World's Most Dangerous River: ଏହି ୫ ନଦୀ ମୁହୂର୍ତ୍ତକ ମଧ୍ୟରେ ନେଇପାରନ୍ତି ମଣିଷ ଜୀବନ

ପ୍ରକୃତିର ସର୍ବୋତ୍ତମ ଉପହାର ହେଉଛି ନଦୀ । ନଦୀକୁ ଆମେ ଜୀବନଦାୟୀ ବୋଲି କହିଥାଉ । କେବଳ ମଣିଷ ନୁହଁନ୍ତି, ପ୍ରତ୍ୟେକ ଜୀବଙ୍କର ଅସ୍ତିତ୍ୱ ପାଇଁ ନଦୀର ଭୁମିକା ଅତି ଗୁରୁତ୍ୱପୂର୍ଣ୍ଣ । କିନ୍ତୁ ଦୁନିଆରେ ଏମିତି କିଛି ନଦୀ ଅଛି, ଯାହାକୁ ବିପଦପୂର୍ଣ୍ଣ ବୋଲି ବିବେଚନା କରାଯାଏ । ଏଠାରେ ପ୍ରତ୍ୟେକ ମୁହୂର୍ତ୍ତରେ ମୁଣ୍ଡ ଉପରେ ମୃତ୍ୟୁର ଖଣ୍ଡା ଝୁଲି ରହିଥାଏ । ଭୁଲ୍‌ରେ ସୁଦ୍ଧା ଲୋକେ ଏହି ନଦୀଗୁଡ଼ିକ ନିକଟକୁ ଯିବାକୁ ଚାହାଁନ୍ତି ନାହିଁ ।

ତେବେ ଆସନ୍ତୁ ଜାଣିବା ଦୁନିଆର ସବୁଠାରୁ ୫ଟି ବିପଜ୍ଜନକ ନଦୀ ବିଷୟରେ:

Also Read

Viral Video: କାର୍‌ ଡ୍ୟାସ୍‌ବୋର୍ଡ ଉପରେ ଗୋଡ଼ ରଖିଲେ ବଡ଼ ସମସ୍ୟାରେ ପଡ଼ିପାରନ୍ତି, ଜାଣନ୍ତୁ...

Read More

ସରକାରୀ ସ୍କୁଲ୍‌ରେ ରାସନ ସାମଗ୍ରୀ ବଣ୍ଟନ

Read More

ଓଟିଭି କେୟାର୍ସ ପକ୍ଷରୁ ଟେଲରିଂ ପାଇଁ କାଉନସେଲିଂ ଆରମ୍ଭ

Read More

୧.କଙ୍ଗୋ

କଙ୍ଗୋ ହେଉଛି ବିଶ୍ୱର ସବୁଠାରୁ ଗଭୀର ନଦୀ । ଏହାର ଗଭୀରତା ୭୨୦ ଫୁଟ୍‌ ରହିଛି । ଏହି ନଦୀର ଗଭୀରତା ଏତେ ଯେ, ସୂର୍ଯ୍ୟଙ୍କ କିରଣ ତଥା ଆଲୋକ ବି ଏହାର ଶେଷ ପର୍ଯ୍ୟନ୍ତ ପହଞ୍ଚିପାରି ନଥାଏ । ନଦୀର ଉପର ସ୍ତର ଅତ୍ୟନ୍ତ ବିପଜ୍ଜନକ ରହିଥିବା ସହ ଅନେକ ସ୍ଥାନରେ ଭଉଁରୀ ରହିଛି । ସେହିଭଳି ନିମ୍ନ ଭାଗରେ ଅନେକ ଘାଟି ଏବଂ ଝରଣା ରହିଛି । ଭଉଁରୀ ସେହି ସ୍ଥାନକୁ କୁହାଯାଏ ଯେଉଁଠାରେ ଅଧିକ ଗଭୀରତା ରହିଥାଏ ।

(Most Dangerous River In The World, The Kango River)

୨.ଲା-ବୋମ୍ବା

ଏହା ଆମାଜନ ନଦୀର ଏକ ଉପନଦୀ । କିନ୍ତୁ ଆପଣ ଜାଣି ଆଶ୍ଚର୍ଯ୍ୟ ହେବେ ଯେ ସମଗ୍ର ବିଶ୍ୱରେ ଏହା ହେଉଛି ଏକମାତ୍ର ନଦୀ ଯାହାର ଜଳ ସବୁବେଳେ ଟକମକ ଫୁଟୁଥାଏ । ୬.୪ କିଲୋମିଟର ଲମ୍ବା ଏହି ନଦୀର ଜଳ ସବୁବେଳେ ୪୫ ଡିଗ୍ରୀ ସେଲସିୟସରୁ ୧୦୦ ଡିଗ୍ରୀ ସେଲସିୟସ ପର୍ଯ୍ୟନ୍ତ ଗରମ ରହିଥାଏ । ଏହା ଲା-ବୋମ୍ବା ନାମରେ ମଧ୍ୟ ଜଣାଶୁଣା । କୁହାଯାଏ ଯେ, ଏହି ନଦୀ ଯେଉଁ ସ୍ଥାନ ଦେଇ ବହିଥାଏ, ସେହି ଭୂମି ଲାଭା ପରି ଫୁଟିଥାଏ । ତେଣୁ ଏହି ନଦୀର ପାଣି ଛୁଇଁବାକୁ ମଧ୍ୟ ଚିନ୍ତା କରିବା ଉଚିତ୍‌ ନୁହେଁ । କାରଣ ଏହା ଏତେ ଗରମ ଯେ, ନିମିଷେକେ ଜୀବନ ଯିବାର ସମ୍ଭାବନା ରହିଛି ।

(Most Dangerous River In The World, The Lo-Bamba)

୩.ଉତ୍ତର ଆମେରିକାର ସବୁଠାରୁ ଲମ୍ବା ନଦୀ

ଏହା ଉତ୍ତର ଆମେରିକାର ସବୁଠାରୁ ଲମ୍ବା ନଦୀ ଏବଂ ଅନେକ ରାଜ୍ୟ ଦେଇ ବହିଯାଇଛି । ଏଥିରେ ଅନେକ ବିପଜ୍ଜନକ ବୁଲ୍ ସାର୍କ ଏବଂ ପାଇକ ମାଛ ରହିଛନ୍ତି । ଯେଉଁମାନେ କି କ୍ଷଣିକ ମଧ୍ୟରେ କଞ୍ଚା ଖାଇଯିବେ । ସେଥିପାଇଁ ଏହି ପାଣି ଭିତରକୁ କାହାକୁ ବି ଯିବା ପାଇଁ ପରାମର୍ଶ ଦିଆଯାଇନଥାଏ । ବେଳେବେଳେ ଏହି ନଦୀର ସ୍ରୋତ ବଦଳିଯାଏ, ଆଉ ଏହି ସ୍ରୋତରେ ଯିଏ ଆସିଥାଏ ତାର ବଞ୍ଚିବା ଅସମ୍ଭବ ହୋଇଯାଏ । ଅନେକ ସ୍ଥାନରେ ଏହାର ଗଭୀରତା କଳ୍ପନା କରିହୁଏ ନାହିଁ ।

(North America's Most Dangerous River)

୪.ନୀଳ

ଦୁନିଆର ସବୁଠାରୁ ଲମ୍ବା ନଦୀ, ନୀଳ । ଏଠାରେ ବହୁ ସଂଖ୍ୟକ ଶିକାରୀ ବାସ କରନ୍ତି । ମଶାମାନଙ୍କ ପାଇଁ ଏହା ସବୁଠାରୁ ପ୍ରିୟ ବାସସ୍ଥାନ । ଯାହା ମାରାତ୍ମକ ରୋଗ ବିସ୍ତାର କରିଥାଏ । ଏହି ନଦୀ ୧୧ଟି ଦେଶ ଦେଇ ପ୍ରବାହିତ ହୁଏ ଏବଂ ଭୂମଧ୍ୟସାଗରରେ ଯାଇ ମିଶିଥାଏ । ଏହା ତୀବ୍ର ସ୍ରୋତ ଏବଂ ଭୟଙ୍କର ତଥା ଶିକାରୀ କୁମ୍ଭୀର ପାଇଁ ଖୁବ୍ ପ୍ରସିଦ୍ଧ । ଏଠାରେ ପ୍ରତିବର୍ଷ କୁମ୍ଭୀରମାନେ ପ୍ରାୟ ୨୦୦୦ ଲୋକଙ୍କୁ ମାରି ଖାଇଥାନ୍ତି । ଏଠାରେ ବିଷାକ୍ତ ସାପ ଏବଂ ମାରାତ୍ମକ ମଶା ଅଧିକ ପରିମାଣରେ ରୁହନ୍ତି, ଯେଉଁମାନେ ମୁହୁର୍ତ୍ତକ ମଧ୍ୟରେ କୌଣସି ବି ମଣିଷର ଜୀବନ ନେବାରେ ସମର୍ଥ ।

(Nil River The Most Dangerous)

୫. ନଦୀ ଘାଟ

ନଦୀ ଘାଟ ହେଉଛି ଇଂଲଣ୍ଡର ସବୁଠାରୁ ବିପଦପୂର୍ଣ୍ଣ ନଦୀ । ଏହି ନଦୀର ସୁନ୍ଦରତା ଦେଖି କେହି ବି ଫସିଯିବେ । କିନ୍ତୁ ଏହା ଖୁବ୍‌ ବିପଦପୂର୍ଣ୍ଣ । ଏଥିରେ ରହିଛି ଅନେକ ସୁଡ଼ଙ୍ଗ । ଅନେକ ଲୁକାୟିତ ସୁଡ଼ଙ୍ଗ ହିଁ ଏହି ନଦୀର ସବୁଠାରୁ ବଡ଼ ପରିଚୟ । ଏହି ସୁଡ଼ଙ୍ଗଗୁଡ଼ିକ କୌଣସି ବି ମୁହୁର୍ତ୍ତରେ ଲୋକଙ୍କୁ ତଳକୁ ଟାଣିପାରନ୍ତି । ଏହି ନଦୀର ଜଳରେ ଯିଏ ବି ପଡ଼ିବ ତାର ଜୀବନ ଯିବା ପ୍ରାୟ ସୁନିଚିତ । ଏହା ହିଁ ଏହି ନଦୀର ସବୁଠାରୁ ବଡ଼ ବିଶେଷତ୍ୱ । ଏଥିପାଇଁ ଲୋକମାନେ ଏହାକୁ ଖୁବ୍‌ ଡରନ୍ତି । ଏହି ନଦୀ ପାଖକୁ ଯିବା ପାଇଁ ସମ୍ପୂର୍ଣ୍ଣ ବାରଣ ରହିଛି । କିନ୍ତୁ ଏହା ଦେଖିବାକୁ ଖୁବ୍‌ ସୁନ୍ଦର ଏବଂ ରମଣୀୟ ।

(Nadi Ghat)