LIVE TV
ବାପା ! ଆକାଶ ଠାରୁ ବି ବେଶୀ ପ୍ରଶସ୍ତ ତାଙ୍କ ହୃଦୟ । ନିଜ ପେଟରୁ କାଟି ଆହାର ଯୋଗାଉଥିବା ମଣିଷ ଟିଏ । ସେ ଜୀବନର ଅସଲି ନାୟକ କହିଲେ ଚଳେ । ହେଲେ ବୟସର ଅପରାହ୍ନରେ ପିଲାମାନେ ବାପାଙ୍କୁ ଯେପରି ଅନାଦର କରି ଅପମାନିତ କରୁଛନ୍ତି, ତାହା ଅତି କଷ୍ଟଦାୟକ । ଏଥିପାଇଁ କେଉଁଠି ବାପାମା’ ଆତ୍ମହତ୍ୟା କରି ଦେଉଛନ୍ତି ତ ପୁଣି କେଉଁଠି କୁଳାଙ୍ଗାର ପୁଅ ଜୀବନ୍ତ ଦେବତାଙ୍କୁ ଘରୁ ବାହାର କରିଦେଉଛି । ନିକଟରେ ଏପରି ଏକ ଘଟଣା ଘଟିଛି । ଯେଉଁଥି ପାଇଁ ବୁଢ଼ା ବାପା ଥାନାର ଦ୍ୱାରସ୍ଥ ହୋଇଛି ।
ମଧ୍ୟପ୍ରଦେଶର ଗୁଆଲିୟରରେ ଏପରି ଏକ ଘଟଣା ଘଟିଛି । ପୁଅର ଅଭିଯୋଗ ନେଇ ପୋଲିସ ପାଖରେ ପହଞ୍ଚିଥିଲେ ଜଣେ ବୁଢ଼ା ବାପା। ମଦ୍ୟପାନ କରିବା ସହ ପୁଅ ତାଙ୍କୁ ଓ ସ୍ତ୍ରୀକୁ ସବୁବେଳେ ମାରଧର କରୁଥିବା ପୋଲିସ୍ ବାବୁଙ୍କୁ ଜଣାଇଥିଲେ । ତେବେ ସମସ୍ୟା ଶୁଣିବା ମାତ୍ରେ ଡିଏସପି ସନ୍ତୋଷ ପଟେଲ ବୃଦ୍ଧଙ୍କୁ ନିଜ କାରରେ ବସାଇ ତାଙ୍କ ଗାଁରେ ପହଞ୍ଚି ଯାଇଥିଲେ । ପୋଲିସକୁ ଦେଖି ମଦୁଆ ପୁଅ ଛାନିଆ ହୋଇଯାଇଥିଲା । ବାବୁଙ୍କ ଗାଡ଼ିରେ ବୁଢ଼ା ବାପା ବସିଥିବା ଦେଖି ଦଉଡ଼ି ଯାଇ ଗୋଡ଼ ତଳେ ପଡ଼ିଯାଇଥିଲା । ଆଉ କ୍ଷମା କରିଦେବାକୁ ବୁଢ଼ା ବାପା ଆଗରେ ନେହୁରା ହୋଇଥିଲା । ଡିଏସପି ନିଜେ ଏହି ଘଟଣାର ଭିଡିଓ ଟ୍ୱିଟରରେ ସେୟାର କରିଛନ୍ତି । ଏହି ଭିଡିଓକୁ ଏପର୍ଯ୍ୟନ୍ତ ୧ ଲକ୍ଷରୁ ଅଧିକ ଭିୟୁ ମିଳିସାରିଛି ।
Also Read
बुजुर्ग सामान्यतः कार्यालय के बाहर जूते उतारकर आते हैं शायद पुलिस के प्रति उनके मन में न्याय, राहत, मदद पाने की आस्था होती है। एक बुजुर्ग जिनका शराबी बेटा पत्नी व उनकी मारपीट करता है। मौके पर लड़का पिता के पैरों में दण्डवत माफी मांगने लगा तो लगा पुलिस की नौकरी में ही यह सम्भव है। pic.twitter.com/Mae9ruxCmr
— Santosh Patel DSP (@Santoshpateldsp) April 10, 2023
ସୂଚନାଯୋଗ୍ୟ ଏବେ ମଧ୍ୟପ୍ରଦେଶର ଗ୍ୱାଲିଅର୍ ଜିଲ୍ଲାରେ କାର୍ଯ୍ୟରତ ଅଛନ୍ତ ଡିଏସପି ସନ୍ତୋଷ ପଟେଲ । ସୋସିଆଲ ମିଡିଆରେ ସବୁବେଳେ ସେ ବହୁତ ସକ୍ରିୟ । ନିକଟରେ ସେ ଏହି ଭିଡିଓ ସେୟାର କରିଥିଲେ, ଯାହା ସୋସିଆଲ ମିଡିଆରେ ଭାଇରାଲ ହୋଇଥିଲା । ଭିଡିଓର କ୍ୟାପସନରେ ଲେଖିଥିଲେ- ସାଧାରଣତଃ ବୟସ୍କ ଲୋକମାନେ ଅଭିଯୋଗ କରିବା ପାଇଁ ଆସିଲେ ଥାନା ବାହାରେ ଚପଲ ଖୋଲି ଆସନ୍ତି । ବୋଧହୁଏ ପୋଲିସ ପ୍ରତି ସେମାନଙ୍କର ଅଗାଧ ବିଶ୍ୱାସ ଥାଏ । ଜଣେ ବୃଦ୍ଧଙ୍କୁ ମଦ୍ୟପ ପୁଅ ମାଡ଼ ମାରୁଥିଲେ, ହେଲା ଘଟଣାସ୍ଥଳକୁ ପହଞ୍ଚିବା ପରେ ପାଦତଳେ ପଡ଼ିଯାଇ କ୍ଷମା ମାଗିବାରେ ଲାଗିଥିଲା ପୁଅ । କେବଳ ପୋଲିସ୍ ଚାକିରିରେ ଏହା ସମ୍ଭବ ବୋଲି ଅନୁଭବ କରୁଥିବା ସେ ଲେଖିଛନ୍ତି ।
