LIVE TV
ବିଜେପି କେବଳ ଗୋ-ମୂତ୍ର ରାଜ୍ୟରେ ହିଁ ନିର୍ବାଚନ ଜିତିପାରିବ । ଏପରି ବିବାଦୀୟ ବୟାନ ଦେଇ ସମାଲୋଚନାର ଶିକାର ହୋଇଛନ୍ତି DMK ଏମପି ସେନ୍ତିଲ କୁମାର । ହିନ୍ଦୀ ଭାଷାଭାଷୀ ଅଞ୍ଚଳକୁ ସେ ଗୋ-ମୂତ୍ର ପିଉଥିବା ଅଞ୍ଚଳ ଭାବେ ଅଭିହୀତ କରିଛନ୍ତି । ମଧ୍ୟ ପ୍ରଦେଶ, ରାଜସ୍ଥାନ, ଛତିଶଗଡ଼ରେ ବିପୁଳ ପରିମାଣରେ ବିଜୟ ହାସଲ କରିଛି ବିଜେପି ।
ଏକଜିଟ ପୋଲର ସମସ୍ତ ଆକଳନକୁ ଭୁଲ ପ୍ରମାଣିତ କରି ମୋଟ ଚାରିଟି ରାଜ୍ୟରୁ ତିନୋଟିରେ ସଫଳତା ହାସଲ କରିଛି । କେବଳ ତେଲେଙ୍ଗାନାରେ ହିଁ କଂଗ୍ରେସ ସରକାର ଗଢ଼ି ପାରିଛି । ବିଜେପିର ଏପରି ବିଜୟରେ DMK ଏମପି ସେନ୍ତିଲ କୁମାର ବିବାଦୀୟ ବୟାନ ଦେଇଛନ୍ତି ।
Also Read
#WATCH | Winter Session of Parliament | DMK MP DNV Senthilkumar S says "...The people of this country should think that the power of this BJP is only winning elections mainly in the heartland states of Hindi, what we generally call the 'Gaumutra' states..." pic.twitter.com/i37gx9aXyI
— ANI (@ANI) December 5, 2023
ତାମିଲନାଡ଼ୁ, କେରଳ, ଆନ୍ଧ୍ର ପ୍ରଦେଶ, ତେଲେଙ୍ଗାନା ଆଦି ରାଜ୍ୟରେ ବିଜେପି ବିଜୟ ହାସଲ କରି ପାରିନାହିଁ । ଦକ୍ଷିଣ ଭାରତରେ ଏପରି ପରାଜୟକୁ ନେଇ ସେନ୍ତିଲ କୁମାର ଏପରି ମନ୍ତବ୍ୟ ଦେଇଛନ୍ତି । ଲାଗାତାର ଭାବେ ବିଜେପି ଉତ୍ତର ଭାରତରେ ଭଲ ପ୍ରଦର୍ଶନ କରି ଆସୁଛି । କିନ୍ତୁ ଦକ୍ଷିଣ ଭାରତରେ ବିଜେପି ସେତେଟା ଫଳପ୍ରଦ ହେଉନାହିଁ ।
ତେବେ ଆଗରୁ ମଧ୍ୟ DMK ଏମପି ସେନ୍ତିଲ କୁମାର ହିନ୍ଦୀ ଭାଷାଭାଷୀ ରାଜ୍ୟକୁ ଗୋମୂତ୍ର ପିଇବା ରାଜ୍ୟ ଭାବେ ଅଭିହୀତ କରିଛନ୍ତି । ୨୦୨୨ ରେ ନ୍ୟାସନାଲ ଏଜୁକେସନ ପଲିସିରେ ଗୋ-ମୂତ୍ର ଶବ୍ଦର ବ୍ୟବହାର କରିଥିଲେ DMK ଏମପି ସେନ୍ତିଲ କୁମାର ।
