କଥା, ‘କି ନିଷ୍ଠୁର ସ୍ୱାମୀ । ଛୋଟ ଛୋଟ ପିଲାଙ୍କୁ ମା ଛେଉଣ୍ଡ କରିଦେଲା ।’
ଏହି ଘଟଣା ମୁମ୍ବାଇ ନିକଟରେ ଥିବା ଭସାଇ ରେଲୱେ ଷ୍ଟେସନ୍ରେ ସୋମବାର ସକାଳ ପ୍ରାୟ ୪ଟା ସମୟରେ ଘଟିଛି । ଘଟଣାର ମୁଖ୍ୟ ଅଭିଯୁକ୍ତ ବା ମୃତକଙ୍କ ସ୍ୱାମୀକୁ ଗିରଫ କରାଯାଇଛି ।
#Mumbai: A man, in his 30s, threw his sleeping wife in front of a speeding long distance train at #Vasai railway station and fled with his two minor children on Monday morning. Search launched for him.#Viral #viralvideo #Maharashtra pic.twitter.com/w0IyvmdNnx
— Siraj Noorani (@sirajnoorani) August 23, 2022
