Viral Video: ବ୍ୟାଚଲର୍‌ଙ୍କ ପାଇଁ ବରଦାନ, ଗୋଟିଏ କଡେଇରେ ରୋଷେଇ ହେବ ଦୁଇଟି ତରକାରୀ

ପାଠପଢ଼ା ଏବଂ ଚାକିରି ପାଇଁ ଘରୁ ଦୂରରେ ଏକା ରହୁଥିବା ବ୍ୟାଚ୍‌ଲର୍‌ମାନଙ୍କ ପାଇଁ ରୋଷେଇ କରିବା ଏକ କଷ୍ଟକର କାମଠାରୁ କମ୍ ନୁହେଁ। ତଥାପି, ଯେଉଁମାନେ ରୋଷେଇ କରିବାକୁ ପସନ୍ଦ କରନ୍ତି ସେମାନକୁ କିଛି ଫରକ ପଡେନି। କିନ୍ତୁ ଅଧିକାଂଶ ଲୋକ ଏପରି ଯେଉଁମାନେ ପେଟ ଭରିବା ପାଇଁ ବାଧ୍ୟ ହୋଇ ରୋଷେଇ।

ଏହି କାରଣରୁ ଅଧିକାଂଶ ବ୍ୟାଚଲର୍ କେବଳ ଡାଲମା-ଭାତ ଖାଆନ୍ତି ଏବଂ କେତେବେଳେ ଭୋକ ମେଣ୍ଟାଇବା ପାଇଁ କେବଳ ମ୍ୟାଗି ଖାଇ ରହିଯାଆନ୍ତି। ଏପରି ପରିସ୍ଥିତିରେ, ସମସ୍ତେ ଚାହାଁନ୍ତି ଯେ ଖାଦ୍ୟ ଶୀଘ୍ର ଏବଂ ସହଜରେ ଗୋଟିଏ ଥରରେ ହୋଇ ଯାଆନ୍ତା କି। ସେଥିପାଇଁ ଖାଦ୍ୟରେ ଡାଲମା-ଭାତ-ଚୋଖା ଏକ ଟ୍ରେଣ୍ଡ୍ ପାଲଟିଛି।

କାରଣ ଏହି ତିନୋଟି ଏକାଠି ଏବଂ କମ ସମୟ ମଧ୍ୟରେ ପ୍ରସ୍ତୁତ ହୋଇଯାଏ। ଏବେ ସୋସିଆଲ୍ ମିଡିଆରେ ଏକ ଭିଡିଓ ଭାଇରାଲ ହେଉଛି, ଯେଉଁଥିରେ ଗୋଟିଏ ପ୍ୟାନ୍‌ରେ ଦୁଇଟି ତରକାରୀ ଏକାଠି ରାନ୍ଧିବାର ଏକ ଜୁଗାଡ଼ (ଟ୍ରିକ୍) ଦେଖାଯାଉଛି। ଏହାକୁ ଦେଖି, ଇଣ୍ଟର୍‌ନେଟ୍ ଉପଭୋକ୍ତା ଏହି ଜୁଗାଡ଼ ବିଷୟରେ କହିଥିବା ବ୍ୟକ୍ତିଙ୍କୁ ପ୍ରଶଂସା କରୁଛନ୍ତି।

ଅଧିକ ପଢ଼ନ୍ତୁ:ଚାଲିଗଲା କି ଲାଇନ୍, ବ୍ୟସ୍ତ ହୁଅନ୍ତୁ ନାହିଁ; ଗୋଟିଏ ପାଣି ବୋତଲ ହିଁ ଘରକୁ କରିଦେବ ଆଲୁଅ

X ରେ @byomkesbakshy ନାମକ ଜଣେ ଉପଭୋକ୍ତା ଅଛନ୍ତି, ଯିଏ ପ୍ରାୟତଃ ଏପରି Jugaad ଭିଡିଓ ଶେୟାର କରନ୍ତି, ଯାହା ଲୋକଙ୍କ ମନକୁ ଛୁଇଁଯାଏ। ଏଥର ମଧ୍ୟ ସେ ଏକ Jugaad ଆବିଷ୍କାର କରିଛନ୍ତି, ଯାହା ସମୟ ବଞ୍ଚାଉଥିବା ଲୋକଙ୍କ ପାଇଁ ଏକ ବରଦାନଠାରୁ କମ୍ ନୁହେଁ।

ଏହି ଜୁଗାଡ଼ ଏକ ଏପରି କଡେଇ ଯେଉଁଥିରେ ଦୁଇଟି ତରକାରୀ ଏକାଠି ରନ୍ଧାଯାଇପାରିବ। ଯଦି ଆପଣ ବିଶ୍ୱାସ କରୁନାହାନ୍ତି, ତେବେ ଏହି ଭାଇରାଲ୍ ଭିଡିଓଟି ଦେଖନ୍ତୁ।

यह टेक्नोलॉजी इंडिया से बाहर नहीं जानी चाहिए 😹😂 pic.twitter.com/Vw96Ry4xt2

— Byomkesh (@byomkesbakshy) May 30, 2025

ସେ ଏହି ଭିଡିଓର କ୍ୟାପ୍‌ସନ୍‌ରେ ଲେଖିଥିଲେ - ଏହି ପ୍ରଯୁକ୍ତିବିଦ୍ୟା ଭାରତ ବାହାରକୁ ଯିବା ଉଚିତ୍ ନୁହେଁ। ପୋଷ୍ଟଟି ଭାଇରାଲ ହେବା ମାତ୍ରେ ଲୋକଙ୍କ ମନ୍ତବ୍ୟର ବନ୍ୟା ଛୁଟିଛି।

ଜଣେ ଲେଖିଛନ୍ତି - ଏହାକୁ ଆମେ ଦାରିଦ୍ର୍ୟ, ସମ୍ବଳର ସଠିକ୍ ବ୍ୟବହାର କିମ୍ବା ଆଳସ୍ୟ କହିପାରିବା। ଆଉ ଜଣେ ଲେଖିଛନ୍ତି - ଭାଇ, ଦୟାକରି ମୋତେ କୁହନ୍ତୁ ଯେ ଏହି ବାସନ କେଉଁଠାରୁ ପାଇବି। ଆଉ ଜଣେ ଲେଖିଛନ୍ତି- ଏହି ପ୍ରଯୁକ୍ତିବିଦ୍ୟା ପ୍ରକୃତରେ ଚୀନ୍‌ର।

ଅଧିକ ପଢ଼ନ୍ତୁ:ଭାରତ ସୀମାରେ ଭିଡିଓ କରୁଥିଲେ ବାଂଲାଦେଶୀ ଯୁବକ; BSF ଜବାନ କଲେ ଫାୟାରିଂ