LIVE TV
ଭୁବନେଶ୍ୱର ପଦ୍ମକେଶରୀପୁର ଗିରଫଦାରୀ ମାମଲାକୁ ନେଇ ନୂଆ ଥିଓରୀ ରଖିଛନ୍ତି ସାଂସଦ ଅପରାଜିତା ଷଡ଼ଙ୍ଗୀ । ବିଜେଡି ଦଳର ପ୍ରୋତ୍ସାହନରେ ପଦ୍ମକେଶରୀପୁରରେ ମହାଜନୀ କାରବାର ଚାଲିଛି ବୋଲି ସେ କହିଛନ୍ତି । ଚଢ଼ା ଦରରେ ଚାଲିଛି ସୁଧ କାରବାର ।
ବେଆଇନ ମନି ଲଣ୍ଡରିଂ ଆଇନ ଉଲ୍ଲଂଘନ କରାଯାଇ ପଦ୍ମକେଶରୀପୁରରେ ଟଙ୍କା ଆଦାୟ କରାଯାଉଛି । ଆଉ ଏସବୁ ପଛରେ ରହିଛି ବିଜେଡି । ଗାଁରେ ହିଂସାକାଣ୍ଡ ପଛରେ ଅସଲରେ ବିଜେଡି ରହିଛି ବୋଲି କହି ଟାଗେର୍ଟ କରିଛନ୍ତି ଭୁବନେଶ୍ୱର ସାଂସଦ ଅପରାଜିତା ଷଡ଼ଙ୍ଗୀ ।
ସାଂସଦ ଅପରାଜିତା କହିଛନ୍ତି, ‘୩ ମାସ ହେଲାଣି ପଦ୍ମକେଶରୀପୁରରେ ଭୟର ବାତାବରଣ ଲାଗି ରହିଛି । ୧୫୫ ଜଣଙ୍କୁ ପୋଲିସ ଗିରଫ କରିଥିବା ବେଳେ ସେମାନଙ୍କ ମଧ୍ୟରେ ୫୪ ଜଣ ମହିଳା ଅଛନ୍ତି । ଗାଁ ଜନଶୂନ୍ୟ, ବୃଦ୍ଧବୃଦ୍ଧା ଓ ଛୋଟ ପିଲା ଅସହାୟ ଅବସ୍ଥାରେ ରହିଛନ୍ତି ।’
‘ପଦ୍ମକେଶରୀପୁରରେ ବ୍ୟାପକ ଭାବେ ବେଆଇନ ସୁଧ କାରବାର ଚାଲିଛି । ବିଜେଡି ପ୍ରୋତ୍ସାହନରେ ସେଠାରେ ମହାଜନୀ କାରବାର ଚାଲିଛି । ମନି ଲଣ୍ଡରିଂ ଆକ୍ଟର ଖୋଲା ଉଲ୍ଲଂଘନ କରାଯାଉଛି’ ବୋଲି ଅପରାଜିତା କହିଛନ୍ତି ।
Also Read
ସୂଚନାଥାଉ କି, ପଦ୍ମକେଶରୀପୁରକୁ ଯାଇ କିଛି ଦିନ ପୂର୍ବେ ସ୍ଥିତି ଅନୁଧ୍ୟାନ କରିଥିଲେ ଅପରାଜିତା । ଏହାପରେ ପୋଲିସ୍, ପ୍ରଶାସନ ଏବଂ ସ୍ଥାନୀୟ ନେତା ପହଞ୍ଚି ଲୋକଙ୍କ ସହ ବୁଝାସୁଝା କରିଥିବା ଦେଖିବାକୁ ମିଳିଥିଲା ।
