ବିଜେପିକୁ ଚେକ୍ ଦେବାର ଷ୍ଟ୍ରାଟେଜି ! ୨୪ ନିର୍ବାଚନରେ ପୁରୀରୁ ଲଢ଼ିବେ କି ନବୀନ ?

୨୪ ନିର୍ବାଚନରେ ନିଜ ସିଟ୍ ନେଇ କିଛି ଚକମା ଦେଖାଇବେ କି ନବୀନ? ରାଜନୈତିକ ମହଲରେ ଚର୍ଚ୍ଚା, ଆସନ୍ତା ନିର୍ବାଚନ ନବୀନ ଶ୍ରୀକ୍ଷେତ୍ର ପୁରୀରୁ ଲଢିପାରନ୍ତି । ଏହି ଚର୍ଚ୍ଚାକୁ ଖୋରାକ୍ ଦେଇଛି ବିଜେଡି ନେତା ତଥା ବରିଷ୍ଠ ଦଇତାପତି ସେବାୟତ ରାମକୃଷ୍ଣ ଦାସମହାପାତ୍ରଙ୍କ ମନ୍ତବ୍ୟ । ରାମକୃଷ୍ଣ କହିଛନ୍ତି, ମୁଖ୍ୟମନ୍ତ୍ରୀ ଜଗନ୍ନାଥଧାମରୁ ନିର୍ବାଚନ ଲଢିଲେ ଦଳମତ ନିର୍ବିଶେଷରେ ସମସ୍ତେ ସ୍ୱାଗତ କରିବେ । ଗତ ନିର୍ବାଚନରେ ବି ନବୀନ ଦୁଇଟି ଆସନରୁ ଲଢ଼ିଥିବାରୁ ଏଥର ବି ସେହି ଫର୍ମୁଲାରେ ପୁରୀକୁ ବାଛି ପାରନ୍ତି ବୋଲି ଚର୍ଚ୍ଚା ହେଉଛି । ତେବେ ଏସଂପର୍କରେ ବିଜେଡି ପକ୍ଷରୁ ବିଧିବଦ୍ଧ ଭାବେ କୌଣସି ସୂଚନା ଦିଆଯାଇନାହିଁ ।

ଶ୍ରୀକ୍ଷେତ୍ର ପୁରୀରୁ ନିର୍ବାଚନ ଲଢିବେ କି ନବୀନ ? ୨୪ ପାଇଁ ପୁରୀ ରହିଛି କି ମୁଖ୍ୟମନ୍ତ୍ରୀଙ୍କ ଫୋକସରେ । ଶ୍ରୀମନ୍ଦିର ପରିକ୍ରମା ପ୍ରକଳ୍ପ କାର୍ଯ୍ୟ ପରେ ଜୋର ଧରିଲା ଚର୍ଚ୍ଚା । ଏହା ପୂର୍ବରୁ ୧୯ ନିର୍ବାଚନରେ ଦୁଇ ଦୁଇଟି ବିଧାନସଭା ଆସନରୁ ଲଢିଥିଲେ ମୁଖ୍ୟମନ୍ତ୍ରୀ । ଗଂଜାମର ହିଞ୍ଜିଳିକାଟୁ ଓ ବରଗଡ଼ ଜିଲ୍ଲାର ବିଜେପୁର ନିର୍ବାଚନ ମଣ୍ଡଳୀ । ଆସନ୍ତା ନିର୍ବାଚନରେ ବି ମୁଖ୍ୟମନ୍ତ୍ରୀ ସେହି ଫର୍ମୁଲାରେ ଯାଉଥିବା ଚର୍ଚ୍ଚା ହେଉଛି ।

ହିଞ୍ଜିଳି ବ୍ୟତୀତ ଶ୍ରୀକ୍ଷେତ୍ର ପୁରୀରୁ ମଧ୍ୟ ସେ ଲଢିପାରନ୍ତି ବୋଲି ଆଲୋଚଚନା ଆରମ୍ଭ ହୋଇଛି । କାରଣ ଜଗନ୍ନାଥ ଧାମ ପୁରୀ ଏବେ ରହିଛି ନବୀନ ସରକାରଙ୍କ ଫୋକସରେ । ଯୁଦ୍ଧକାଳୀନ ଭିତ୍ତିରେ ଚାଲିଛି ଶ୍ରୀମନ୍ଦିର ପରିକ୍ରମା ପ୍ରକଳ୍ପ କାର୍ଯ୍ୟ । ଯାହାକି ଡିସେମ୍ବରରେ ଶେଷ ହେବ । ପୁରୀରେ ଅନ୍ୟ ଭିତ୍ତିଭୂମି କାମ ବି ଆଗେଇ ଚାଲିଛି । ଏମିତିକି ପୁରୀରେ ଆନ୍ତର୍ଜାତିକ ବିମାନ ବନ୍ଦର ନିର୍ମାଣ ପାଇଁ ରାଜ୍ୟ ସରକାର ପଦକ୍ଷେପ ନେଉଛନ୍ତି । ନବୀନ ନିଜେ ପ୍ରଧାନମନ୍ତ୍ରୀଙ୍କୁ ଭେଟି ଏ ନେଇ ଆଲୋଚନା ବି କରିଥିଲେ । ଏସବୁ ବ୍ୟତୀତ ବିଜେଡି ନେତା ତଥା ବରିଷ୍ଠ ଦଇତାପତି ସେବାୟତ ରାମକୃଷ୍ଣ ଦାସମହାପାତ୍ରଙ୍କ ମନ୍ତବ୍ୟ ଏହି ଚର୍ଚ୍ଚାକୁ ଖୋରାକ ଯୋଗାଇଛି । ସେ କହିଛନ୍ତି, ମୁଖ୍ୟମନ୍ତ୍ରୀ ଜଗନ୍ନାଥ ଧାମରୁ ନିର୍ବାଚନ ଲଢିଲେ ଦଳମତ ନିର୍ବିଶେଷରେ ସମସ୍ତେ ସ୍ୱାଗତ କରିବେ ।

Also Read

ଆଗ ବାହା ହେବେ ପରେ ଆସି ଭୋଟ୍ ଦେବେ, ବାହାଘର ପାଇଁ ଘୁଞ୍ଚିଲା ନିର୍ବାଚନ ତାରିଖ

Read More

ଦିନରେ ମେ' ମାସର ଖରା, ସଂଜ ନଇଁଲେ ଗୁଳିଗୁଳି, ଅକ୍ଟୋବର ୨ୟ ସପ୍ତାହରେ ୩୫ ଡିଗ୍ରୀ ତାପମାତ୍ରା

Read More

ଆମ ଓଡ଼ିଶା, ନବୀନ ଓଡ଼ିଶା’ ପରେ ‘ଲକ୍ଷ୍ମୀ’ ବସ୍, ଉଭୟରେ ଶଙ୍ଖଚିହ୍ନର ବ୍ୟବହାରକୁ ନେଇ ବିବାଦ

Read More

ପୁରୀ ସବୁବେଳେ ବିଜେଡିର ଫୋକସରେ ରହିଆସିଛି । ଦଳର ପ୍ରତିଷ୍ଠା ଦିବସ କାର୍ଯ୍ୟକ୍ରମ ବିଭିନ୍ନ ସମୟରେ ପୁରୀରେ ଆୟୋଜନ କରାଯାଇଛି । କେବେଳ ସେତିକି ନୁହେଁ ଲୋକସେବା ଭବନ ବାହାରେ ପୁରୀରେ ମଧ୍ୟ କ୍ୟାବିନେଟ୍ ବୈଠକର ଆୟୋଜନ ହୋଇଥିଲା । ଏହାସହ ୧୯ ନିର୍ବାଚନ ପୂର୍ବରୁ ଚାଷୀଙ୍କ ପାଇଁ ସବୁଠୁ ବଡ଼ ସ୍କିମ୍  କାଳିଆ ଯୋଜନା ମଧ୍ୟ ପୁରୀରୁ ହିଁ ଆରମ୍ଭ ହୋଇଥିଲା । ଏସବୁ ଘଟଣାକ୍ରମ ଦେଖିଲେ ନବୀନ ପୁରୀରୁ ଲଢିବା ପାଇଁ ଏକ ପ୍ରକାର ଅନୁକୂଳ ପରିବେଶ ରହିଛି । ରାଜନୈତିକ ଦୃଷ୍ଟିକୋଣରୁ ଦେଖିଲେ ପୁରୀ ଜିଲ୍ଲାରେ ବିଜେପିର ସଙ୍ଗଠନ ମଜଭୁତ୍ ହେବାରେ ଲାଗିଛି ।

ଗତ ନିର୍ବାଚନରେ ପୁରୀ ଓ ବ୍ରହ୍ମଗିରିରେ ଫୁଟିଥିଲା ପଦ୍ମ । ସେହିପରି ପୁରୀ ଲୋକସଭା ଆସନରେ ବିଜେପି ରାଷ୍ଟ୍ରୀୟ ମୁଖପାତ୍ର ସମ୍ବିତ ପାତ୍ର ମଧ୍ୟ ପିନାକୀ ମିଶ୍ରଙ୍କୁ କଡ଼ା ଟକ୍କର ଦେଇଥିଲେ । ସମ୍ବିତ ଲଗାତାର ପୁରୀ ଆସି ଜନସଂପର୍କ ସୁଦୃଢ଼ କରିବାରେ ଲାଗିଛନ୍ତି । ତେଣୁ ବିଜେପିକୁ ଚେକ୍ ଦେବାକୁ ବିଜେଡି ହୁଏତ ନବୀନ କାର୍ଡ ଖେଳିପାରେ । ଏହାବ୍ୟତୀତ ନବୀନ, ଧାର୍ମିକ କ୍ଷେତ୍ରରୁ ଲଢ଼ି ନିଜର ଭାବମୂର୍ତ୍ତିର ଛାପ ଛାଡିବାକୁ ପ୍ରୟାସ ହୋଇପାରେ ବୋଲି ଚର୍ଚ୍ଚା ହେଉଛି ।