LIVE TV
ରାଜ୍ୟରେ ମହିଳା ସଶକ୍ତୀକରଣ ନେଇ ବିଜେଡି ସରକାର ଡିଣ୍ଡିମ ପିଟୁଥିବା ବେଳେ ଶାସକ ଦଳ ସଦସ୍ୟଙ୍କ ନାଁରେ ନାରୀ ନିର୍ଯାତନାର ସାଙ୍ଘାତିକ ଅଭିଯୋଗ ଆସୁଛି । ହେଲେ ସରକାର ଚୁପ୍ ବୋଲି ଅଭିଯୋଗ କରିଛି ବିଜେପି । ଦଳର ସାଧାରଣ ସମ୍ପାଦକ ଗୋଲକ ମହାପାତ୍ର (Golak Mohapatra) କହିଛନ୍ତି, ଦକ୍ଷିଣ ଓଡ଼ିଶାର ଜଣେ ମନ୍ତ୍ରୀଙ୍କ ନାଁରେ ଗୁରୁତର ଅଭିଯୋଗ ହୋଇଛି । ସେ ମନ୍ତ୍ରୀ କିଏ ବୋଲି ଗୋଲକ ପଚାରିଛନ୍ତି ।
ସେ କହିଛନ୍ତି, ପୀଡିତା ମହିଳା ଥାନାକୁ ଯାଇଥିଲେ ମଧ୍ୟ ତାଙ୍କର ଏତଲା ନିଆଗଲା ନାହିଁ । ପରବର୍ତୀ ସମୟରେ ତାଙ୍କ ସହ ବୁଝାମଣା କରାଯାଇଛି । ସରକାର ସ୍ପଷ୍ଟ କରି କୁହନ୍ତୁ, କିଏ ଥାନାକୁ ଯାଇଥିଲେ, ତୃତୀୟ ମହଲାରୁ କିଏ ଫୋନ କରିଥିଲେ । ସରକାର ଏହାର ଉତ୍ତର ରଖନ୍ତୁ ବୋଲି ଗୋଲକ ଦାବି କରିଛନ୍ତି ।
Also Read
ସେପଟେ ଗତକାଲି ଏକ ପ୍ରେସମିଟରେ ଏହି ପ୍ରସଙ୍ଗ ଉଠାଇଥିଲେ କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ସେ କହିଥିଲେ, ଜଣେ ମନ୍ତ୍ରୀଙ୍କ କେଳେଙ୍କାରୀର ଭିଡିଓ ବୁଲୁଛି । ମନ୍ତ୍ରୀ ଜଣକ ଜଣେ ମହିଳାଙ୍କୁ ପ୍ରତାରିତ(women harassment) କରିଥିଲେ ଏବଂ ମହିଳା ଜଣକ ଆତ୍ମହତ୍ୟା ଉଦ୍ୟମ କରିଥିଲେ ବୋଲି ଅଭିଯୋଗ ହୋଇଛି । ହେଲେ ପୋଲିସ କିନ୍ତୁ ଉକ୍ତ ମନ୍ତ୍ରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ନେଉନାହିଁ ।
ସେହିପରି ରାଜ୍ୟ ସରକାର ଏହା ଉପରେ ସ୍ପଷ୍ଟୀକରଣ ରଖନ୍ତୁ ବୋଲି କଂଗ୍ରେସ କହିଛି । ଅନ୍ୟପକ୍ଷରେ ଏହି ପ୍ରସଙ୍ଗକୁ ନେଇ ବିଜେଡି ବିଧାୟକ ସୁଧୀର ସାମଲ କହିଛନ୍ତି, ଅଯଥା କାହାର ଚରିତ୍ର ସଂହାର କରିବାକୁ ମୁଁ ବିଶ୍ବାସ କରେ ନାହିଁ । ..
