ମହିଳାଙ୍କୁ ଟିକେଟ ପ୍ରତିଶ୍ରୁତି ପୂରଣ କରିବ ତ ବିଜେଡି! ବିଗିଡ଼ିବ ମିଶନ ଶକ୍ତି ଭୋଟ୍ ବଳ

ଭୁଶୁଡ଼ିବ କି ବିଜେଡିର ମହିଳା ଭୋଟ୍ ବ୍ୟାଙ୍କ ? ବିଗିଡ଼ିବ କି ମିଶନ ଶକ୍ତି ତଥା SHG ମହିଳାଙ୍କୁ ନିଜ ଆଡ଼କୁ ନେବା ପାଇଁ ଶାସକ ବିଜେଡିର ରଣନୀତି ? କାରଣ ୧୯ ନିର୍ବାଚନ ବେଳେ ଲୋକସଭା ୩୩ % ମହିଳାଙ୍କୁ ଟିକଟ ଦେବାକୁ ଘୋଷଣା କରିଥିବା ବିଜେଡି ଏଥର ଟିକେ ମଠେଇ ଯାଇଛି ।

ଲୋକସଭା ଏବଂ ବିଧାନସଭା ପାଇଁ ଏଯାଏଁ ମାତ୍ର ଜଣେ SHG ସଦସ୍ୟାଙ୍କ ସମେତ ୧୬ ପ୍ରତିଶତ ମହିଳାଙ୍କୁ ଟିକଟ ଦେଇଛି ବିଜେଡି । ଯାହାକୁ ନେଇ ବିଭିନ୍ନ ସ୍ଥାନରେ ଦେଖାଦେଇଛି ଅସନ୍ତୋଷ । କହୁଥିଲେ ମହିଳା ସଶକ୍ତିକରଣ କଥା...ଲୋକସଭା ୩୩ ପ୍ରତିଶତ ମହିଳାଙ୍କୁ ପ୍ରାର୍ଥୀ କରି ୨୦୧୯ରେ ବିଜେଡି ସୁପ୍ରିମୋ ଖେଳିଥିଲେ ମାଷ୍ଟ୍ରରଷ୍ଟ୍ରୋକ୍ । ଆସିକା ଲୋକସଭା ଆସନରୁ ଚେରମାରିଆ ଗାଁର ତଥା ସ୍ୱୟଂ ସହାୟକ ଗୋଷ୍ଠୀର ପ୍ରମିଳା ବିଶୋୟୀଙ୍କୁ ପ୍ରାର୍ଥୀ କରି ଜାତୀୟ ରାଜନୀତିରେ ହଟଚମଟ ସୃଷ୍ଟି କରିଥିଲେ ।

କିନ୍ତୁ ମିଶନ ଶକ୍ତି ଆଳରେ ମହିଳା ଭୋଟ୍ ବ୍ୟାଙ୍କ ସୃଷ୍ଟି କରିଥିବା ଶାସକ ବିଜେଡି ଏଥର କାହିଁକି କୁନ୍ଥକୁନ୍ଥ ? ମହିଳାଙ୍କୁ ପ୍ରାର୍ଥୀ କରି ସାଧାରଣ ମହିଳାଟିଏକୁ ସଂସଦ ଏବଂ ବିଧାନସଭାକୁ ଯିବାର ଅଧିକାର ରଖେ ବୋଲି କହିଥିବା ବିଜେଡି ଏଥର ଭୁଆଁ ବୁଲାଇ ଦେଲାକି ? ଯାଜପୁରର SHG ମହିଳା ସୁଜାତା ସାହୁ ।

Also Read

ଫେସବୁକ୍‌-ଇନଷ୍ଟା ଭଳି LinkedIn ରେ କରିପାରିବେ ରିଲ୍ସ ଭିଡିଓ; ଖୁବଶୀଘ୍ର ଲଞ୍ଚ ହେବ ଫିଚର୍‌

Read More

ବାରି ହୋଇ ପଡ଼ୁଛି ବିଜେଡିର ଗୋଷ୍ଠୀ କନ୍ଦଳ, ଚାରିଆଡ଼େ ଜଳୁଛି ଅସନ୍ତୋଷର ନିଆଁ

Read More

ବଢ଼ିଲା କେଜରିୱାଲଙ୍କ ରିମାଣ୍ଡ ଅବଧି...

Read More

ବର୍ତ୍ତମାନ ଯାଏଁ ପ୍ରମିଳା ବିଶୋୟୀଙ୍କ ଟିକେଟ କଟିବା ପରେ ରାଜ୍ୟରେ କେବଳ ଜଣେ SHG ସଦସ୍ୟାଙ୍କୁ ଯାଜପୁର ବିଧାନସଭା ପାଇଁ ପ୍ରାର୍ଥୀ କରିଛି ବିଜେଡି । ଯାହାକୁ ନେଇ ଏବେ ପ୍ରଶ୍ନ ଉଠାଇଛନ୍ତି ବିଭିନ୍ନ ସ୍ଥାନର SHG ମହିଳା । ବର୍ତ୍ତମାନ ସୁଦ୍ଧା ୧୫ଟି ଲୋକସଭା ପ୍ରାର୍ଥୀଙ୍କ ମଧ୍ୟରେ ୪ ମହିଳାଙ୍କୁ ଟିକଟ ଦେଇଛି ବିଜେଡି ।

ତା’ସହ ବିଧାନସଭା ପାଇଁ ପ୍ରଥମ ପର୍ଯ୍ୟାୟର ୭୨ ଜଣିଆ ତାଲିକାରେ ୧୨ ମହିଳାଙ୍କୁ ବିଜେଡ଼ି ପ୍ରାର୍ଥୀ କରିଛି । ୨୦୧୯ ନିର୍ବାଚନରେ ଲୋକସଭାରେ ୩୩ ପ୍ରତିଶତ ମହିଳାଙ୍କୁ ଟିକଟ ଦେଇଥିଲା ବିଜେଡି । ବିଧାନସଭା ପାଇଁ ୧୯ ମହିଳା ପ୍ରାର୍ଥୀଙ୍କୁ ମିଳିଥିଲା ଟିକଟ । ପରବର୍ତ୍ତୀ ନିର୍ବାଚନରେ ବି ୩୩ ପ୍ରତିଶତ ଲାଗୁ କରିବୁ ବୋଲି ବିଜେଡି ଘୋଷଣା କରିଥିଲା ।

କିନ୍ତୁ ଏଯାଏଁ ୭୨ଟି ବିଧାନସଭା ଆସନ ପାଇଁ ବିଜେଡି ପ୍ରାର୍ଥୀ ଦେଇଥିବାବେଳେ ତା’ମଧ୍ୟରେ ଅଛନ୍ତି ମାତ୍ର ୧୬ ପ୍ରତିଶତ ମହିଳା । ଅବଶ୍ୟ ଆଉ ୬ଟି ଲୋକସଭା ଏବଂ ୭୫ଟି ବିଧାନସଭା ସିଟ୍ ପାଇଁ ବିଜେଡି ଟିକଟ ଘୋଷଣା କରିନି । ପ୍ରଶ୍ନ ଉଠୁଛି, ବିଭିନ୍ନ ସ୍ଥାନରେ ଜାରି ରହିଥିବା ବିଦ୍ରୋହ ଓ ବିରୋଧ ସ୍ଥିତି ଭିତରେ SHGରୁ ବିଜେଡି ପାଇଲାନି କି ନୂଆ ମୁହଁ ?

ଘୋଷଣା ହେବାକୁ ଥିବା ଅନ୍ୟ ୬ଟି ଲୋକସଭା ଏବଂ ୭୫ଟି ବିଧାନସଭା ସିଟରେ ମହିଳାଙ୍କୁ ପ୍ରାର୍ଥୀ କରି ୩୩ ପ୍ରତିଶତ ମହିଳାଙ୍କୁ ଟିକଟ ପ୍ରତିଶ୍ରୁତି ପୂରଣ କରିପାରିବ ତ ବିଜେଡି ? ସେନେଇ ନାନା ପ୍ରଶ୍ନ ଉଠୁଥିବା ବେଳେ ବିଜେଡିର ମହିଳା ଭୋଟ୍ ଭାଙ୍ଗିବାକୁ ‘ଶକ୍ତି ସାଥୀ ମିଶନ’ ପ୍ରସ୍ତୁତ କରି ବଡ଼ ଷ୍ଟ୍ରାଟେଜୀ ତିଆରି କରିଥିବା ବିଜେପି ଶାସକ ବିଜେଡିକୁ ସମାଲୋଚନା କରିଛି ।

ରାଜ୍ୟରେ ପ୍ରାୟ ୫୦ ପ୍ରତିଶତରୁ ଅଧିକ ମହିଳା ଭୋଟ୍ ରହିଛି। ମିଶନ ଶକ୍ତି ଜରିଆରେ ୬ ଲକ୍ଷ ୨ ହଜାର SHGରେ ପ୍ରାୟ ୭୦ ଲକ୍ଷ ମହିଳା SHG ରହିଛନ୍ତି । ଏବେ ଅପେକ୍ଷା, ଟିକଟ ପ୍ରଦାନ କ୍ଷେତ୍ରରେ ଏଥର ମଠେଇ ଯାଇଥିବା ବିଜେଡିକୁ ଚଳିତ ନିର୍ବାଚନରେ କି ଜବାବ ଦେଉଛନ୍ତି SHG ମହିଳା ।