LIVE TV
ଷ୍ଟଣ୍ଟ ମାରିବା ହେଲା କାଳ । ହାଇସ୍ପିଡ୍ରେ ଗାଡ଼ି ଚଳାଉଥିଲେ, ରାସ୍ତାରେ ଘୋଷାଡ଼ି ହୋଇପଡ଼ିଲେ । ଏମିତି ପଡ଼ିଲେ ଯେ ଉଠିବା ଅସମ୍ଭବ ହୋଇପଡ଼ିଲା । ଯାହାର ଭିଡିଓ ଏବେ ଭାଇରାଲ ହେବାରେ ଲାଗିଛି । ଏହି ଭିଡିଓକୁ ଖୋଦ୍ ଦିଲ୍ଲୀ ପୋଲିସ ନିଜ ଟ୍ୱିଟର୍ ପେଜ୍ରେ ସେୟାର କରିଛନ୍ତି । ଦିଲ୍ଲୀ ପୋଲିସ ଏହି ଭିଡିଓ ସେୟାର କରି ସତର୍କ କରିଦେଇଛନ୍ତି ଯେ, ଏଭଳି ବିପଦପୂର୍ଣ୍ଣ ଷ୍ଟଣ୍ଟ ରାସ୍ତାରେ କରନ୍ତୁ ନାହିଁ ।
Also Read
ଭାଇରାଲ ହେଉଥିବା ୨୮ ସେକେଣ୍ତ ଭିଡିଓରେ ଦେଖିବାକୁ ମିଳିଛି ଯେ, ଯୁବକ ଜଣକ ଯୁବତୀଙ୍କୁ ଗାଡ଼ିରେ ବସାଇ ବିଚ୍ ରାସ୍ତାରେ ବିପଦପୂର୍ଣ୍ଣ ଷ୍ଟଣ୍ଟ କରୁଛନ୍ତି । ଶେଷରେ ଗାଡ଼ିର ଭାରସାମ୍ୟ ହରାଇ ଗାଡ଼ିରୁ ପଡ଼ିଯାଉଛନ୍ତି । ଦିଲ୍ଲୀ ପୋଲିସ ଏହି ଭିଡିଓକୁ ଟ୍ୱିଟର୍ ପେଜ୍ରେ ସେୟାର କରି କ୍ୟାପସନ୍ରେ ଲେଖିଛନ୍ତି ଯେ ‘ବେପରୁଆ ଗାଡ଼ି ଚଳାଇଲେ ଏମିତି ଅଚାନକ୍ ଦୁର୍ଘଟଣା ଘଟିବ । ତେଣୁ ସୁରକ୍ଷିତ ଭାବେ ଗାଡ଼ି ଚଲାନ୍ତୁ’ । ଏହି ଭିଡିଓରେ ଦିଲ୍ଲୀ ପୋଲିସ ଫିଲ୍ମ ‘ଜବ ୱି ମେଟ୍’ର ‘ୟେ ଇସ୍କ ହାଏ, ବେଠେ ବିଠାଏଁ’ ଗୀତକୁ ବ୍ୟବହାର ମଧ୍ୟ କରିଛନ୍ତି ।
JAB WE MET with an accident due to reckless driving.#DriveSafe@dtptraffic pic.twitter.com/adfwIPtHlX
— Delhi Police (@DelhiPolice) June 28, 2023
ଏହି ଭିଡିଓକୁ ବର୍ତ୍ତମାନ ଯାଏଁ ହଜାର ହଜାର ଲୋକ ଦେଖିସାରିଲେଣି । ସୋସିଆଲ୍ ମିଡିଆରେ ଏହା ବେଶ୍ ଭାଇରାଲ ହେବାରେ ଲାଗିଛି । କେତେକ ୟୁଜର୍ସ ଲେଖିଛନ୍ତି ଯେ, ଜୋର୍ରେ ଯିବାର ମଜା ସଜା ପାଲଟିଯାଏ । ଏହି ଭିଡିଓ ଦ୍ୱାରା ଲୋକମାନେ ସଚେତନ ହେବେ। ଏଭଳି ବାର୍ତ୍ତା ଦିଆଯାଇଥିବାରୁ ଦିଲ୍ଲୀ ପୋଲିସକୁ ସମସ୍ତେ ପ୍ରଶଂସା ମଧ୍ୟ କରିଛନ୍ତି ।
Speed thrills but kills.....there are no shortcuts
— GK (@Khurana_Gaurav) June 28, 2023
😂😂😂😂
— ABHAY SINGH #Aarakshan Virodhi (@AbhaySi75315875) June 28, 2023
Be careful while you driving
