ଅଯୋଧ୍ୟା ମନ୍ଦିର ପରିସରର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଏହି ଭିଡିଓଟି ଏକ ଛୋଟ ପିଲାର, ଯିଏ ମନ୍ଦିରକୁ ଆସୁଥିବା ଲୋକଙ୍କୁ ଚନ୍ଦନ ଓ ସିନ୍ଦୁର ଟିକା ଲଗଉଛନ୍ତି। ଏହି ସମୟରେ ବାଟରେ ଜଣେ ବ୍ୟକ୍ତି ଅଟକି ଯାଇ ତାଙ୍କ ସହିତ କଥାବାର୍ତ୍ତା ଆରମ୍ଭ କରନ୍ତି। ସେ ପିଲାଟିକୁ ପଚାରନ୍ତି ଯେ ଏହି କାମ କରି ସେ କେତେ ରୋଜଗାର କରୁଛନ୍ତି? ପିଲାଟି ଚୁପ୍ ରହିବାରୁ ସେ ପୁଣି ପଚାରନ୍ତି, ସେ ସକାଳେ କେତେବେଳେ ଉଠନ୍ତି?
ଏହାର ଉତ୍ତରରେ ପିଲାଟି କୁହେ ଯେ ସେ ସକାଳ ୬ଟାରେ ଉଠନ୍ତି ଏବଂ ସକାଳ ୧୦ଟା ପର୍ଯ୍ୟନ୍ତ ଚନ୍ଦନ-ସିନ୍ଦୁର ଲଗାନ୍ତି। ଏହା ପରେ ସେ ପୁଣି ଉପରବେଳା ଆସି ରାତି ୮ଟା ପର୍ଯ୍ୟନ୍ତ ଏହି କାମ କରନ୍ତି। ସେ ତାଙ୍କର ପୂରା ଦିନର ରୋଜଗାର ବିଷୟରେ ମଧ୍ୟ କୁହନ୍ତି। ଏହା ଶୁଣି ବ୍ୟକ୍ତିଜଣଙ୍କ ଆଶ୍ଚର୍ଯ୍ୟ ହୋଇଯାଆନ୍ତି ଆଉ କୁହନ୍ତି ଯେ ପିଲାଟିର ଦରମା ଜଣେ ଡାକ୍ତରଙ୍କ ଦରମା ସହିତ ସମାନ! ଏହା ଶୁଣି ପିଲାଟି ସେଠାରୁ ଚାଲିଯିବାବେଳେ ଟିକିଏ ହସିଦିଏ ଆଉ କୁହେ - ଡାକ୍ତରଙ୍କଠାରୁ କମ୍ ଭାବୁଛ କି? ପିଲାଟି କୁହେ ଯେ ସେ ସକାଳ ବେଳା ୧୦୦୦ ଓ ସନ୍ଧ୍ୟା ବେଳା ୫୦୦ ଟଙ୍କା ରୋଜଗାର କରେ।
ଅଧିକ ପଢ଼ନ୍ତୁ: Viral Video: ଆମେରିକାର ସହରକୁ କବ୍ଜା କରିଛନ୍ତି ବାନର; ଘୋଡାରେ ବୁଲୁଛନ୍ତି!
Also Read
ସେହି ବ୍ୟକ୍ତି ଇନ୍ଷ୍ଟାଗ୍ରାମ୍ରେ ଏହି ପୋଷ୍ଟ କରି ଲେଖିଛନ୍ତି - ଅଯୋଧ୍ୟା ର ଗୋଲୁ ଭାରତର ଅଧିକାଂଶ କର୍ମୀଙ୍କ ଅପେକ୍ଷା ଅଧିକ ରୋଜଗାର କରନ୍ତି। କିନ୍ତୁ ତା’ଠାରୁ ଅଧିକ ହେଉଛି ତାଙ୍କ ଆତ୍ମବିଶ୍ୱାସ, ଏବଂ ସ୍ୱାଧୀନତାର ଭାବନା ଯାହା ସବୁ ଉପରେ। ଗୋଲୁଙ୍କ ପାଖରେ ସେହି ଷ୍ଟ୍ରିଟ୍ ସ୍ମାର୍ଟସିଟି ଅଛି ଯାହା ପାଇବା ପାଇଁ ବଡ ବଡ କମ୍ପାନୀ IIM ପରି ବ୍ୟବସାୟ ସ୍କୁଲ୍କୁ ଯାଆନ୍ତି।”
ସେ ଆହୁରି ଲେଖିଛନ୍ତି, “କିନ୍ତୁ, ବାସ୍ତବରେ, ଭାରତର ରାସ୍ତାରେ ଏପରି ଅସଂଖ୍ୟ “ଗୋଲୁ” ବୁଲୁଛନ୍ତି, ଯେଉଁମାନଙ୍କ ପାଖରେ ସେହି ସାହସ ଏବଂ ଆତ୍ମବିଶ୍ୱାସ ରହିଛି। ଟିକେ ଭାବନ୍ତୁ ଯଦି ଏହି ପ୍ରତିଭାମାନଙ୍କୁ ଉପଯୁକ୍ତ ଶିକ୍ଷା କିମ୍ବା ବ୍ୟବସାୟୀକ ମାର୍ଗଦର୍ଶନ ଦିଆଯାଏ! ଯଦି ଆମେ ତିରିଶ ବର୍ଷ ଆଗକୁ ଯାଇ ଦେଖିବା, ତେବେ ଏହା ହୋଇପାରେ ଯେ ଏହି ବ୍ୟକ୍ତିମାନେ କୌଣସି ଏକ ବଡ଼ ମ୍ୟାନେଜମେଣ୍ଟ କଲେଜରେ ଶ୍ରେଣୀଗୃହରେ ଛିଡ଼ା ହୋଇ ଲେକ୍ଚର୍ ଦେଉଥିବେ।”
ଏହି ପୋଷ୍ଟରେ ସେ ପୁଣି କହିଛନ୍ତି, “ମୁଁ ଦକ୍ଷତା ବିକାଶ ଏବଂ ଉଦ୍ୟୋଗ ମନ୍ତ୍ରଣାଳୟ ସହିତ କିଛି ପରିଶ୍ରମୀ ତଥା ଦକ୍ଷ ଭାରତୀୟ ଅଧିକାରୀଙ୍କ ନିକଟରେ ପହଞ୍ଚିବାକୁ ଚାହୁଁଛି, ଯାହାଙ୍କୁ ମୋର ଜାଣିବାର ସୌଭାଗ୍ୟ ମିଳିଛି। ମୁଁ ସେମାନଙ୍କୁ ଅନୋରୋଧ କରିବାକୁ ଚାହେଁ ଯେ ଆମ ରାସ୍ତା, ମନ୍ଦିର ଏବଂ ଟ୍ରାଫିକ୍ ଲାଇଟ୍ ଅଞ୍ଚଳରେ ଥିବା ସମ୍ଭାବନା ଦେଖନ୍ତୁ।”
ଏହି ଭିଡିଓଟି ଏପ୍ରିଲ୍ ୨୯ରେ ଇନଷ୍ଟାଗ୍ରାମରେ @ guardians_of_the_cryptoverse ନାମକ ଏକ ଆକାଉଣ୍ଟରୁ ପୋଷ୍ଟ କରାଯାଇଥିଲା। ଖବର ଲେଖାହେବା ବେଳକୁ ଏହି ଭିଡିଓ ୨୩ ମିଲିୟନରୁ ଅଧିକ ଭ୍ୟୁ ଏବଂ ୧୩ ଲକ୍ଷରୁ ଅଧିକ ଲାଇକ୍ ପାଇସାରିଥିଲା। ଏହି ଭିଡିଓ ଉପରେ ହଜାର ହଜାର ଲୋକ ମଧ୍ୟ ପ୍ରତିକ୍ରିୟା ପ୍ରକାଶ କରିଛନ୍ତି।
ଅଧିକ ପଢ଼ନ୍ତୁ: Viral Video: କେବେବି ଶୁଣି ନ ଥିବେ ରାଇମ୍ସ ପଢିବାର ଏମିତି ଷ୍ଟାଇଲ୍; ହସି ହସି ପେଟ ଦରଜ ହେଇଯିବ
ଜଣେ ବ୍ୟକ୍ତି ଲେଖିଛନ୍ତି - ମହାଦେବ ଗୋଲୁଙ୍କୁ ଆଶୀର୍ବାଦ କରନ୍ତୁ। ଆଉ ଜଣେ ଲେଖିଛନ୍ତି - ଭାଇ, ଏହି ପିଲାଟି ବହୁତ ସୁନ୍ଦର। ଏ ମୋର ହୃଦୟ ଜିତିନେଲା, ଏତେ କମ ବୟସରେ ଏତେ ପରିଶ୍ରମ କରୁଥିବାର ଦେଖି ଭଲ ଲାଗିଲା। ଆଉ ଜଣେ ଲେଖିଛନ୍ତି – ମୁଁ ବି ଟିକା ଚନ୍ଦନ ନେଇ ଗଙ୍ଗା ଘାଟକୁ ଚାଲିଲି। ଆଉ ଜଣେ କହିଛନ୍ତି - ମୁଁ ଗୋଲୁର କଠିନ ପରିଶ୍ରମକୁ ନମସ୍କାର କରୁଛି।