LIVE TV
ଜିଲ୍ଲାସ୍ତରୀୟ ସ୍ୱାଧୀନତା ଦିବସ ପାଳନ ମଞ୍ଚରେ ପ୍ରଶାସନକୁ କୁନି ଝିଅର ଗୁହାରି । ଅଭିନୟ ବେଳେ ସରକାରଙ୍କ ସବୁ ପୋଲ ଖୋଲି ଦେଲା କୁନି ଝିଅ । ମନ୍ତ୍ରୀ, ବିଧାୟକ, ଜିଲ୍ଲାପାଳଙ୍କ ସମେତ ସବୁ ବଡ଼ ଅଧିକାରୀଙ୍କ ଉପସ୍ଥିତି କୋରାପୁଟବାସୀଙ୍କ ଦୁଃଖ ବଖାଣିଛି କୁନି ଝିଅ ।
ଜିଲ୍ଲାର ଦସମନ୍ତପୁର ବ୍ଲକର ବାସ୍ତବ ସ୍ଥିତି ଓ ସମସ୍ୟା ସମ୍ପର୍କରେ ବଖାଣି ପ୍ରଶାସନକୁ ଦର୍ପଣ ଦେଖାଇଛି ଏକି କଅଁଳ ପ୍ରତିଭା । ଏହି ଭିଡିଓ ଏବେ ଭାଇରାଲ ହେବାରେ ଲାଗିଛି । ପିଲାଟିର ଅଭିନୟ ଛଳରେ ଅଭିଯୋଗ ବେଳେ ମଞ୍ଚରେ ଥିବା ଅତିଥି ହସୁଥିବା ଦେଖିବାକୁ ମିଳିଥିଲା ।
Also Read
#ଜୁହାର_ବାବୁ_ଜୁହାର
— ଓଟିଭି (@otvkhabar) August 17, 2023
‘ଆମେ ବହୁତ କଷ୍ଟରେ ଅଛୁ । ଆମ ଗାଁ ପାଇଁ ଟିକିଏ ସୁବିଧା କର।’ ଏମିତି ମନ୍ତ୍ରୀ ଓ କଲେକ୍ଟରଙ୍କୁ କହି ଚର୍ଚ୍ଚାରେ ଏଇ ଛୋଟ ପିଲାଟି...#Koraput #Odisha pic.twitter.com/2zedGGB75D
ଅଭିନୟ ଢଙ୍ଗରେ ପୁଲାପୁଳା ଅଭିଯୋଗ ଫର୍ଦ୍ଦ ଖୋଲିଥିବା କୁନି ଝିଅଟି ହେଉଛି କୋରାପୁଟ ସରସ୍ୱତୀ ଶିଶୁ ମନ୍ଦିରର ଶିଶୁ ବାଟିକାରେ ପଢ଼ୁଥିବା ୪ ବର୍ଷର ସୋନାଲି ଦାଶ । କୁନି ଝିଅର ସାହସ ଓ ପ୍ରଚେଷ୍ଟାକୁ ସାଧାରଣରେ ପ୍ରଶଂସା କରାଯାଉଛି । ତେବେ ଏ ପ୍ରସଙ୍ଗରେ ପ୍ରଶାସନର ପ୍ରତିକ୍ରିୟା ମିଳିପାରିନାହିଁ । ...
