‘ବାପିଙ୍କ ମୁଣ୍ଡରେ ମଉସା ଠେଙ୍ଗା’

ଡେଙ୍ଗା ପାଇଁ ଠେଙ୍ଗା ବାଜେ, କାହା ଠେଙ୍ଗା...ମଉସାର ଠେଙ୍ଗା। ମଉସା ହେଲେ ଦାମ ବାବୁ। 'ଖୋଲାକଥା'ରେ କଂଗ୍ରେସ ନେତା ବାପି ସର୍ଖେଲ ଏଭଳି କିଛି କହିଛନ୍ତି।

• ପ୍ରଶ୍ନ- କଂଗ୍ରେସରୁ ବିମୁଖ ହେଲେଣି କି ? ମୋହ ତୁଟି ଗଲାଣି କି ? 
• ବାପି ସର୍ଖେଲ- ନା ମୋହ ତୁଟିଛି, ନା ବିମୁଖ ହୋଇଛି। ଆମର ପ୍ରଗତି ଦରକାର। ଲୋକମାନଙ୍କ ବିକାଶ ଦରକାର। 

ପ୍ରଶ୍ନ- ଆଗକୁ କ’ଣ ଆଉ କଂଗ୍ରେସରେ ଛିଡ଼ା ହେବେ ନାହିଁ କି ? 
ବାପି ସର୍ଖେଲ- ବର୍ତ୍ତମାନ ଏହା କହିବା ସମ୍ଭବପର ନୁହେଁ। ଏଥିପାଇଁ ବହୁତ ଦିନ ବାକି ଅଛି। ପାରାଦୀପରେ ଯେଉଁ କାର୍ଯ୍ୟକ୍ରମ ହେବ ‘ଆମ ପାରାଦୀପ, ଆମ ପ୍ରଗତି’ ବ୍ୟାନରରେ ହେବ। ଏହା କୌଣସି ରାଜନୈତିକ ଦଳର ବ୍ୟାନରରେ ହେବ ନାହିଁ।

• ପ୍ରଶ୍ନ- ଚର୍ଚ୍ଚା ହେଉଛି, ଆପଣଙ୍କର ରାଜନୈତିକ ଦବ୍‌ଦବା ପାଇଁ ଆପଣ ପରୀକ୍ଷା ଦେଉଛନ୍ତି। 
• ବାପି ସର୍ଖେଲ- ଭବିଷ୍ୟତ କେହି ଦେଖି ନାହାନ୍ତି। ବିଜେପି ବି ଡାକିପାରେ, ବିଜେଡି ବି ଡାକିପାରେ। କେହି ନ ଡାକି ମଧ୍ୟ ପାରନ୍ତି। ଏହାକୁ ଆଶା କରି ଆମେ କିଛି କରୁନୁ। ମୋତେ ଲୋକଙ୍କ ପାଇଁ କାମ କରିବାକୁ ହେବ ଓ ମୁଁ ଲୋକଙ୍କ ପାଇଁ ହିଁ କାମ କରୁଛି। ତେଣୁ ଲୋକମାନଙ୍କ କାମ ପାଇଁ ଯାହା ଦରକାର ତାହା ମୁଁ କରୁଛି। ଏସବୁ ଭିତରେ ଭବିଷ୍ୟତ କ’ଣ ହେବ, ଏବେ ଏସବୁ ଆକଳନ କରାଯାଇ ପାରିବ ନାହିଁ। 

ପ୍ରଶ୍ନ- ଆଗାମୀ ଦିନରେ ପାରାଦୀପରେ ରାଜନୈତିକ ଦବ୍‌ଦବା ଯଦି ରୁହେ, ତା’ହେଲେ ବାପି ବନାମ ବାପି...ଅର୍ଥାତ୍‌ ବାପି ସର୍ଖେଲ ବନାମ ବାପି ରାଉତ...ହୁଏତ ବାପି ସର୍ଖିଲ ଓଭରଟେକ୍‌ କରିପାରନ୍ତି ?
ବାପି ସର୍ଖେଲ- ଏସବୁ ମହାପ୍ରଭୁ ଜଗନ୍ନାଥଙ୍କ ହାତରେ। 

• ପ୍ରଶ୍ନ-ପାରାଦୀପର ବିଜେଡି ସଭାପତି ବସନ୍ତ ବିଶ୍ୱାଳଙ୍କ ସହ କ’ଣ ଆପଣଙ୍କର ଅଘୋଷିତ ମେଣ୍ଟ ରହିଛି କି ? 
• ବାପି ସର୍ଖେଲ- ବସନ୍ତ ବିଶ୍ୱାଳ ଗୋଟିଏ ପାର୍ଟିରେ ଅଛନ୍ତି। ଆମେ ସ୍ୱାଧୀନ ବ୍ୟାନରରେ ଲଢ଼ିଛୁ। କ’ଣ ତାଙ୍କୁ ଗାଳି କଲେ ଆମେ ଭଲ ଓ ଫୁଲ ହାର ଦେଲେ ଖରାପ ? ରାଜନୈତିକ ପାଣିପାଗ କୌଣସି ଶତ୍ରୁତା ଭିତରା ନରହୁ। ଆକ୍ଷେପର ରାଜନୀତି ନହୋଇ ପ୍ରଗତିଶୀଳ ରାଜନୀତି ହେଉ।