LIVE TV
5T ସଚିବଙ୍କ ଗସ୍ତକୁ ଯାଜପୁରରେ କଂଗ୍ରେସ ପକ୍ଷରୁ ବିରୋଧ କରାଯାଇଛି। 5T ସଚିବଙ୍କ ଯାଜପୁର ଟାଉନ୍ ଗସ୍ତକୁ ଜିଲ୍ଲା କଂଗ୍ରେସର ସଦସ୍ୟ ବିରୋଧ କରିଛନ୍ତି। ପାଣ୍ଡିଆନ ଗୋ ବ୍ୟାକ୍ ନାରା ଦେବା ସହ ରେଡକ୍ରସ୍ ଛକରୁ ରାଲି କରି ବିକ୍ଷୋଭ ପ୍ରଦର୍ଶନ କରାଯାଇଥିଲା। ପୋଲିସ ସେମାନଙ୍କୁ ମେଡିକାଲ ଛକ ନିକଟରେ ଅଟକାଇବା ବେଳେ ପୋଲିସ ସହ ପେଲା ଠେଲା ହୋଇଥିଲା।
ଗୋଟିଏପଟେ କଂଗ୍ରେସକର୍ମୀମାନେ 5T ସଚିବଙ୍କ ଗସ୍ତକୁ ବିରୋଧ କରୁଥିବା ବେଳେ ଅନ୍ୟପଟେ କିଛି ବ୍ୟକ୍ତି 5T ଲେଖାଥିବା ଟି-ସାର୍ଟ ପିନ୍ଧି ବାଉଁଶ ଓ ବହ୍ଲା ଧରି କଂଗ୍ରେସକର୍ମୀଙ୍କୁ ରୋକିବାକୁ ଛିଡ଼ା ହୋଇଥିବା ଦେଖିବାକୁ ମିଳିଥିଲ। ତେବେ 5T ପୋଷାକ ପିନ୍ଧି ବାଉଁଶ ଓ ବହ୍ଲା ଧରିଥିବା ଏହି ବ୍ୟକ୍ତିମାନେ କିଏ ତାହା ସ୍ପଷ୍ଟ ହୋଇନି।
Also Read
ସେହିପରି ଚୋର୍ଦ୍ଦା ଛକରେ ମହିଳା କଂଗ୍ରେସକର୍ମୀଙ୍କୁ ରୋକିବାରୁ ପୋଲିସ୍ ସହ ଧସ୍ତାଧସ୍ତି ପରିସ୍ଥିତି ସୃଷ୍ଟି ହୋଇଥିଲା। 5T ସଚିବଙ୍କ ଯାଜପୁର ବ୍ୟାସନଗର ଗସ୍ତ ପୂର୍ବରୁ କଂଗ୍ରେସ ଆଜି ବିରୋଧ କରିଛି। କଳା ଶାଢ଼ି ପିନ୍ଧି ମହିଳା କଂଗ୍ରେସକର୍ମୀ ପ୍ରତିବାଦ କରିଛନ୍ତି।
କଳା ଶାଢ଼ି ପିନ୍ଧି ଗୋପବନ୍ଧୁ ଛକରୁ ରାଲି କରି ନାରାବାଜି ଦେଇଥିଲେ ମହିଳା କଂଗ୍ରେସକର୍ମୀ। ଚୋର୍ଦ୍ଦା ଛକରେ ପୋଲିସ କଂଗ୍ରେସକର୍ମୀଙ୍କୁ ରୋକିବାରୁ ଧସ୍ତାଧସ୍ତି ପରିସ୍ଥିତି ସୃଷ୍ଟି ହୋଇଥିଲା। ରାଜ୍ୟ ମହିଳା କଂଗ୍ରେସ ସଭାନେତ୍ରୀ ବନ୍ଦିତା ପରିଡାଙ୍କ ନେତୃତ୍ୱରେ ମହିଳା କଂଗ୍ରେସକର୍ମୀ ଏହି ପ୍ରତିବାଦ କରିଛନ୍ତି।
ଆଜି ବ୍ୟାସନଗର ଚାନ୍ଦମା ଗ୍ରାଉଣ୍ଡରେ 5T ସଚିବ ଏକ ସଭାରେ ଯୋଗଦେବାର କାର୍ଯ୍ୟକ୍ରମ ରହିଛି। ପରେ ଯାଜପୁର ମ୍ୟୁନସିପାଲିଟି ଅଞ୍ଚଳରେ ଆଉ ଏକ ସଭା ରହିଛି।
