LIVE TV
ସୋସିଆଲ ମିଡିଆରେ ଭାଇରାଲ ହେଉଛି ଏକ ଭିଡିଓ । ଯାହାକୁ ଦେଖିଲେ ଆପଣଙ୍କ ମନକୁ ବି ଲାଗିବ ଆଘାତ । ଏକ ପେଟ୍ କ୍ଲିନିକ୍କୁ ଚିକିତ୍ସା ପାଇଁ ଆସିଥିବା କୁକୁରକୁ ବିଧା ଗୋଇଠା ମାରୁଛନ୍ତି ଦୁଇ ଯୁବବ । ଭିଡିଓକୁ ଦେଖିଲେ ଯାହା ଜଣାପଡ଼ୁଛି କୁକୁରକୁ ମାଡ଼ ମାରୁଥିବା ଦୁଇ ବ୍ୟକ୍ତି ହେଲେ ସେହି ପେଟ୍ କ୍ଲିନିକ୍ର କର୍ମଚାରୀ । କୁକୁରର ମାଲିକ ଚିକିତ୍ସା ପାଇଁ କୁକୁରକୁ ଛାଡ଼ିଥିବା ବେଳେ ଏମାନେ ଏଭଳି ବ୍ୟବହାର କରୁଛନ୍ତି । ଯାହାକି କଦାପି ଗ୍ରହଣୀୟ ନୁହେଁ ।
Also Read
ତେବେ ଏହି ଭିଡିଓ ଭାଇରାଲ ହେବା ପରେ ବିଭିନ୍ନ ମହଲରେ ଏହାକୁ ନିନ୍ଦା କରାଯାଇଛି । ମଙ୍ଗଳବାର ପୋଲିସ ପାଖରେ ମଧ୍ୟ ଏନେଇ ଖବର ପହଞ୍ଚିଥିଲା । ପରେ ପୋଲିସ ଦୁଇ ଅଭିଯୁକ୍ତଙ୍କୁ ଗିରଫ କରିଛି । ଏହି ଘଟଣାଟି ମହାରାଷ୍ଟ୍ର ଥାନେ ଅଞ୍ଚଳର ବୋଲି ଜଣାପଡ଼ିଛି । ଦୁଇ ଯୁବକ କୁକୁରଙ୍କୁ ଏତେ ଜୋରରେ ମାଡ଼ ମାରୁଛନ୍ତି ଯେ, ମାଡ଼ ବାଜିବା ଶବ୍ଦ ମଧ୍ୟ ଭିଡିଓରେ ସ୍ପଷ୍ଟ ଜଣାପଡ଼ୁଛି ।
କୁକୁରକୁ ଏକ ଟେବୁଲ ଉପରେ ଜୋର ଜବରଦସ୍ତ ବସାଇବା ପରେ ତାକୁ ପ୍ରଥମେ ମୁଥା ବା ବିଧା ମରାଯାଇଥିଲା । କଷ୍ଟ ସହି ନପାରି ଛାଟିପିଟି ହୋଇ କୁକୁରଟି ଟେବୁଲ ଉପରୁ ତଳକୁ ଖସିପଡ଼ିଥିଲା । ଏହି ସମୟରେ ବ୍ୟକ୍ତି ଜଣକ ତାକୁ ପୁଣି ଏକ ଗୋଇଠା ମାରିଥିଲେ । ପରେ କୁକୁରଟି ଭୟରେ ସେଠାରୁ ଦୌଡ଼ି ବାହାରି ଯାଇଥିଲା । ଭିଡିଓରେ ଜଣେ ବ୍ୟକ୍ତିଙ୍କ ଛବି ସମ୍ପୂର୍ଣ୍ଣ ଜଣାପଡ଼ୁଥିବା ବେଳେ ଅନ୍ୟ ଜଣେ ବ୍ୟକ୍ତିଙ୍କର କେବଳ ହାତ ଦେଖାଯାଉଛି ।
ଅନେକ ବଲିଉଡ କଳାକାର ମଧ୍ୟ ଏହାକୁ ନିନ୍ଦା କରିଛନ୍ତି । ନିରିହ ପଶୁମାନଙ୍କ ପ୍ରତି ଏଭଳି ଅତ୍ୟାଚାର ଠିକ୍ ନୁହେଁ ବୋଲି ସୋସିଆଲ ମିଡିଆରେ ଅନେକ ମତ ରଖିଛନ୍ତି ।
If animals could speak, this offence would be attempt to murder 😢
— Nabila Jamal (@nabilajamal_) February 14, 2024
Thane police register NC case against Vetic pet clinic employees for animal abuse, after viral video shows staff member who was grooming the dog, punching the poor animal for cheap thrills. He faces charges under… pic.twitter.com/wbcFRlz4qw
