ଯେଉଁଆଡ଼େ ଚାହିଁଲେ କୁମ୍ଭୀର ହିଁ କୁମ୍ଭୀର, ତଥାପି ଜୀବନକୁ ପାଣି ଛଡ଼ାଇ ଗଲେ...

ସାମାଜିକ ଗଣମାଧ୍ୟମରେ ଏମିତି କିଛି ଭିଡିଓ ଭାଇରାଲ ହୋଇଥାଏ ଯାହା ବେଳେବେଳେ ବିଶ୍ୱାସ କରିହୁଏ ନାହିଁ। କେହି କେହି ଭିଡିଓଟିକୁ ନକଲି ବୋଲି ମଧ୍ୟ କହିଥାଆନ୍ତି । କିଛି ଭିଡିଓ ଲୋକଙ୍କୁ ଦେଖିବାକୁ ବାଧ୍ୟ କରିଦଏ। ଆଉ କିଛି ଭିଡିଓ ଆଶ୍ଚର୍ଯ୍ୟ କରିଦିଏ ଆଜିର ମଣିଷଙ୍କୁ। ସେହିପରି ଏକ ଭିଡିଓ ବର୍ତ୍ତମାନ ସୋସିଆଲ ମିଡିଆ ରେ ଭାଇରାଲ ହୋଇଛି । ଯାହାକି ଲୋକ ମାନଙ୍କୁ ଚକିତ କରୁଛି।

ସୋସିଆଲ ମିଡିଆରେ ଭାଇରାଲ ହେଉଥିବା ଭିଡିଓରେ ଦେଖିବାକୁ ମିଳୁଛି ଗୋଟିଏ ବୋଟ୍ ଓ ଅନେକ ଗୁଡ଼ିଏ କୁମ୍ଭୀର। ବୋଟ୍‌ରେ କିଛି ଲୋକ ଏକ ନଦୀ ପାର୍‌ ହେଉଥିବା ଦେଖିବାକୁ ମିଳୁଛି। ସେହି ନଦୀରେ ଶହ ଶହ କୁମ୍ଭୀର ରହିଛନ୍ତି।

ଅଧିକ ପଢ଼ନ୍ତୁ: କୁମ୍ଭୀର ଡ୍ରେସ ପିନ୍ଧି ସତ କୁମ୍ଭୀର ପାଖରେ ଶୋଇଛି ମଣିଷ, ତା ଗୋଡ଼କୁ ବି ଟାଣିଦେଉଛି ! ଦେଖନ୍ତୁ ଭିଡିଓ

ବୋଟ୍‌ଟି ନଦୀ ଅତିକ୍ରମ କରିବା ମାତ୍ରେ କୁମ୍ଭୀର ଗୁଡ଼ିକ ନଦୀ ନୂଳ ଆଡ଼କୁ ଯିବାକୁ ଚେଷ୍ଟା କରୁଛନ୍ତି । ସମ୍ପୂର୍ଣ୍ଣ ଭିଡିଓଟି ମାତ୍ର ୩୯ ସେକେଣ୍ଡର ହୋଇଥିବା ବେଳେ ଭିଡିଓଟି କେତେ ଯେ ଭୟଙ୍କର ତାହା ସ୍ପଷ୍ଟ ବାରି ହୋଇପଡ଼ୁଛି ।

ନଦୀରେ କୌଣସି କାରଣରୁ ଯଦି ଦୁର୍ଘଟଣା ଘଟେ । ଆଉ ବୋଟ୍‌ଟି ଦୁର୍ଘଟଣାଗ୍ରସ୍ତ ହୁଏ ତେବେ ସ୍ଥିତି କେତେ ଯେ ଭୟଙ୍କର ହେବ ତାହା ଅନୁମାନ କରାଯାଇପାରୁଛି । ବର୍ତ୍ତମାନ ସୁଦ୍ଧା ଭାଇରାଲ ହେଉଥିବା ଏହି ଭିଡିଓଟିକୁ ୭ ମିଲିୟନରୁ ଅଧିକ ଲୋକ ଦେଖି ସାରିଛନ୍ତି ।

ସେହିପରି ଏକ ଲକ୍ଷ ୪୮ ହଜାରରୁ ଅଧିକ ଲାଇକ୍‌ ଓ ୨ହଜାର ୮ଶହରୁ ଅଧିକ ଦର୍ଶକ ତାଙ୍କର ମତାମତ ଦେଇଥିବା ଦେଖିବାକୁ ମିଳିଛି । ଖାଲି ସେତିକି ନୁହେଁ କିଛି ଦର୍ଶକ ତାଙ୍କ ମତାମତରେ ଏହା ନକଲି ଭିଡିଓ ନାଁ ଅସଲି ଭିଡିଓ ବୋଲି ପ୍ରଶ୍ନ କରିଛନ୍ତି ।