LIVE TV
ପଦ୍ମପୁର ଉପନିର୍ବାଚନ ପାଇଁ ପ୍ରାର୍ଥୀ ଘୋଷଣା କରିଛି ବିଜେପି । ପୂର୍ବତନ ବିଧାୟକ ପ୍ରଦୀପ ପୁରୋହିତଙ୍କୁ ବିଜେପି ପ୍ରାର୍ଥୀ ଘୋଷଣା କରିଛି । ଏନେଇ ବିଜେପି କେନ୍ଦ୍ରୀୟ ନିର୍ବାଚନ ସମିତି ପକ୍ଷରୁ ଘୋଷଣା କରାଯାଇଛି । ୨୦୧୪ରୁ ୨୦୧୯ ପର୍ଯ୍ୟନ୍ତ ପ୍ରଦୀପ ପୁରୋହିତ ପଦ୍ମପୁରର ବିଧାୟକ ଥିଲେ । ଏହାପରେ ୨୦୧୯ରେ ସେ ବିଜେଡି ପ୍ରାର୍ଥୀ ବିଜୟ ରଂଜନ ସିଂ ବରିହାଙ୍କ ଠାରୁ ଅଳ୍ପ ଭୋଟ ବ୍ୟବଧାନରେ ପରାସ୍ତ ହୋଇଥିଲେ । ରାଜ୍ୟ ବିଜେପି କୃଷକ ମୋର୍ଚ୍ଚାର ସଭାପତି ଅଛନ୍ତି ପ୍ରଦୀପ ପୁରୋହିତ । ଚଳିତଥର ପୁଣି ଥରେ ପ୍ରଦୀପ ପୁରୋହିତଙ୍କୁ ବିଜେପି ପକ୍ଷରୁ ପ୍ରାର୍ଥୀ କରାଯାଇଛି । ଅନ୍ୟପକ୍ଷରେ କଂଗ୍ରେସ ଓ ବିଜେଡି ପକ୍ଷରୁ ଏପର୍ଯ୍ୟନ୍ତ ପ୍ରାର୍ଥୀ ଘୋଷଣା କରାଯାଇନାହିଁ ।
Also Read
ଧାମନଗରରେ ଗଡ଼ବଜାୟ ରଖିବା ପରେ ପଦ୍ମପୁରରେ ସିଟ୍ ହାତେଇବାକୁ ବିଜେପି ପ୍ରୟାସ କରୁଛି । ପ୍ରଦୀପ ପୁରୋହିତ ବିଧାନସଭା କ୍ଷେତ୍ର ବୁଲିବା ଆାରମ୍ଭ କଲେଣି । ସେ ୨୦୧୯ରେ ବିଜେଡିର ବିଜୟ ରଞ୍ଜନସିଂ ବରିହାଙ୍କଠୁ ହାରିଥିଲେ । ତେଣୁ ଏଥର କିଭଳି ବିଜେଡିକୁ ମାତ ଦେଇ ଉପନିର୍ବାଚନ ଜିତିବେ । ସେଥିପାଇଁ କସରତ କରୁଛନ୍ତି ପ୍ରଦୀପ ପୁରୋହିତ । ସେପଟେ ବିଜେଡି ଜବାବ ଦେଇଛି, ଲୋକେ ଶଙ୍ଖକୁ ଭୋଟ୍ ଦେବେ ଆଉ କଂଗ୍ରେସ କହିଛି, ଧାମନଗର ଭଳି ପଦ୍ମପୁରରେ ଭୋଟ୍ ବିକ୍ରି ହେବନି ।
