Viral Video: ବଡ ଭାଇର ପୋଲ୍ ଖୋଲିଦେଲା କୁନି ପୁଅ; ଭିଡିଓ ଦେଖି ହସି ହସି ଗଡିବେ

କୁହାଯାଏ ଯେ ପିଲାମାନେ ମନରୁ ସଚ୍ଚା ହୋଇଥାନ୍ତି। ଏହି କାରଣରୁ ଅନେକ ସମୟରେ ଦେଖାଯାଏ ଯେ ବାପା-ମାଆଙ୍କ ସାମ୍ନାରେ ସେମାନଙ୍କର ବଡ଼ ଭାଇ କିମ୍ବା ଭଉଣୀମାନଙ୍କ ପୋଲ୍ ଖୋଲିଦିଅନ୍ତି। ଏହିପରି ମଜାଳିଆ ଭିଡିଓ ଏବଂ ଫଟୋ ପ୍ରାୟତଃ ସୋସିଆଲ ମିଡିଆରେ ଭାଇରାଲ ହୁଏ, ଯାହା ପିଲାଦିନର ସ୍ମୃତିକୁ ସତେଜ କରିଦିଏ।

ବର୍ତ୍ତମାନ ଏହିପରି ଏକ ମଜ୍ଜାଳିଆ ଭିଡିଓ ଇଣ୍ଟରନେଟରେ ଭାଇରାଲ ହେଉଛି, ଯାହା ଦେଖି ଆପଣ ହସି ହସି ଗଡିଯିବେ। ଭିଡିଓରେ, ଜଣେ ଛୋଟ ପିଲାଙ୍କୁ ଯେତେବେଳେ ଶିକ୍ଷକ ତା’ର ବଡ ଭାଇ ବିଷୟରେ କିଛି ପଚାରନ୍ତି ସେ ତା’ ପୋଲ୍ ଖୋଲିଦେବା ଦେଖାଯାଏ। ଏହି ଭିଡିଓ ଦେଖିବା ପରେ ଆପଣ କେବେ ବି ନିଜ ହସକୁ ଚାପିରଖି ପାରିବେ ନାହିଁ।

ଭାଇରାଲ୍ ହେଉଥିବା ଏହି ଭିଡିଓର ଆରମ୍ଭରେ ଆପଣ ଦେଖିପାରିବେ ଯେ ଅନେକ ପିଲା ତଳେ ବସି ପାଠ ପଢୁଛନ୍ତି। ଏହି ସମୟରେ, ଜଣେ ଶିକ୍ଷକ ଏକ ୪-୫ ବର୍ଷର ପିଲାକୁ ପଚାରନ୍ତି ଯେ, ତୁମର ଭାଇ କାହିଁକି ପାଠ ପଢୁ ନାହିଁ?

ଏହି ପ୍ରଶ୍ନ ଶୁଣି ପିଲାଟି ଗମ୍ଭୀରଭାବେ ଠିଆହୋଇଯାଏ ଆଉ କୁହେ, “କହିବି, ସେ ସବୁବେଳେ ଫୁଟ୍‌ବଲ୍‌ ଖେଳେ, ସତ କହିବି ତ, ହଁ, ସତ, ସବୁବେଳେ ବୁଲେ…”। ଏହା ପରେ ଶିକ୍ଷକ ପୁଣି ଥରେ ପିଲାଟିକୁ ପଚାରନ୍ତି ଯେ ତୁମେ କ’ଣ କର? ଏହାକୁ ନେଇ ପିଲାଟି ଅତି ସାଧାରଣ ଭାବରେ ଉତ୍ତର ଦିଏ ଯେ, 'ମୁଁ ରାତିରେ ମୋ ଦିଦି ସହିତ ପାଠ ପଢେ। ଦିଦି ସହିତ, ତାନ୍ୟା ଦିଦି ସହିତ।”

View this post on Instagram

A post shared by Navneet jha (@navneetjha9916)

ଏହି ଭିଡିଓ ସୋସିଆଲ ମିଡିଆ ପ୍ଲାଟଫର୍ମ ଇନଷ୍ଟାଗ୍ରାମରେ @ navneetjha9916 ନାମକ ଏକ ଆକାଉଣ୍ଟରେ ଶେୟାର କରାଯାଇଛି, ଯାହାକୁ ବହୁତ ଦେଖାଯାଉଛି ଏବଂ ପସନ୍ଦ କରାଯାଉଛି। ଲୋକମାନେ ବିଭିନ୍ନ ପ୍ରକାରର ପ୍ରତିକ୍ରିୟା ଦେଇ ଭିଡିଓରେ ସେମାନଙ୍କର ମତ ଦେଉଛନ୍ତି।

ଜଣେ ଲେଖିଛନ୍ତି, “ଶତ୍ରୁ ତ ଅନେକ ମିଳିବେ, ହେଲେ ଏମିତି କୁନି ଭାଇ ମିଳିବେ ନାହିଁ”। ଆଉ ଜଣେ ଲେଖିଛନ୍ତି, “ପିଲାଦିନ ହେଉଛି ଜୀବନର ସେହି ଅଂଶ, ଯାହାକୁ ସାରା ଜୀବନ ମନେପକେଇ ଖୁସିରେ ରହିହେବ।”