LIVE TV
ପ୍ରେମ ଅଢ଼େଇ ଅକ୍ଷର । ସମୟ ବଦଳିବା ସାଙ୍ଗକୁ ପ୍ରେମ ପ୍ରକାଶ କରିବାର ତରିକା ବି ବଦଳୁଛି । ଇଏ ଏମିତି ଏକ ଶବ୍ଦ ଯାହାକୁ ବର୍ଣ୍ଣନା କରିବା ପାଇଁ ଶବ୍ଦ କମ ପଡ଼ିବ । ଆଗକାଳର ପ୍ରେମ ଆଉ ଏବେର ପ୍ରେମ ଭିତରେ ଆକାଶ ପାତାଳ ଫରକ୍ । ପୂର୍ବରୁ ଚିଠି ଦିଆନିଆରେ ଚାଲିଥିଲା ପ୍ରେମ । ହେଲେ ବର୍ତ୍ତମାନର ପ୍ରେମ ହ୍ୱାଟ୍ସଆପ୍ ଓ ଭିଡିଓ କଲ୍ରେ ସୀମିତ । ପୂର୍ବରୁ ପ୍ରେମିକାକୁ ଚିଠିଟିଏ ଦେବା ପାଇଁ ରାତିରାତି ଅନିଦ୍ରା ହେଉଥିଲା ପ୍ରେମିକ । ନିଜ ପ୍ରେମକୁ କିଛି ନିଆରା କରିବା ପାଇଁ ଭିନ୍ନ ଏକ ପ୍ରୟାସ ଆରମ୍ଭ କରିଛନ୍ତି ଏହି ଯୁବକ ।
ଆପଣ ବି ପ୍ରେମ କରିଥିବେ ଆଉ ପ୍ରେମିକାକୁ ପ୍ରେମଭରା ଚିଠିଟିଏ ଲେଖିଥିବେ । କିନ୍ତୁ ଏମିତି ଚିଠିଟିଏ କେବେ ଦେଖିନଥିବେ । ପାଠ ଯେମିତିକୁ ଭଲ ପାଇବା ପ୍ରକାଶ କରିବା ତରିକା ବି ସେମିତି । ବିଜ୍ଞାନ ପଢ଼ୁଥିବା ଛାତ୍ରଟିଏ ନିଜ ଲଭ୍ ଷ୍ଟୋରୀକୁ ଡାଇଗ୍ରାମ ମାଧ୍ୟମରେ ଦର୍ଶାଇଛି । ସେ ଚିଠି ଦେଖିଲେ ଆପଣଙ୍କୁ ଟିକେ ବୁଝିବାକୁ ଅସୁବିଧା ହେବ । ପ୍ରେମିକା କିନ୍ତୁ ବୁଝିଯାଇଛି ପ୍ରେମିକର ସେହି ପ୍ରେମଭରା ଚିଠି ।
Also Read
ବାସ୍ତବରେ ଏହି ଚିଠିକୁ ଜଣେ ମହିଳା ଘର ସଫା କରିବା ବେଳେ ପାଇଥିଲେ । ଏହି ପ୍ରେମପତ୍ର ୧୮ବର୍ଷ ତଳର । ଆଶ୍ଟର୍ଯ୍ୟର କଥା ହେଉଛି ମହିଳା ଜଣକ ଜାଣିନଥିଲେ ଯେ ତାଙ୍କ ସ୍ୱାମୀ ଏହି ଚିଠିଟିକୁ ଲେଖିଛନ୍ତି । ଦୁହେଁ ଯେତେବେଳେ କଲେଜ୍ରେ ପଢ଼ୁଥିଲେ, ସେତେବେଳେ ତାଙ୍କ ସ୍ୱାମୀ ଏହି ଚିଠିକୁ ଲେଖିଥିଲେ । ନିଜ ଭଲପାଇବାକୁ ଡାଇଗ୍ରାମରେ ସଜାଇଦେଇଥିଲେ ସ୍ୱାମୀ ।
Was cleaning up some old stuff yday when I rediscovered some old hand written letters that Mr Iyer had written to me some 18.5 years ago.
— Saiswaroopa (@Sai_swaroopa) April 3, 2023
But who writes about lab experiments along with detailed diagrams in letters to their girl friend?
(Yeah I said yes to this guy 😍) pic.twitter.com/OSzWejrB4p
ତେବେ ଏହି ଚିଠିକୁ ସାଇସ୍ୱରୂପାଙ୍କ ଟ୍ୱିଟର୍ ଆକାଉଣ୍ଟରୁ ପୋଷ୍ଚ କରାଯାଇଛି । କ୍ୟାପ୍ସନ୍ରେ ଲେଖିଛନ୍ତି ଯେ, ‘ମୋ ସ୍ୱାମୀ ଶ୍ରୀଯୁକ୍ତ ଅୟର୍ କଲେଜ୍ରେ ପଢ଼ୁଥିବା ବେଳେ ମୋ ପାଇଁ ଏହି ଚିଠିଟିଏ ଲେଖିଥିଲେ । ସେତେବେଳେ ମୁଁ ତାଙ୍କୁ ହଁ କରିଦେଇଥିଲି’ । ତେବେ ଏହି ଚିଠିକୁ ଲୋକେ ବେଶ୍ ପସନ୍ଦ କରିଛନ୍ତି । ଏବେ ପର୍ଯ୍ୟନ୍ତ ୩ ଲକ୍ଷରୁ ଅଧିକ ଲୋକ ଦେଖିସାରିଲେଣି ।
Love Letter
