LIVE TV
ପ୍ରଚାର ବେଳେ ଅପ୍ରୀତିକର ପରିସ୍ଥିତିର ସମ୍ମୁଖୀନ ହେଲେ ବିଜେଡିର ଭୁବନେଶ୍ୱର ଲୋକସଭା ପ୍ରାର୍ଥୀ ମନ୍ମଥ ରାଉତରାୟ । ଆଜି ସକାଳେ ସେ ଭୁବନେଶ୍ୱରର ଏକ ପାର୍କକୁ ପ୍ରଚାର ପାଇଁ ଯାଇଥିଲେ । ମନ୍ମଥଙ୍କ ସହ ଭୁବନେଶ୍ୱର ମେୟର ଏବଂ ବିଜେଡିର ଉତ୍ତର ଭୁବନେଶ୍ୱର ପ୍ରାର୍ଥୀ ସୁଶାନ୍ତ ରାଉତ ମଧ୍ୟ ଉପସ୍ଥିତ ଥିଲେ। ମନ୍ମଥଙ୍କ ସପକ୍ଷରେ ଉତ୍ତର ଭୁବନେଶ୍ୱର ପ୍ରାର୍ଥୀ ସୁଶାନ୍ତ ରାଉତ ଭୋଟ୍ ନିବେଦନ କରିଥିଲେ।
Also Read
‘#ଭୁବନେଶ୍ବର_ଲୋକେ_ଅପରାଜିତାଙ୍କୁ_ଚାହୁଁଛନ୍ତି’
— ଓଟିଭି (@otvkhabar) April 6, 2024
ପ୍ରଚାର ବେଳେ ଅପ୍ରୀତିକର ପରିସ୍ଥିତିର ସମ୍ମୁଖୀନ ହେଲେ ବିଜେଡି ସାଂସଦ ପ୍ରାର୍ଥୀ ମନ୍ମଥ ରାଉତରାୟ । ଭୁବନେଶ୍ବରର ଏକ ପାର୍କକୁ ପ୍ରଚାର ପାଇଁ ଯାଇଥିବାବେଳେ ଜନତାଙ୍କୁ ଭୋଟ୍ ନିବେଦନ କରିଥିଲେ । ହେଲେ ଭିନ୍ନ ଢଙ୍ଗରେ ଜବାବ ଦେଲେ ଜନତା । #BJD #BJP #Bhubaneswar #Politics #OTV pic.twitter.com/cwHQXBpyLc
ତେବେ ଏହାର ଜବାବ କିଛି ଅଲଗା ଢଙ୍ଗରେ ଦେଇଥିଲେ ପାର୍କରେ ଯୋଗାଭ୍ୟାସ କରୁଥିବା ବ୍ୟକ୍ତି ଜଣକ । ସେ କହିଥିଲେ, ମନ୍ମଥ ଭୋଟ୍ ମାଗିଲେ କ’ଣ ହେବ, ଭୁବନେଶ୍ୱର ଲୋକେ ଅପରାଜିତାଙ୍କୁ ଚାହୁଁଛନ୍ତି । ଏଥର ବିଜେପି ଲୋକସଭାରେ ୪୦୦ ପାର୍ କରିବ । ଖାଲି ଓଡ଼ିଶାରେ ନୁହେଁ ସାରା ଦେଶରେ ଏହାର ପ୍ରଭାବ ରହିବ ବୋଲି କହିଥିଲେ । ବିଜେଡି ନେତାଙ୍କ ମୁହଁ ଉପରେ ସାଧାରଣ ଜନତାଙ୍କ ଏଭଳି ଜବାବ କିଛି ସମୟ ପାଇଁ ଘଟଣାସ୍ଥଳରେ ଅସହଜ ପରିସ୍ଥିତି ସୃଷ୍ଟି କରିଥିଲା ।
ସାଧାରଣ ନିର୍ବାଚନକୁ ନେଇ ଏବେ ରାଜ୍ୟ ରାଜନୀତି ବେଶ୍ ସରଗରମ। ଭୁବନେଶ୍ୱର ଲୋକସଭା ଆସନରେ ବିଜେପି ଅପରାଜିତା ଷଡଙ୍ଗୀଙ୍କୁ ପ୍ରାର୍ଥୀ କରିଥିବାବେଳେ ବିଜେଡି ମନ୍ମଥ ରାଉତରାୟଙ୍କୁ ପ୍ରାର୍ଥୀ କରିଛି । ପ୍ରାର୍ଥୀ ଘୋଷଣା ହେବା ପରେ ଉଭୟ ଜୋରସୋରରେ ପ୍ରଚାର ଆରମ୍ଭ କରିଦେଇଛନ୍ତି। ମନ୍ମଥ ଆଜି ସକାଳୁ ଏକ ପାର୍କରେ ପ୍ରଚାର କରୁଥିବାବେଳେ ଏଭଳି ଅସହଜ ପରିସ୍ଥିତି ଉପୁଜିଥିଲା ।
