ହ୍ୱାଟ୍ସଆପ୍‌ରେ ଏକାଥରେ କିପରି ଡିଲିଟ୍ କରିବେ ଅଦରକାରୀ ଫଟୋ, ଭିଡିଓ

ହ୍ୱାଟ୍ସଆପ୍ କେବଳ ଏକ ମେସେଜିଂ ଆପ୍ ନୁହେଁ ବରଂ ଏହା ବ୍ୟବହାରକାରୀଙ୍କୁ ଫଟୋ, ଭିଡିଓ, ଡକ୍ୟୁମେଣ୍ଟ୍ ଏବଂ ଏପରିକି GIF ଏବଂ ଷ୍ଟିକର ଦ୍ୱାରା ଯୋଗାଯୋଗ କରିବାକୁ ଅନୁମତି ଦେଇଥାଏ। ମେଟା-ମାଲିକାନା ଆପ୍ ବ୍ୟବହାରକାରୀଙ୍କ ପାଇଁ ଇଣ୍ଟର୍‌ଫେସ୍ ଏବଂ ଗୋପନୀୟତା ବୃଦ୍ଧି ପାଇଁ ସମୟ ସମୟରେ ନୂଆ ଫିଚର୍‌ଗୁଡିକ ବାହାର କରିଥାଏ। ଦେଖାଯାଏ ଯେ ଅନେକ ସମୟରେ ମୋବାଇଲ୍‌ରେ ଅନାବଶ୍ୟକ ଷ୍ଟୋରେଜ ସ୍ମାର୍ଟଫୋନ୍‌କୁ ସ୍ଲୋ କରିଦିଏ।

ଏହାକୁ ଦୃଷ୍ଟିରେ ରଖି ଆପ୍ ଏବେ ନୂଆ ଫିଚର ବାହାର କରିଛି। ମୋବାଇଲ୍‌ରୁ ସ୍ପେସ୍ ଖାଲି କରିବାକୁ ଆପଣ ଏବେ ଏକା ଥରରେ ସେଭ୍ ହୋଇଥିବା ବଡ ଭିଡିଓ, ଫଟୋ, ଫାଇଲ୍ ପରି ଆପ୍ ଡାଟା ଡିଲିଟ୍ କରି ପାରିବେ, ଯାହା ଆପଣଙ୍କୁ ଆଉ ଦରକାର ନାହିଁ। କିନ୍ତୁ ପ୍ରଥମେ ଏହାକୁ ସମୀକ୍ଷା କରିବାକୁ ହେବ।

କିପରି କରିବେ ସମୀକ୍ଷା ଓ ଡିଲିଟ୍:

ଷ୍ଟୋରେଜ୍ ଦେଖିବା ପରେ, ଆପଣ ମିଡିଆ ସମୀକ୍ଷା କରିପାରିବେ ଏବଂ ବଡ କିମ୍ବା ଅନେକ ଥର ପଠାଯାଇଥିବା ଆଇଟମ୍‌ଗୁଡିକ ଡିଲିଟ୍ କରି ଷ୍ଟୋରେଜ୍ ମୁକ୍ତ କରିପାରିବେ।

• ଷ୍ଟୋରେଜ୍ ପରିଚାଳନା ଅଧୀନରେ, '୫ MB ରୁ ବଡ' ଫାଇଲ୍ ଉପରେ ଟ୍ୟାପ୍ କରନ୍ତୁ କିମ୍ବା ଏକ ନିର୍ଦ୍ଦିଷ୍ଟ ଚାଟ୍ ଚୟନ କରନ୍ତୁ
• ଆପଣ ସର୍ଟ ଆଇକନ୍ ଟ୍ୟାପ୍ କରି ସବୁଠାରୁ ବଡ, ନୂଆ, ପୁରୁଣା ମିଡିଆ ସର୍ଟ କରିପାରିବେ
• ବ୍ୟକ୍ତିଗତ କିମ୍ବା ଏକାଧିକ ମିଡିଆ ଉପରେ ସିଲେକ୍ଟ ଏବଂ ଟ୍ୟାପ୍ କରି ସେଗୁଡ଼ିକୁ ଡିଲିଟ୍ କରିପାରିବେ

ଧ୍ୟାନ ଦିଅନ୍ତୁ ଯେ ଆପଣ ହ୍ୱାଟ୍ସଆପ୍‌ରୁ ମିଡିଆ ଡିଲିଟ୍ କରିବା ପରେ ମଧ୍ୟ ଏହା ଆପଣଙ୍କ ଫୋନର ଷ୍ଟୋରେଜ୍‌ରେ ଉପଲବ୍ଧ ହୋଇପାରେ। ତେଣୁ ଏହାକୁ ଗ୍ୟାଲେରୀରୁ ସ୍ଥାୟୀ ଭାବରେ ଡିଲିଟ୍ କରନ୍ତୁ।

ଯଦି ଆପଣ ଅନ୍ୟମନସ୍କରେ କିଛି ଦରକାରୀ ଫାଇଲ୍ ଡିଲିଟ୍ କରିଦେଇଛନ୍ତି ତେବେ ଆଉ ଥରେ ମଧ୍ୟ ରିଷ୍ଟୋର୍ କରିପାରିବେ।

କିପରି କରିବେ ଡିଲିଟ୍:

• ନୂଆ ଫିଲ୍ଟର ସର୍ଚ୍ଚ ଫିଚର୍ ବ୍ୟବହାର କରି ଆପଣ ବ୍ୟକ୍ତିଗତ ମିଡିଆ ଡିଲିଟ୍ କରିପାରିବେ
• WhatsApp CHATS ଟ୍ୟାବ୍ ଖୋଲନ୍ତୁ ଏବଂ ତାପରେ Search ଉପରେ ଟ୍ୟାପ୍ କରନ୍ତୁ
• ଯେଉଁ ମିଡିଆ ଖୋଜିବାକୁ ଏବଂ ଡିଲିଟ୍ କରିବାକୁ ଚାହୁଁଛନ୍ତି ସେହି ଫଟୋ, ଭିଡିଓ, କିମ୍ବା ଡକ୍ୟୁମେଣ୍ଟ୍‌ ଚୟନ କରନ୍ତୁ
• ଡିଲିଟ୍ କରିବାକୁ ଚାହୁଁଥିବା ଆଇଟମ୍‌କୁ ଟ୍ୟାପ୍ କରନ୍ତୁ ଏବଂ ଖୋଲନ୍ତୁ
• ଡିଲିଟ୍ ଉପରେ ଟ୍ୟାପ୍ କରନ୍ତୁ

WhatsApp ଅପଲୋଡ୍ ଗୁଣ ଉପରେ କିପରି ଲିମିଟ୍ ସେଟ୍ କରିବେ:

• WhatsApp ମଧ୍ୟ ଉପଭୋକ୍ତାମାନଙ୍କୁ ମିଡିଆ ଅପଲୋଡ୍ ଗୁଣରେ ସୀମା ସ୍ଥିର କରିବାକୁ ଅନୁମତି ଦିଏ। ଏହା କରିବା ପାଇଁ-
• WhatsApp ସେଟିଂ ଖୋଲନ୍ତୁ
• ଷ୍ଟୋରେଜ୍ ଏବଂ ଡାଟା ଉପରେ ଟ୍ୟାପ୍ କରନ୍ତୁ

ମିଡିଆ ଅପଲୋଡ୍ ଗୁଣବତ୍ତା ଉପରେ ଅପ୍‌ସନ ଅଧୀନରେ ଥିବା ଅଟୋ, ବେଷ୍ଟ୍ କ୍ୱାଲିଟି କିମ୍ବା ଡାଟା ସେଭର୍ ସେଟ୍ କରନ୍ତୁ

ଉପଭୋକ୍ତାମାନେ ମିଡିଆ ଅଟୋ ଡାଉନ୍‌ଲୋଡ୍‌କୁ ମଧ୍ୟ ନିୟନ୍ତ୍ରଣ କରିପାରିବେ ଯାହା ଦ୍ୱାରା ଅନାବଶ୍ୟକ ମିଡିଆ ମୋବାଇଲ୍ ଡାଟା କିମ୍ବା ୱାଇ-ଫାଇ୍‌ରେ ଅଟୋ ଡାଉନ୍‌ଲୋଡ୍ ହେବ ନାହିଁ।