‘ପୁଅରେ ତୋ ଗୋଡ଼ ଧରୁଛି, ମୁଣ୍ଡିଆ ମାରୁଛି...ଘର ଛାଡ଼ି ଯାଆନି’...ଭିଡିଓ ଦେଖିଲେ ଆଖିରେ ଲୁହ ଆସିଯିବ

ପରିଣତ ବୟସରେ ସନ୍ତାନମାନେ ସେମାନଙ୍କର ଦେଖାଶୁଣା କରିବେ, ଏହା ସବୁ ବାପାମା’ଙ୍କର ଆଶା ଥାଏ। ହେଲେ ଆଜିକାଲିର କିଛି ପିଲା ବାପାମା’ଙ୍କୁ ପଚାରିବେ କ’ଣ ଓଲଟା ସେମାନଙ୍କୁ ଛାଡ଼ି ସ୍ତ୍ରୀ,ପିଲାଙ୍କୁ ଧରି ଅନ୍ୟତ୍ର ରହୁଛନ୍ତି। ଆଉ କିଏ ସେବା କରିବାକୁ ପଡ଼ିବ ବୋଲି ବାପାମା’ଙ୍କୁ ନେଇ ବୃଦ୍ଧାଶ୍ରମରେ ଛାଡ଼ି ଦେଉଛନ୍ତି। ସୋସିଆଲ୍‌ ମିଡିଆରେ ଏମିତି ଏକ ଭିଡିଓ ଭାଇରାଲ୍‌ ହେଉଛି, ଯାହାକୁ ଦେଖିଲେ ହୁଏତ ଆପଣଙ୍କ ଆଖିରେ ଲୁହ ଆସିଯିବ। ବିଶ୍ୱ ପିତୃ ଦିବସ(Father’s Day) ଅବସରରେ ଏହି ଭିଡିଓ ଭାଇରାଲ୍‌ ହୋଇଥିଲା। ଗୋଟିଏପଟେ ସାରା ବିଶ୍ୱରେ ଲୋକମାନେ ଏହି ଦିବସକୁ ପାଳନ କରୁଥିବା ବେଳେ ଅନ୍ୟପଟେ ଏହି ସମୟରେ ଏଭଳି ଏକ ଭିଡିଓ ଭାଇରାଲ୍‌ ହୋଇଥିଲା। 

ଭାଇରାଲ୍‌ ଭିଡିଓରେ ଦେଖିବାକୁ ମିଳିଛି, ଜଣେ ବୃଦ୍ଧ, ଜଣେ ଯୁବକ ଓ ତାଙ୍କ ସ୍ତ୍ରୀଙ୍କ ଗୋଡ଼ ଧରିବା ସହ ସେମାନଙ୍କ ଗୋଡ଼ ତଳେ ପଡ଼ୁଛନ୍ତି। ଏପରିକି ମୁଣ୍ଡିଆ ମଧ୍ୟ ମାରୁଛନ୍ତି। ଏହି ସମୟରେ ଜଣେ ବୃଦ୍ଧା ହାତ ଯୋଡ଼ି ସେମାନଙ୍କୁ ନେହୁରା ମଧ୍ୟ ହେଉଛନ୍ତି। ହେଲେ ଯୁବକ ଜଣକ ସେମାନଙ୍କର କୌଣସି କଥା ନଶୁଣି ପଳାଉଛନ୍ତି। 

 

 

 

 

View this post on Instagram

 

 

 

 

 

 

 

 

 

 

 

A post shared by YASHOFFICIALY20 (@yashofficialy20)

ଭିଡିଓରୁ ଜଣାପଡ଼ୁଛି, ସମ୍ପୃକ୍ତ ବୃଦ୍ଧ ଦମ୍ପତି ସେମାନଙ୍କର ପୁଅ ଓ ବୋହୂଙ୍କୁ ଅଟକାଇବା ପାଇଁ ଚେଷ୍ଟା କରୁଛନ୍ତି। କାରଣ ସେମାନେ ଘର ଛାଡ଼ି ପଳାଉଥିଲେ। ହେଲେ ପୁଅ-ବୋହୂ ସେମାନଙ୍କର କୌଣସି କଥା ଶୁଣିନଥିଲେ। ଏପରିକି ବୁଢ଼ା ବାପାମା’ ସେମାନଙ୍କ ଗୋଡ଼ ତଳେ ପଡ଼ିଥିଲେ ମଧ୍ୟ ଏସବୁ ସେମାନଙ୍କୁ କୌଣସି ଫରକ୍‌ ପଡ଼ିନଥିଲା ଓ ଘର ଛାଡ଼ି ପଳାଇଥିଲେ। ସେହି ସମୟରେ ଏଭଳି ଦୃଶ୍ୟକୁ କେହି ଜଣେ କଏଦ କରିଥିଲେ। ଯାହାର ଭିଡିଓ ସୋସିଆଲ୍‌ ମିଡିଆରେ ଭାଇରାଲ୍‌ ହେଉଛି। 

ପ୍ରକୃତରେ କେଉଁଠି ଏଭଳି ଘଟଣା ଘଟିଛି, ତାହା ଜଣାପଡ଼ିନି। yashofficialy20 ପକ୍ଷରୁ ଭିଡିଓଟି ଇନଷ୍ଟାଗ୍ରାମରେ ଶେୟାର କରାଯାଇଛି। ଭିଡିଓକୁ ଦେଖିଲା ପରେ ୟୁଜର୍ସମାନେ ଇମୋସନାଲ୍‌ ହୋଇ କମେଣ୍ଟ ଦେବା ସହ ପୁଅ-ବୋହୂଙ୍କୁ ଗାଳି କରିଛନ୍ତି। 

OTV is now on Whatsapp

Join and get latest news update delivered to you via whatsapp

Join Now