LIVE TV
ଏମିତି ଛାଡ଼ପତ୍ର ସମସ୍ତଙ୍କ ଭାଗ୍ୟରେ ଆସୁ ! ଆପଣଙ୍କ ଜମା ଆଶ୍ଚର୍ଯ୍ୟ ହୁଅନ୍ତୁନି । ଆମର କୌଣସି ପ୍ରକାର ଖରାପ ଉଦେଶ୍ୟ ନାହିଁ । ପୁରା କାହାଣୀଟି ପଢ଼ିଲେ ଆପଣ ବି ଆମ ଭଳି ଆଶ୍ଚର୍ଯ୍ୟ ହେବେ, ଆଉ କହିବେ ଏମିତି ସ୍ୱାମୀ ସମସ୍ତଙ୍କ ଭାଗ୍ୟରେ ମିଳୁ । ଛାଡ଼ପତ୍ର ହେବେ ଏମିତି ହଉ । ଆଜି ଆମେ ଆପଣଙ୍କୁ ଯେଉ ଛାଡ଼ପତ୍ର କାହାଣୀଟି କହିବୁ, ବୋଧ ହୁଏ ଆପଣଙ୍କ କେବେ ଏମିତି କାହାଣୀ ଶୁଣିଥିବେ ।
ସାଧାରଣତଃ ଛାଡ଼ପତ୍ରରେ ହେଲେ ସ୍ୱାମୀ ସ୍ତ୍ରୀ କେହି କାହାରି ମୁହଁ ଚାହିଁବାକୁ ବି ପସନ୍ଦ କରନ୍ତି ନାହିଁ । ଏମିତିକି ଜଣକ ପ୍ରତି ଜଣଙ୍କର ପ୍ରେମ ସରିଯାଇଥାଏ ଓ ସମ୍ମାନ ବି ନଥାଏ । ଜଣେ ଅନ୍ୟ ଜଣଙ୍କୁ ଘୃଣା ବି କରନ୍ତି । ତେବେ ଏହି କାହାଣୀ ଏହି ସବୁଠାରୁ ନିଆରା ନିଶ୍ଚୟ ।
Also Read
ସୋସିଆଲ ମିଡିଆରେ ଏହି ଛାଡ଼ପତ୍ର କାହାଣୀ ଏବେ ଖୁବ୍ ଭାଇରାଲ ହେଉଛି । ଅନେକ ଏଭଳି ସ୍ୱାମୀଙ୍କୁ ବହୁତ ସାରା ଧନ୍ୟବାଦ ଜଣାଇଛନ୍ତି । ଆଉ ଲେଖିଛନ୍ତି ଛାଡ଼ପତ୍ର ହେବ ତ ଏମିତି ହେଉ । ଯେମିତି ଅଲଗା ହେବା ପରେ ପତ୍ନୀ ଦୁଃଖରେ କି ଚିନ୍ତାରେ ନରୁହନ୍ତୁ । କିମ୍ବା ପତ୍ନୀଙ୍କୁ କୌଣସି ପ୍ରକାର ଅସୁବିଧା ନହେଉ ।
ଏହି କାହାଣୀଟିକୁ ଶ୍ରୁତି ଚତୁର୍ବେଦୀ ନାମକ ଜଣେ ୟୁଜର ସୋସିଆଲ ମିଡିଆ ଏକ୍ସ’ରେ ପୋଷ୍ଟ କରିଛନ୍ତି । ସେ ଲେଖିଛନ୍ତି, ‘ଏହା ହେଉଛି ଦୁନିଆର ସବୁଠାରୁ ସୁନ୍ଦର ଆଉ ବିରଳ ଛାଡ଼ପତ୍ର । ୨୬ ବର୍ଷ ଧରି ସ୍ୱାମୀ-ସ୍ତ୍ରୀ ଭାବେ ସୁଖ ଦୁଃଖର ଜୀବନ ଅତିବାହିତ କରିବା ପରେ ଏବେ ମୋର ଦୁଇ ବନ୍ଧୁ ଅଲଗା ହୋଇଛନ୍ତି । ସେମାନେ ଉଭୟ ଉଭୟଙ୍କୁ ଛାଡ଼ପତ୍ର ପ୍ରଦାନ କରିଛନ୍ତି । ମୋ ଜୀବନରେ ଏଭଳି ଛାଡ଼ପତ୍ର କେବେ ଦେଖି ନାହିଁ ।’
2 friends are getting divorced after 26 years of marriage and my god this is the NICEST divorce I’ve seen! Woman had left her job to take care of the house. Now the husband is buying her a house, doing it for her taste because he knows it better than her, building her multiple…
— Shruti Chaturvedi 🇮🇳 (@adhicutting) February 28, 2024
‘ପତ୍ନୀଙ୍କଠାରୁ ଅଲଗା ହେବା ପରେ, ପତ୍ନୀଙ୍କ ପାଇଁ ଘର କିଣିଦେଲେ ସ୍ୱାମୀ । ଅନେକ ଫିକ୍ସଡ୍ ଡିପୋଜିଟ୍ ମଧ୍ୟ କଲେ । କିଛି ବଣ୍ଡ ମଧ୍ୟ କରିଛନ୍ତି ଯେଉଁଥିରୁ ପ୍ରତିମାସରେ ପତ୍ନୀଙ୍କ ଚଳିବା ପାଇଁ କିଛି ରୋଜଗାର ଆସିବ । ଖାଲି ସେତିକି ନୁହେଁ ତାଙ୍କ ପାଇଁ ଜମି ମଧ୍ୟ କିଣି ଦେଇଛନ୍ତି ସ୍ୱାମୀ । ଯେମିତିକି ତାଙ୍କୁ ବାକି ଜୀବନରେ କେବେ ଅଭାବ ଅସୁବିଧା ନହେବ । ପରବର୍ତ୍ତୀ ଜୀବନରେ ସେ ଯେମିତି ଅନ୍ୟ କାହାରା ସାହାରା ଖୋଜିବେନି କିମ୍ବା କାହା ଆଗରେ ଅଭାବ ଦୁଃଖ ଜଣାଇବେ ନାହିଁ । ସେଥିପାଇଁ ସବୁ ବ୍ୟବସ୍ଥା କରିଦେଲେ ସ୍ୱାମୀ । କଥା ଏତିକିରେ ସରେ ନାହିଁ । ପତ୍ନୀଙ୍କ ପାଇଁ ସେ ବଡ଼ ଚିକିତ୍ସା ବୀମା ମଧ୍ୟ କରିଛନ୍ତି ।
ତେଣୁ ଯେଉଁ ସମାଜରେ ଛାଡ଼ପତ୍ର ପରେ ସ୍ୱାମୀ-ସ୍ତ୍ରୀଙ୍କ ସମ୍ପର୍କ ରହୁନାହିଁ । କିଏ କେମିତି ବଞ୍ଚିଲା ତାର ଖୋଜ ଖବର ରଖୁ ନାହାନ୍ତି । ସେଠି ଏଭଳି ଛାଡ଼ପତ୍ର ନିଶ୍ଚିତ ଭାବେ ଖୁବ୍ ସୁନ୍ଦର ।
