LIVE TV
ହିନ୍ଦୀ ବ୍ଲଗର କାମିୟା ଜାନିଙ୍କ ଜଗନ୍ନାଥ ଦର୍ଶନ ବିବାଦକୁ ନେଇ ରାଜନୀତି ତେଜିବାରେ ଲାଗିଛି । କାମିୟାଙ୍କୁ ଜଗନ୍ନାଥ ମନ୍ଦିର ପ୍ରବେଶ ଏବଂ ଅବଢା ଖୁଆଇବାକୁ ନେଇ ବିଜେପି ଲଗାତାର ଭାବେ 5T ଅଧ୍ୟକ୍ଷ ଭି.କେ. ପାଣ୍ଡିଆନଙ୍କୁ ଟାର୍ଗେଟ କରି ଆସୁଛି । ଆଜି ଏହି ପ୍ରସଙ୍ଗରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ପରେ ଆଉ ଜଣେ କେନ୍ଦ୍ର ମନ୍ତ୍ରୀ ଗିରିରାଜ ସିଂ ପ୍ରତିକ୍ରିୟା ପ୍ରକାଶ କରିଛନ୍ତି ।
ଏହି ପ୍ରସଙ୍ଗରେ ସୋସିଆଲ୍ ମିଡିଆ ଏକ୍ସରେ ପୋଷ୍ଟ କରି ପାଣ୍ଡିଆନଙ୍କୁ ସମାଲୋଚନା କରିଛନ୍ତି ଗିରିରାଜ । ସେ ଲେଖିଛନ୍ତି, ପୁରୀ ଶ୍ରୀମନ୍ଦିରର ପବିତ୍ରତା ଉଲ୍ଲଂଘନ କରିବା ବହୁତ ଚିନ୍ତାଜନକ ଅଟେ । ଜଣେ ବିଫ୍ ପ୍ରମୋଟରଙ୍କୁ ଜଗନ୍ନାଥ ମନ୍ଦିର ଭିତରକୁ ପ୍ରବେଶ ପାଇଁ ଭି.କେ.ପାଣ୍ଡିଆନ ଅନୁମତି ଦେବା ଧର୍ମ, ଇତିହାସ ଓ ଆଧ୍ୟାତ୍ମିକତାର ଉପେକ୍ଷା ଅଟେ । ଏଥିପାଇଁ ଦାୟୀ ବ୍ୟକ୍ତିଙ୍କ ବିରୋଧରେ ତୁରନ୍ତ କାର୍ଯ୍ୟାନୁଷ୍ଠାନର ଆବଶ୍ୟକତା ରହିଛି ।
Also Read
पुरी श्रीमंदिर में पवित्रता का उल्लंघन बेहद परेशान करने वाला है।
— Shandilya Giriraj Singh (@girirajsinghbjp) December 23, 2023
वीके पांडियन द्वारा प्रतिष्ठित जगन्नाथ मंदिर के भीतर एक बीफ प्रमोटर को अनुमति देना धर्म,इतिहास और आध्यात्मिकता की उपेक्षा है।
जिम्मेदार लोगों के लिए त्वरित और गंभीर करवाई अति आवश्यक हैं। pic.twitter.com/PEhC4Syb6U
ପୂର୍ବରୁ ଏହି ପ୍ରସଙ୍ଗରେ କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର କହିଥିଲେ, ସବୁ ଓଡ଼ିଆ ଏବଂ ସନାତନୀଙ୍କ ପାଇଁ ମହାପ୍ରଭୁ ଜଗନ୍ନାଥ ହେଉଛନ୍ତି ଶ୍ରଦ୍ଧାର କେନ୍ଦ୍ର । ତେଣୁ ତାଙ୍କୁ ନେଇ ଲୋକଙ୍କ ଭାବନାକୁ ଆଘାତ ଦେବା ଭଳି କୌମସି କାମ କେହି କରିବା ଉଚିତ ନୁହେଁ । ଜାଣତରେ ହେଉ ବା ଅଜାଣତରେ ହେଉ, ଓଡ଼ିଆ ଲୋକଙ୍କ ଯେଉଁ ଆସ୍ଥା ମହାପ୍ରଭୁ ଜଗନ୍ନାଥଙ୍କ ନିକଟରେ ଅଛି, ଯେଉଁ ଭାବାବେଗ ଅଛି, ତାକୁ କେହି ଆଘାତ ନ କରିବା ଭଲ ବୋଲି କହିଛନ୍ତି ଧର୍ମେନ୍ଦ୍ର ପ୍ରଧାନ ।
କଂଗ୍ରେସ ମଧ୍ୟ ଏହି ପ୍ରସଙ୍ଗରେ ମୁଖ୍ୟମନ୍ତ୍ରୀଙ୍କୁ ଟାର୍ଗେଟ କରିଛି । କାମିୟା ଜାନି ପ୍ରସଙ୍ଗରେ ମୁଖ୍ୟମନ୍ତ୍ରୀଙ୍କ କ୍ଷମା ପ୍ରାର୍ଥନା ଦାବି କଲା କଂଗ୍ରେସ । କ୍ଷମାପ୍ରାର୍ଥନା ଦାବି କଲେ ପିସିସି ସଭାପତି ଶରତ ପଟ୍ଟନାୟକ । ସେ କହିଛନ୍ତି, କାହା ନିର୍ଦ୍ଦେଶରେ କାମିୟା ଜାନିଙ୍କୁ ନେଇ ଶ୍ରୀମନ୍ଦିର ଯାଇଥିଲେ ପାଣ୍ଡିଆନ୍ । ଯଦି ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶରେ ଯାଇଥିଲେ ତେବେ ମୁଖ୍ୟମନ୍ତ୍ରୀ କ୍ଷମା ମାଗନ୍ତୁ । ଭକ୍ତଙ୍କ ଭାବାବେଗ ସହ ଖେଳୁଛନ୍ତି କହିଲେ ଶରତ ପଟ୍ଟନାୟକ ।
ଆଗାମୀ ଦିନରେ ଦଳ ଚରମ ପଦକ୍ଷେପ ନେବ କହିଛନ୍ତି କଂଗ୍ରେସ ନେତା ବିଜୟ ପଟ୍ଟନାୟକ । ସେ କହିଛନ୍ତି, ବିବାଦୀୟ ମହିଳାଙ୍କୁ ମହାପ୍ରସାଦ ପ୍ରଚାର ପାଇଁ ନବୀନ ଡାକିଥିଲେ କି ? ମହାପ୍ରସାଦ ପ୍ରଚାର ପାଇଁ କଣ ଏଭଳି ବ୍ଲଗରଙ୍କ ଆବଶ୍ୟକତା ପଡ଼ିଲା । ସେପଟେ ଏହି ବିବାଦକୁ ନେଇ ବିଜେପି ମିଛ କହୁଛି ବୋଲି ବିଜେଡି ଜବାବରେ କହିଥିଲା । ସେପଟେ କାମିୟା ଜାନି ସେ କେବେ ବି ଗୋମାଂସ ଖାଇ ନାହାନ୍ତି ବୋଲି ନିଜ ସୋସିଆଲ ମିଡିଆ ପେଜରେ ଲେଖିଥିଲେ ।
