LIVE TV
ଆମେ ସମସ୍ତେ ଜନ୍ମ ଦିନ ପାଳୁଛନ୍ତି । କିଛି ଲୋକ କେବଳ ଶୁଭେଚ୍ଛା ଜଣାଇ ଜନ୍ମ ଦିନ ପାଳନ କରୁଛନ୍ତି ତ କିଛି ଲୋକ କେକ୍ କାଟି ଓ ନୂଆ ଡ୍ରେସ୍ ପିନ୍ଧି ଜନ୍ମଦିନକୁ ଉତ୍ସବ ଭାବେ ପାଳନ କରିଥାନ୍ତି । ହେଲେ ବର୍ତ୍ତମାନର ଏହି ଆଧୁନିକ ଯୁଗରେ ଅନେକ ପରିବାରରେ ଗୃହ ପାଳିତ ପଶୁଙ୍କର ବି ଜନ୍ମଦିନ ପାଳନ କରାଯାଉଛି । ଗୃହପାଳିତ ପଶୁ, ସେ କୁକୁର ହେଉ କି ବିଲେଇ, ସେମାନଙ୍କର ଜନ୍ମ ଦିନ ମଧ୍ୟ ମାଲିକ ମାନେ ପାଳନ କରୁଛନ୍ତି । ଏବେ ଏହା ଏକ ଟ୍ରେଣ୍ଡରେ ପରିଣତ ହେଲାଣି । ବିଶେଷ କରି ସୋସିଆଲ ମିଡିଆରେ ଖବର ଦେଖିବାକୁ ମିଳୁଛି ଯେ, ବଡ଼ ବଡ଼ ଧନୀ ଶ୍ରେଣୀର ଲୋକେ ନିଜ କୁକୁରର ଜନ୍ମଦିନ ଖୁବ୍ ଧୁମ୍ଧାମ୍ରେ ପାଳନ କରିଥାନ୍ତି ।
Also Read
ଠିକ୍ ଏମିତି ଏକ ଖବର ଏବେ କର୍ଣ୍ଣାଟକରେ ସାମ୍ନାକୁ ଆସିଛି । ଜଣେ ମାଲିକ ନିଜ କୁକୁର (କ୍ରିସ୍)ର ଜନ୍ମ ଦିନରେ ୧୦୦ କିଲୋର ଏକ କେକ୍ କାଟିଛନ୍ତି । ଅର୍ଥାତ୍ ଏକ କ୍ୱିଣ୍ଟାଲ ଓଜନର ଏକ କେକ୍ ପ୍ରସ୍ତୁତ କରାଯାଇଥିଲା କେବଳ କୁକୁରର ଜନ୍ମଦିନ ପାଳନ କରିବା ଉଦେଶ୍ୟରେ । ଖାଲି ସେତିକି ନୁହେଁ ଏହି ଅବସରରେ ବିରାଟ ଭୋଜିଭାତର ଆୟୋଜନ ମଧ୍ୟ କରାଯାଇଥିଲା । ପ୍ରାୟ ୪୦୦୦ ଲୋକଙ୍କ ପାଇଁ ସାଧା ଏବଂ ଆମିଷ ଭୋଜିର ଆୟୋଜନ କରାଯାଇଥିଲା । ଲୋକେ ଭୋଜିଭାତ ଖାଇବା ସହ ଧୁମ୍ ନାଚ ଗୀତ ମଧ୍ୟ କରିଥିଲେ ।
A man threw an extravagant #birthdayparty for his #petdog by cutting a 100 kg cake and feeding 4000 people with veg & non veg food in Mudalagi taluk #Belagavi #Karnataka. Later, Shivappa Mardi along with his dog Krish went on a procession with a music band. pic.twitter.com/NPX1M5iKk8
— Imran Khan (@KeypadGuerilla) June 23, 2022
