LIVE TV
ଭାବନ୍ତୁ ତ, ଗୋଆ ଯାଇଥିବେ ବୁଲିବାକୁ । ଭରପୂର ମଜାମସ୍ତି କରୁଥିବେ । ଏହି ସମୟରେ କୌଣସି ଏକ କାରଣରୁ ଆପଣଙ୍କର ଆଇଫୋନଟି ଚୋରି ହୋଇଯିବ । ତେବେ ଆପଣ କ’ଣ କରିବେ କହିଲେ । ସବୁ ମଜା ସେଇଠି ସରିଯିବ ନା । ଏପରି ଏକ ଘଟଣା ଦିଲ୍ଲୀର ଜଣେ ବ୍ୟକ୍ତିଙ୍କ ସହ ଘଟିଛି ।
ତେବେ ଯେତେବେଳେ ସେ ଜାଣିଲେ ଯେ; ଚୋରି ହେବା ପରେ ଆଇଫୋନଟି କୁଆଡ଼େ ଗଲା, ସେତେବେଳେ ତାଙ୍କର ଆଶ୍ଚର୍ଯ୍ୟର ସୀମା ରହିଲାନି । ପାଓଭାଜୀ ଖାଇବା ପାଇଁ ଆଇଫୋନଟିକୁ ଦେଇଥିବା ସେ ପରେ ଜାଣିଲେ । କେବଳ ପାଓଭାଜୀର ଗୋଟେ ପ୍ଲେଟ ପାଇଁ ଏପରି ଦାମୀ ଫୋନ ଦେଇଦେବା କଥାଟି, ଆପଣଙ୍କୁ ହଜମ ହେଉଛି କି... ନୁହେଁ ନା ।
ଆଇଫୋନର ଦାମ ସାଧାରଣତଃ ୬୦ ହଜାରରୁ ଆରମ୍ଭ ହୋଇ ଦେଢ଼ ଲକ୍ଷ ଟଙ୍କା ପର୍ଯ୍ୟନ୍ତ ଥାଏ । ରୋଡ ସାଇଡରେ ୧୦୦ ଟଙ୍କାରେ ମିଳୁଥିବା ପାଓଭାଜୀ ପାଇଁ ଏତେ ଟଙ୍କାର ଆଇଫୋନ ଦେଇଦେବା ନିହାତି ଆଶ୍ଟର୍ଯ୍ୟକର । ଏହାକୁ ନେଇ ଏକ ପୋଷ୍ଟ ବର୍ତ୍ତମାନ ସୋସିଆଲ ମିଡିଆରେ ଭାଇରାଲ ହେଉଛି ।
Also Read
A drunk dude pickpocketed my phone in goa (I was equally drunk) The drunk dude then got very hungry and went to eat bhaji pao in a small shop but he had no money to pay for it so he took out the red iPhone and tried to trade that for the bhaji pao,the owner took the phone from - https://t.co/HNpTRTjwFG
— bedardi raja (@KartikeyaRai11) March 13, 2024
କାର୍ତ୍ତିକେୟ ରାୟ ନାମକ ଜଣେ ବ୍ୟକ୍ତି, ନିଜର ଗୋଆ ଗସ୍ତର ଅଭିଜ୍ଞତା ବାଣ୍ଟିଥିଲେ । ରାୟ ନିଜ X ଆକାଉଣ୍ଟରେ ଲେଖିଛନ୍ତି, ଜଣେ ମଦ୍ୟପ ଆଇଫୋନଟି ଚୋକରି କରିନେଇଥିଲା । ସେ ମଧ୍ୟ ସେ ସମୟରେ ନିଶାରେ ଥିବା ପ୍ରକାଶ କରିଥିଲେ । ତେବେ ଫୋନଟିକୁ ନେଇ ସେ ନିକଟସ୍ଥ ଏକ ପାଓଭାଜୀ ଦୋକାନରେ ଦେଇ ଗୋଟେ ପ୍ଲେଟ ପାଓଭାଜୀ ଖାଇଥିଲେ । ବୋଧ ହୁଏ ସେ ସମୟରେ ବହୁ ଭୋକିଲା ଥିଲେ କିମ୍ବା ଅତ୍ୟଧିକ ମଦ୍ୟପାନ ପାଇଁ ଜାଣିପାରି ନଥିଲେ ବୋଲି ରାୟ କହିଛନ୍ତି ।
ପରେ ଅନ୍ୟ ଏକ ଟ୍ୱିଟ ଯୋଗେ ରାୟ କହିଛନ୍ତି, ଦୋକାନୀ ଫୋନକୁ ରଖିବା ସହ ତାଙ୍କୁ ପାଓବାଜୀ ପ୍ଲେଟ ଦେଇଥିଲେ । ଅନ୍ୟପଟେ ଫୋନ ହଜିବାର ପ୍ରାୟ ୩୬ ଘଣ୍ଟା ପରେ କଲ୍ କରିବାକୁ କଲ ରିସିଭ କରିଥିଲେ । ପରେ ସେ ଫୋନକୁ ଫେରାଇ ଦେଇଥିଲେ ।
ଏହି ପୋଷ୍ଟଟି ବର୍ତ୍ତମାନ ସୋସିଆଲ ମିଡିଆରେ ଭାଇରାଲ ହେଉଛି । ଜଣେ ୟୁଜର୍ସ କହିଛନ୍ତି କି, ବର୍ତ୍ତମାନର ସମାଜ ପାଇଁ ଏହା ଏକ ନୀତିଶିକ୍ଷା । ଅନ୍ୟଜଣେ ଲେଖିଛନ୍ତି, ପାଓଭାଜୀ ନିହାତି ରୂପେ ସେତେ ଭଲ ହୋଇଥିବ । ନହେଲେ ଆଇଫୋନ ବା କିଏ କାହିଁକି ଦେବ ।
