Viral Video: ଦୁଇ ବିଦେଶୀଙ୍କ ଠାରୁ ଭାରତର ପ୍ରଶଂସା ଶୁଣି ଆପଣଙ୍କ ଛାତି ଗର୍ବରେ ଫୁଲି ଉଠିବ...

ଆଜିକାଲି ହିନ୍ଦୀ ଭାଷାର ପ୍ରାଧାନ୍ୟ ଏତେ ମାତ୍ରାରେ ବଢିଯାଇଛି ଯେ କେବଳ ଭାରତୀୟ ନୁହଁନ୍ତି ଅନ୍ୟ ଦେଶର ଲୋକମାନେ ମଧ୍ୟ ହିନ୍ଦୀ ବୁଝିବା ଏବଂ କହିବା ଆରମ୍ଭ କରିଛନ୍ତି। ଆପଣ ନିଶ୍ଚିତ ଭାବରେ ଅନେକ ଆମେରିକୀୟ ଏବଂ ଦକ୍ଷିଣ କୋରିଆର ଲୋକଙ୍କୁ ସୋସିଆଲ ମିଡିଆରେ ହିନ୍ଦୀରେ କଥା ହେଉଥିବା ଦେଖିଥିବେ।

କିନ୍ତୁ ଆଜିକାଲି ଏକ ଭିଡିଓ ଭାଇରାଲ ହେବାରେ ଲାଗିଛି, ଯେଉଁଥିରେ କୌଣସି ଭାରତୀୟ ନୁହନ୍ତି, ସେମାନେ ପୂରା ବିଦେଶୀ, ପୁଣି ଦୁଇ ଜଣ ଅଲଗା ଅଲଗା ଦେଶର ଲୋକ। ସେମାନେ କିନ୍ତୁ ଭାରତକୁ ନେଇ ପରସ୍ପରଙ୍କ ସହିତ ହିନ୍ଦୀରେ କଥାବାର୍ତ୍ତା ହେଉଛନ୍ତି। ସେମାନଙ୍କ ମୁହଁରୁ ଭାରତ ବିଷୟରେ ଶୁଣିଲେ ଆପଣଙ୍କ ଛାତି ନିଶ୍ଚିତ ଭାବରେ ଗର୍ବରେ ଫୁଲି ଉଠିବ।

ଟ୍ୱିଟର ବ୍ୟବହାରକାରୀ @ Anuraag_Shukla ନିକଟରେ ଏକ ଭିଡିଓ ପୋଷ୍ଟ୍‌ କରିଛନ୍ତି ଯେଉଁଥିରେ ସୋସିଆଲ ମିଡିଆ ପ୍ଲାଟ୍‌ଫର୍ମରେ ଦୁଇଜଣ ଲୋକ ପରସ୍ପର କଥା ହେଉଥିବା ଦେଖିବାକୁ ମିଳେ। ଉଭୟ ବିଭିନ୍ନ ଦେଶରୁ ଆସିଛନ୍ତି। ସେମାନଙ୍କୁ ଦେଖିଲେ ଲାଗୁଛି ଯେ ସେମାନେ ୟୁଟ୍ୟୁବର୍।

ସେମାନଙ୍କ ମଧ୍ୟରେ ଆମେରିକୀୟ ୟୁଟ୍ୟୁବରର ନାମ ହେଉଛି ଡ୍ରୁ ହିକ୍ସ। ଡ୍ରୁ ଚଳିତ ବର୍ଷ ତାଙ୍କ ଇନଷ୍ଟାଗ୍ରାମ ଆକାଉଣ୍ଟରେ ଏକ ଫଟୋ ପୋଷ୍ଟ୍‌ କରି କହିଥିଲେ ଯେ ଯେତେବେଳେ ତାଙ୍କୁ ୫ ବର୍ଷ ହୋଇଥିଲା, ସେତେବେଳେ ତାଙ୍କ ବାପାମାଆ ଭାରତ ଶିଫ୍ଟ ହୋଇଥିଲେ। ସେ ଭାରତରେ ୧୧ ବର୍ଷ ରହିସାରିଛନ୍ତି ଏବଂ ଏହି କାରଣରୁ ସେ ହିନ୍ଦୀକୁ ଭଲଭାବେ ଜାଣିଛନ୍ତି। ଦ୍ୱିତୀୟ ବ୍ୟକ୍ତିଙ୍କ ନା’ ବିଷୟରେ କୌଣସି ସୂଚନା ନାହିଁ କିନ୍ତୁ ସେ ଦକ୍ଷିଣ କୋରିଆର ବୋଲି ଜଣାଯାଇଛି।

ଉଭୟ ପରସ୍ପରଙ୍କ ମଧ୍ୟରେ ଭାରତ ଏବଂ ଏହାର ସୁରକ୍ଷା ବିଷୟରେ ଆଲୋଚନା କରୁଛନ୍ତି। ଆମେରିକୀୟ ବ୍ୟକ୍ତି ଜଣଙ୍କ କହୁଛନ୍ତି ଯେ “ଆମେରିକାରେ ଭାରତକୁ ନେଇ ଅନେକ ପ୍ରକାରର ଗୁଜବ ପ୍ରଚାରିତ ହୁଏ। ଲୋକମାନେ ଭାବନ୍ତି ଯେ ଭାରତ ଏକ ଅପରିଷ୍କାର ଦେଶ ଏବଂ ସେଠାରେ କେହି ସୁରକ୍ଷିତ ନୁହଁନ୍ତି। ଯଦି ଆପଣମାନେ ଚିକାଗୋକୁ ଯିବେ, ଆପଣଙ୍କୁ ବୁଝାପଡିଯିବ ଯେ ସେଠାରେ ହିଁ ପ୍ରକୃତରେ କେହି ସୁରକ୍ଷିତ ନୁହଁନ୍ତି।”

scenes after India becomes the vishwa guru. pic.twitter.com/zoqp69mdnU

— Anurag Shukla (@Anuraag_Shukla) November 24, 2023

ତା’ପରେ ଦକ୍ଷିଣ କୋରିଆର ବ୍ୟକ୍ତି ଜଣଙ୍କ କୁହନ୍ତି ଯେ ଯେତେବେଳେ ଲୋକମାନେ ତାଙ୍କୁ କୁହନ୍ତି ଯେ ଭାରତ ସୁରକ୍ଷିତ ନୁହେଁ, ସେତେବେଳେ ସେ ସେମାନଙ୍କୁ କୁହନ୍ତି ଯେ ସେ ଭାରତର ସେହି ଅଞ୍ଚଳରେ ୧୦ ବର୍ଷ ଧରି ରହିଆସିଛନ୍ତି, ଯାହା ସବୁଠାରୁ ଅସୁରକ୍ଷିତ ବୋଲି ବିବେଚନା କରାଯାଏ। ତାହା ବିହାର। କିନ୍ତୁ ତଥାପି ସେ ଜୀବିତ ବୋଲି କୁହନ୍ତି।

ତେବେ ଖବର ଲେଖାହେବା ବେଳକୁ ଏହି ଭିଡିଓକୁ ପାଖାପାଖିଅ ୩ ଲକ୍ଷ ୫୦ ହଜାର ଲୋକ ଦେଖିସାରିଥିଲେ। ସେହିପରି ଏହାକୁ ଅନେକ ଲାଇକ୍ କରୁଥିବା ବେଳେ ଅନେକ ନିଜ ନିଜ ମତ ଦେଇ ପ୍ରତିକ୍ରିୟା ପ୍ରକାଶ କରୁଛନ୍ତି। ଜଣେ ବ୍ୟକ୍ତି କହିଛନ୍ତି ଯେ “ଆମକୁ ଏଭଳି ଦକ୍ଷିଣ କୋରିଆର ବ୍ୟକ୍ତି ଦରଦାର ଯିଏ ବିହାରୀ ଉଚ୍ଚାରଣ ସହିତ ହିନ୍ଦୀ ମଧ୍ୟ କହୁଛନ୍ତି।” ସେହିପରି ଆଉ ଜଣେ କହିଛନ୍ତି, “ଭିଡିଓରେ ଦେଖାଯାଉଥିବା ଦକ୍ଷିଣ କୋରିଆର ବ୍ୟକ୍ତି ଜଣଙ୍କ ଖୁବ୍ ଚମତ୍କାର ବିହାରୀ କହୁଛନ୍ତି।” ଅନ୍ୟ ଜଣେ କହିଛନ୍ତି ଯେ “ସେ ଯଦି ବିହାରରେ ଆଉ ୧୦ ବର୍ଷ ରୁହନ୍ତି ତେବେ ତାଙ୍କୁ ନିର୍ବାଚନରେ ​​ସ୍ଥାନ ଦିଆଯିବ।”