LIVE TV
ଆମେରିକାର ଲସ୍ ଆଞ୍ଜେଲସ୍ ସହରକୁ ବାନରମାନେ ନିଜ କବ୍ଜାକୁ ନେବା ଖବର ଆସିଥିଲା। ବର୍ତ୍ତମାନ ବାନରସେନା ଆମେରିକାର ଦ୍ୱିତୀୟ ସହର ସାନ୍ ଫ୍ରାନ୍ସିସ୍କୋକୁ ମଧ୍ୟ କବ୍ଜା କରିଛି। ସୋସିଆଲ ମିଡିଆରେ ଏହି ଭିଡିଓ ଭାଇରାଲ୍ ହେଉଛି ଯେଉଁଥିରେ ଦେଖିବାକୁ ମିଳେ ଯେ ବାନରସେନା ଆମେରିକାର ସହରରେ ଘୋଡା ଚଢି ବୁଲୁଛନ୍ତି ଏବଂ ଏହାକୁ ଦେଖି ଲୋକମାନେ ଆଶ୍ଚର୍ଯ୍ୟ ହୋଇ ଚାହିଁ ରହିଛନ୍ତି।
ଏହିଭଳି ଭାବେ ବାନରସେନାଙ୍କର ସାମ୍ରାଜ୍ୟ ଧୀରେ ଧୀରେ ସମଗ୍ର ବିଶ୍ୱରେ ବ୍ୟାପୁଥିବା ପରି ମନେହୁଏ। ଏହି ଭିଡିଓକୁ ନେଇ ସୋସିଆଲ ମିଡିଆରେ ଅନେକ ପ୍ରଶ୍ନ ଉଠିଛି। କିନ୍ତୁ ଏହିସବୁ ଭିଡିଓ ରିଲ୍ ଲାଇଫ୍ରେ ଘଟୁଛି ଯାହା ରିଏଲ୍ ଲାଇଫ୍ର ନୁହେଁ। ତେବେ ଏହି ଭିଡିଓଗୁଡିକ ଆଗାମୀ ହଲିଉଡ୍ ଚଳଚ୍ଚିତ୍ର 'କିଙ୍ଗଡମ୍ ଅଫ୍ ଦ ପ୍ଲାନେଟ୍ ଅଫ୍ ଏପ୍ସ'ର ପ୍ରମୋସନ ସହିତ ଜଡିତ।
Also Read
କିଛି ଦିନ ପୂର୍ବେ 'କିଙ୍ଗଡମ୍ ଅଫ୍ ଦ ପ୍ଲାନେଟ୍ ଅଫ୍ ଏପ୍ସ'ର ପ୍ରମୋସନରେ ବାନର ସେନା ଭେନିସ୍ ବିଚ୍ LA ରେ ଦେଖାଯାଇଥିଲେ ଏବଂ ବର୍ତ୍ତମାନ ସେମାନେ ସାନ ଫ୍ରାନ୍ସିସ୍କୋକୁ କବ୍ଜାକୁ ନେଇଥିବାର ନଜର ଆସିଛନ୍ତି। ବାନରସେନାଙ୍କୁ ଦେଖୁଥିବା ଲୋକମାନେ ଆଶ୍ଚର୍ଯ୍ୟ ହେଉଛନ୍ତି ଏବଂ ଯାହା ଦେଖୁଛନ୍ତି ତାହାକୁ ସୋସିଆଲ ମିଡିଆରେ ଶେୟାର କରୁଛନ୍ତି।
ଏହି ଭିଡିଓ ଭାଇରାଲ ହେବା ସହ ବ୍ୟାପକ କୌତୁହଳ ସୃଷ୍ଟି କରୁଛି। ଏହିପରି ଭାବେ ଚଳଚ୍ଚିତ୍ରର ପ୍ରମୋସନ ବହୁତ ସଫଳ ହେଉଛି ଏବଂ ଏହି ପୂରା କାହାଣୀକୁ ନେଇ ଲୋକଙ୍କ ମଧ୍ୟରେ ବହୁତ ଉତ୍ସାହ ଦେଖାଯାଉଛି। କିଛି ଦିନ ପୂର୍ବରୁ ଯେତେବେଳେ ଫିଲ୍ମର ଟ୍ରେଲର୍ ରିଲିଜ ହୋଇଥିଲା, ସେତେବେଳେ ମଧ୍ୟ ଏହାକୁ ଖୁବ୍ ପସନ୍ଦ କରାଯାଇଥିଲା।
'କିଙ୍ଗ୍ଡମ୍ ଅଫ୍ ଦ ପ୍ଲାନେଟ୍ ଅଫ୍ ଏପ୍ସ'ର ନିର୍ଦ୍ଦେଶକ ହେଉଛନ୍ତି ୱେସ୍ ବଲ୍। ଏଥିରେ ଓଭେନ ଟିଗ୍, ଫ୍ରେୟା ଏଲନ୍, କେଭିନ୍ ଡୁରଣ୍ଡଙ୍କୁ ମୁଖ୍ୟ ଭୂମିକାରେ ଦେଖିବାକୁ ମିଳିବ। ଏହି ଚଳଚ୍ଚିତ୍ରଟି ବାନର ସେନାର କାହାଣୀକୁ ପରଦାରେ ଦେଖେଇବ, ଯେଉଁ ହଜିଯାଇଥିବା ମାନବ ପ୍ରଯୁକ୍ତିବିଦ୍ୟାର ଖୋଜ୍ରେ ଅଛନ୍ତି। ଏହି ହଲିଉଡ ଫିଲ୍ମ ୧୦ ମେ’ରେ ମୁକ୍ତିଲାଭ କରିବାର ଯୋଜନା ରହିଛି।
