LIVE TV
କୋର୍ସ କରେକ୍ସନ ପାଇଁ ମାନସ ମନ୍ଥନ । ଅଧିକ ଫୋକସରେ ୧୩ ଲୋକସଭା କ୍ଷେତ୍ର । ହାରିଥିବା ଲୋକସଭା ସିଟରେ କେମିତି ଫୁଟିବ ପଦ୍ମ । ସେଠି ସଂଗଠନ ସ୍ଥିତି କେମିତି ଅଛି ? ଟାସ୍କ କେତେ କାର୍ଯ୍ୟକାରୀ ହୋଇଛି ? ଆଜି ରାଜ୍ୟ କାର୍ଯ୍ୟଳୟରେ ଏସବୁର ଅଙ୍କ କଷିଛନ୍ତି ବିଜେପି କ୍ଷେତ୍ରୀୟ ପ୍ରଭାରି ସୁନୀଲ ବଂଶଲ । ରୁଦ୍ଧଦ୍ୱାର ବୈଠକରେ ଉପସ୍ଥିତ ଥିଲେ ୧୩ ଲୋକସଭା ସଂସଦୀୟ କ୍ଷେତ୍ରର ପ୍ରଭାରୀ ଏବଂ ସହ ପ୍ରଭାରୀ। ସଂଗଠନର ସ୍ଥିତି ବିଷୟରେ ଆଲୋଚନା କରିଥିଲେ, ଟାସ୍କର ହିସାବ ନେଇଥିଲେ। ତା ସହ ଦଳ ଆଉ କଣ ପଦକ୍ଷେପ ନେବା ଦରକାର ପଚାରି ବୁଝିବା ସହ ଗୌହାଟୀ ଷ୍ଟ୍ରାଟେଜୀକୁ ନେଇ ଦେଇଥିଲେ କିଛି ନୂଆ ଟାସ୍କ।
ବିଶେଷ କରି ଲୋକସଭା ପ୍ରବାସ ଯୋଜନାରେ କେନ୍ଦ୍ରମନ୍ତ୍ରୀ ମାନେ ରାଜ୍ୟର ବିଭିନ୍ନ ସଂସଦୀୟ କ୍ଷେତ୍ର ଗସ୍ତ କରି ଅମିତ ଶାହାକୁ ଦେଇଥିବା ରିପୋର୍ଟ ଆଧାରେ ସମୀକ୍ଷା କରିଥିଲେ ବଂଶଲ। କେନ୍ଦ୍ରମନ୍ତ୍ରୀମାନଙ୍କ ରିପୋର୍ଟ ସହ ଆଜି ପ୍ରଭାରୀ ଏବଂ ସହପ୍ରଭାରୀ ଯେଉଁ ରିପୋର୍ଟ ଦେଇଛନ୍ତି ତାକୁ ଅନୁଧ୍ୟାନ କରି ଆଗାମୀ ଦିନରେ କୋର୍ସ ଅଫ ଆକ୍ସନ ପ୍ରସ୍ତୁତ କରାଯିବ।...
Also Read
ଅନ୍ୟପଟେ ବୁଥ ଗୁଡିକରେ ଗ୍ରାଉଣ୍ଡ ୱାର୍କର ବି ସମୀକ୍ଷା କରିଛନ୍ତି ବଂଶଲ । ଗତକାଲି ବିସ୍ତାରକମାନଙ୍କ ସହ ଲମ୍ବା ସମୟ ଧରି ବୈଠକ କରି ଭୋପାଲରେ ମୋଦି ପଢ଼ାଇଥିବା ବୁଥ ମ୍ୟାନେଜମେଣ୍ଟ ପାଠକୁ ଓଡ଼ିଶାରେ ଠିକଣା ଢଙ୍ଗରେ ପ୍ରୟୋଗ ଉପରେ ଜୋର ଦେଇଥିଲେ।...ରାଜ୍ୟର ପ୍ରତି ବିଧାନସଭାରୁ ଦୁଇ ଜଣ ଲେଖାଁଏ ବିସ୍ତାରକ ଭୋପାଳରେ ପ୍ରଶିକ୍ଷଣ ଶିବିର ଯୋଗ ଦେଇଥିଲେ। ତେଣୁ ସେମାନେ ଏହାକୁ ସେମାନଙ୍କ ବୁଥରେ କେତେ କାର୍ଯ୍ୟକାରୀ କରିଛନ୍ତି ତାର ହିସାବ ବି ରଖିଥିଲେ। ରାଜନୈତିକ ସମୀକ୍ଷକଙ୍କ ମତରେ କେବଳ ଲୋକସଭା ନୁହେଁ ରାଜ୍ୟ ଦଖଲ ଲକ୍ଷ୍ୟରେ ରହିଛି ବିଜେପି। ତେଣୁ ୨୦୧୯ ଅପେକ୍ଷା ୨୪ରେ ତୃଣମୂଳ ସଂଗଠନ ସହ ବୁଥ୍ ମ୍ୟାନେଜମେଣ୍ଟ ଉପରେ ଦଳ ଅଧିକ ଗୁରୁତ୍ୱ ଦେଉଛି।
ଭୋପାଳରେ ମୋଦିଙ୍କ ବୁଥ ମ୍ୟାନେଜମେଣ୍ଟ ବ୍ଲୁପ୍ରିଣ୍ଟ , ଗୌହାଟୀରେ ଓଡିଶା ଦଖଲ ଷ୍ଟ୍ରାଟେଜିକୁ ନେଇ ରାଜ୍ୟରେ ସରକାର ଗଠନ ପାଇଁ ଲାଗିପଡିଛି ଦଳ। ବଂଶଲଙ୍କ ନୂଆ ଟାସ୍କ, ସଂଗଠନକୁ କେତେ ମଜଭୁତ କରିପାରୁଛି, ତା ଉପରେ ନଜର।
