Viral No Parking Board: ‘ଏଠାରେ ପାର୍କିଂ କଲେ ପୂର୍ବପୁରୁଷଙ୍କ ଅଭିଶାପ ପଡିବ, ମଶାମାନେ ଆକ୍ରମଣ କରିବେ’

ଆଇଟି ରାଜଧାନୀ ବେଙ୍ଗାଲୁରୁରେ ପାର୍କିଂ ହେଉଛି ସବୁଠାରୁ ବଡ ସମସ୍ୟା। ଏନେଇ ଲୋକମାନେ ନିଜ ଗାଡିଗୁଡ଼ିକୁ ରାସ୍ତାରେ ପାର୍କ କରନ୍ତି। ଅନେକ ସ୍ଥାନରେ ଲୋକମାନେ ନିଜ କାର୍‌ଗୁଡ଼ିକୁ ନୋ-ପାର୍କିଂ ସ୍ଥାନରେ ରଖନ୍ତି। ଯେଉଁ କାରଣରୁ ରାସ୍ତାରେ ଟ୍ରାଫିକ୍ ଜାମ୍ ହୁଏ ଏବଂ ଲୋକମାନେ ଅସୁବିଧାର ସମ୍ମୁଖୀନ ହୁଅନ୍ତି।

ଏହି ସମସ୍ୟାକୁ ଏଡାଇବା ପାଇଁ, ଜଣେ ବ୍ୟକ୍ତି ନୋ-ପାର୍କିଂ(No Parking)ର ଏପରି ଏକ ସ୍ୱତନ୍ତ୍ର ସାଇନ୍ ବୋର୍ଡ ଲଗେଇଛନ୍ତି ଯେ ଲୋକମାନେ ନୋ ପାର୍କିଂରେ ସେମାନଙ୍କ କାର୍‌ ପାର୍କିଂ କରିବା ଛାଡିଦେବେ। ବେଙ୍ଗାଲୁରୁର ନୋ ପାର୍କିଂର ଏହି ସାଇନ୍ ବୋର୍ଡ ସୋସିଆଲ ମିଡିଆରେ ଏବେ ଭାଇରାଲ ହେବାରେ ଲାଗିଛି, ଯେଉଁଥିରେ ଗାଡିକୁ ସେଠାରେ ପାର୍କିଂ କରାଯିବା ଉଚିତ ନୁହେଁ ବୋଲି ଭିନ୍ନ ଢଙ୍ଗରେ ଲେଖାଯାଇଛି।

ନୋ ପାର୍କିଂ ସାଇନ୍ ବୋର୍ଡର ଏହି ଫଟୋ ସୋସିଆଲ ମିଡିଆ X ରେ @KrishnaCKPS ନାମର ଏକ ଆକାଉଣ୍ଟରେ ଶେୟାର କରାଯାଇଛି। ଭାଇରାଲ୍ ଫଟୋରେ ଲେଖା ଅଛି, “ଏଠାରେ ପାର୍କିଂ କରନ୍ତୁ ନାହିଁ। ପୂର୍ବପୁରୁଷଙ୍କ ଅଭିଶାପ ପଡିବ। ଆପଣଙ୍କର ଜୋତାର ଫିତା ଖୋଲିଯିବ। ଭୟଙ୍କର ଗୁଣ୍ଡୁଚିମୂଷା ଆପଣଙ୍କ ଉପରେ ଆକ୍ରମଣ କରିବ। ଆପଣଙ୍କ ଖରାପ ଦିନ ଆରମ୍ଭ ହେବ। ଆପଣଙ୍କ ଫ୍ରିଜ୍‌ରେ ଥିବା ଖାଦ୍ୟ ନଷ୍ଟ ହୋଇଯିବ। ଆପଣଙ୍କ କାର୍‌ ଭାଙ୍ଗିଯିବ, ଆପଣଙ୍କର ଟାୟାର ଖରାପ ହୋଇଯିବ ଏବଂ ଆପଣଙ୍କୁ ବହୁତ ମଶା କାମୁଡ଼ିବ। ପାର୍ଟୀରେ ଆପଣଙ୍କ ସହ କେହି ବି କଥା ହେବେ ନାହିଁ ଏବଂ ସମସ୍ତେ ଆପଣଙ୍କୁ ପରିହାସ କରିବେ। ବନ୍ଧୁ, ପାର୍କିଂ ପୂର୍ବରୁ ସାବଧାନ ରୁହନ୍ତୁ।”

ବର୍ତ୍ତମାନ ଏହି ଫଟୋ ସୋସିଆଲ ମିଡିଆରେ ଭାଇରାଲ ହେଉଛି। ଏହି ପୋଷ୍ଟ୍‌ ପରେ ଜଣାପଡିଯାଇଛି ଯେ ବେଙ୍ଗାଲୁରୁର ଲୋକମାନେ କେତେ ସୃଜନଶୀଳ ଏବଂ ପାର୍କିଂକୁ ନେଇ ମଧ୍ୟ ସେମାନେ ସଚେତନ ହୋଇଯାଇଛନ୍ତି। ଏହା ଏକ ଅନନ୍ୟ ଚେତାବନୀ।

Parking Prohibited

This is @peakbengaluru

Parking 🅿️ ಮಾಡೋರಿಗೆ ಈ ತರಹ ಶಾಪನಾ 😂 pic.twitter.com/1PXkkasp6g

— KP (@KrishnaCKPS) January 29, 2024

ବେଙ୍ଗାଲୁରୁରେ ସାମାଜିକ ସଚେତନତା ସହିତ ଜଡିତ ଅନେକ ପଦକ୍ଷେପ ନିଆଯାଏ। ଏହାପୂର୍ବରୁ ସେଠାରେ 'ସ୍ମାର୍ଟଫୋନ୍ ଜୋମ୍ବିଜ୍ ସାବଧାନ' ସମ୍ପର୍କିତ ଏକ ଆନ୍ଦୋଳନ ଆରମ୍ଭ ହୋଇଥିଲା। ଏଥିରେ ଲୋକଙ୍କୁ ଏକ ନୂତନ ପ୍ରକାରର ବିପଦ ବିଷୟରେ ଚେତାବନୀ ଦିଆଯାଇଥିଲା।

ଏଠାରେ ରୋଡ୍ ସାଇନ୍ ବୋର୍ଡରେ ଡିଜିଟାଲ୍ ବିଭ୍ରାଟକୁ ମହାମାରୀ ଭାବରେ ବର୍ଣ୍ଣନା କରାଯାଇଥିଲା। ଯେଉଁଥିରେ ମୋବାଇଲର ସୀମିତ ବ୍ୟବହାର ବିଷୟରେ ଆଲୋଚନା ହୋଇଥିଲା। 'ସ୍ମାର୍ଟଫୋନ୍ ଜାମ୍ବି' ବା 'ସ୍ମାମ୍ୱି' ଶବ୍ଦ ସେହି ଲୋକମାନଙ୍କ ପାଇଁ ବ୍ୟବହୃତ ହୁଏ ଯେଉଁମାନେ ମୋବାଇଲରେ ନିଜର ସମସ୍ତ ସମୟ ବିତାଉଛନ୍ତି, ଯେଉଁ କାରଣରୁ ସେମାନେ କେବଳ ନିଜ ପାଇଁ ନୁହେଁ ଅନ୍ୟମାନଙ୍କ ପାଇଁ ମଧ୍ୟ ବିପଦ ପାଲଟୁଛନ୍ତି।