LIVE TV
ଟ୍ରକ୍ରେ ଦିଲ୍ଲୀରୁ ଚଣ୍ଡିଗଡ଼ ଗଲେ କଂଗ୍ରେସ ନେତା ରାହୁଲ ଗାନ୍ଧି । କଂଗ୍ରେସର ଅଫିସିଆଲ ଟ୍ୱିଟର ହ୍ୟାଣ୍ଡେଲରେ ରାହୁଲ ଟ୍ରକରେ ବସି ଯାଉଥିବା ଭିଜୁଆଲକୁ ସେୟାର କରାଯାଇଛି । ଟ୍ରକ୍ ଡ୍ରାଇଭରମାନଙ୍କ ସମସ୍ୟା ବୁଝିବାକୁ ରାହୁଲ ଟ୍ରକ୍ରେ ଯାତ୍ରା କରିଥିବା ଉଲ୍ଲେଖ କରାଯାଇଛି । ଦେଶରେ ୯୦ ଲକ୍ଷ ଟ୍ରକ୍ ଡ୍ରାଇଭର ଅଛନ୍ତି । ତେବେ ସେମାନଙ୍କ ସମସ୍ୟା ଓ ମନର କଥା ଶୁଣିବା ପାଇଁ ରାହୁଲ ଗାନ୍ଧି ଏଭଳି ଟ୍ରକରେ ଯାତ୍ରା କରିଥିବା କଂଗ୍ରେସ ପକ୍ଷରୁ ଟ୍ୱିଟ କରାଯାଇଛି ।
ଗତକାଲି ରାତିରେ ଦିଲ୍ଲୀରୁ ଅମ୍ବଲା ଅଭିମୁଖେ ଯାତ୍ରା କରୁଥିବା ଟ୍ରକ୍ ଡ୍ରାଇଭରମାନେ ଗୋଟିଏ ଟ୍ରକ୍ରେ ରାହୁଲଙ୍କୁ ଦେଖି ଆଶ୍ଚର୍ଯ୍ୟ ହୋଇଯାଇଥିଲେ । ସଙ୍ଗେ ସଙ୍ଗେ ରାହୁଲଙ୍କ ଏକ ଭିଡିଓ କରିବା ସହ ତାଙ୍କୁ କିଛି ପ୍ରଶ୍ନ ପଚାରୁଥିବା ଭିଡିଓରେ ଦେଖିବାକୁ ମିଳିଛି । ବର୍ତ୍ତମାନ କଂଗ୍ରେସ ନେତା ରାହୁଲ ଗାନ୍ଧୀଙ୍କ ଏହି ଭିଡିଓ ସୋସିଆଲ ମିଡିଆରେ ଖୁବ୍ ଭାଇରାଲ ହେବାର ଲାଗିଛି ।
Also Read
ଏହାକୁ ନେଇ କଂଗ୍ରେସ ମଧ୍ୟ ପ୍ରତିକ୍ରିୟା ରଖିଛି । କଂଗ୍ରେସର କହିବା ଅନୁସାରେ ରାହୁଲ ତାଙ୍କ ମା’ଙ୍କୁ ସାକ୍ଷାତ କରିବାକୁ ଶିମଲା ଯାଉଥିଲେ । ହେଲେ ପରେ ସେ ଟ୍ରକ୍ ଡ୍ରାଇଭରଙ୍କୁ ଭେଟି ଅମ୍ୱଲା ଅଭିମୁଖେ ଯାତ୍ରା କରିବାକୁ ନିଷ୍ପତ୍ତି ନେଇଥିଲେ । ଯାତ୍ରା ସମୟରେ ଟ୍ରକ୍ ଡ୍ରାଇଭର ମାନଙ୍କ ଅସୁବିଧା ସମ୍ପର୍କରେ ପଚାରି ବୁଝିଥିଲେ ରାହୁଲ ।
ନିକଟରେ ରାହୁଲ ‘ଭରତ ଯୋଡ଼’ ଯାତ୍ରା କାର୍ଯ୍ୟକ୍ରମରେ ବିଭିନ୍ନ ସ୍ଥାନ ବୁଲିଥିଲେ । କନ୍ୟାକୁମାରୀ ଠାରୁ ଶ୍ରୀନଗର ପର୍ଯ୍ୟନ୍ତ ‘ଭାରତ ଯୋଡା’ ଯାତ୍ରା ପରଠାରୁ କଂଗ୍ରେସ ସାଧାରଣ ସଭା ମାଧ୍ୟମରେ ଲୋକଙ୍କ ନିକଟରେ ପହଞ୍ଚିବାକୁ ପ୍ରୟାସ କରୁଛି । ପୂର୍ବରୁ ବେଙ୍ଗାଲୁରୁରେ ଫୁଡ ଡେଲିଭରି ବୟ ସହ ବାଇକ ରାଇଡ୍ କରିଥିଲେ ରାହୁଲ ଗାନ୍ଧି ।
जननायक @RahulGandhi जी ट्रक ड्राइवर्स की समस्या जानने उनके बीच पहुंचे।
— Congress (@INCIndia) May 23, 2023
राहुल जी ने उनके साथ दिल्ली से चंडीगढ़ तक का सफर किया।
मीडिया रिपोर्ट्स के मुताबिक, भारत की सड़कों पर करीब 90 लाख ट्रक ड्राइवर्स हैं। इनकी अपनी समस्याएं हैं। इनके 'मन की बात' सुनने का काम राहुल जी ने किया। pic.twitter.com/Bma2BCjGpY
