LIVE TV
ରାଜ୍ୟସଭା କ୍ଷେତ୍ରରେ ରିପିଟ୍ ହେଲା ୨୦୧୯ ଗଣିତ । ୨୦୨୪ ପାଇଁ ସମାନ ଫର୍ମୁଲା ଆପଣାଇଲା BJD । BJP ପ୍ରାର୍ଥୀଙ୍କୁ BJD ପୁଣି କଲା ଦୃଢ଼ ସମର୍ଥନ । ୨୦୧୯ରେ ଅଶ୍ୱିନୀ ବୈଷ୍ଣବଙ୍କୁ BJP ପକ୍ଷରୁ ପ୍ରାର୍ଥୀ ଘୋଷଣା କରାଯାଇଥିଲା । ଆଉ ସଂଖ୍ୟା ଗରିଷ୍ଠତା କାରଣରୁ ସମର୍ଥନ ଜଣାଇଥିଲା BJD । ଆଉ ଏବେ ଅର୍ଥାତ୍ ୨୦୨୪ ପାଇଁ BJP ପୁଣି ଅଶ୍ୱିନୀଙ୍କୁ ରାଜ୍ୟସଭା ପାଇଁ ମନୋନୀତ କରିଥିବାବେଳେ BJD ଏହାକୁ ସମର୍ଥନ ଜଣାଇଛି ।
ରାଜ୍ୟସଭା ପ୍ରାର୍ଥୀ ଭାବେ ଅଶ୍ୱିନୀ ବୈଷ୍ଣବଙ୍କୁ ସମର୍ଥନ କରିଥିବା BJD ବିଧିବଦ୍ଧ ଭାବେ ଘୋଷଣା କରିଛି । ସମର୍ଥନକୁ ନେଇ BJD ପକ୍ଷରୁ ପ୍ରେସ୍ ରିଲିଜ ଜାରି କରାଯାଇଛି । ଯେଉଁଥିରେ ଅଶ୍ୱିନୀ ବୈଷ୍ଣବଙ୍କୁ BJD ସମର୍ଥନ କରିଥିବା ଦର୍ଶାଯାଇଛି । ରାଜ୍ୟସଭା ପାଇଁ ଓଡ଼ିଶାର ୩ଟି ଆସନ ଖାଲି ହୋଇଥିଲା । BJD ସାଂସଦ ପ୍ରଶାନ୍ତ ନନ୍ଦ ଓ ଅମର ପଟ୍ଟନାୟକଙ୍କ ସମେତ କେନ୍ଦ୍ରମନ୍ତ୍ରୀ ଅଶ୍ୱିନୀ ବୈଷ୍ଣବଙ୍କ କାର୍ଯ୍ୟକାଳ ଏପ୍ରିଲ ୩ରେ ଶେଷ ହେଉଥିଲା ।
Also Read
ଏଥିଲାଗି ବିଧିବଦ୍ଧ ଭାବେ ବିଜ୍ଞପ୍ତି ପ୍ରକାଶ ପାଇବା ପରେ BJD ୨ ରାଜ୍ୟସଭା ପ୍ରାର୍ଥୀଙ୍କ ନାମ ଘୋଷଣା କରିଥିଲା । କଟକ ବାରବାଟୀ ନିର୍ବାଚନ ମଣ୍ତଳୀର ପୂର୍ବତନ ବିଧାୟକ ଦେବାଶିଷ ସାମନ୍ତରାୟଙ୍କୁ ରାଜ୍ୟସଭା ପ୍ରାର୍ଥୀ ଭାବେ BJD ଘୋଷଣା କରିବା ସହ ଶୁଭାଶିଷ ଖୁଣ୍ଟିଆଙ୍କୁ ମଧ୍ୟ ରାଜ୍ୟସଭା ପ୍ରାର୍ଥୀ ଘୋଷଣା କରିଥିଲା । ହେଲେ ତୃତୀୟ ପ୍ରାର୍ଥୀକୁ ନେଇ ଲାଗି ରହିଥିଲା ସସ୍ପେନ୍ସ ।
- ରାଜ୍ୟର ବୃହତ୍ତର ସ୍ୱାର୍ଥ ଦୃଷ୍ଟିରୁ ସମର୍ଥନ ଘୋଷଣା
— ଓଟିଭି (@otvkhabar) February 14, 2024
- ରେଲୱେ, ଟେଲିକମ୍ କ୍ଷେତ୍ରରେ ଓଡ଼ିଶାର ସ୍ୱାର୍ଥ ଦୃଷ୍ଟିରୁ ସମର୍ଥନ
- ୨୦୧୯ରେ ବି ଅଶ୍ୱିନୀ ବୈଷ୍ଣବଙ୍କୁ ସମର୍ଥନ କରିଥିଲା ବିଜେଡି#AshwiniVaishnaw #Odisha #RajyaSabha #Politics #OTV #BJD https://t.co/5nsml3AsBI
ହେଲେ ଆଜି BJP ଅଶ୍ୱିନୀଙ୍କୁ ପୁଣିଥରେ ପ୍ରାର୍ଥୀ ଭାବେ ଘୋଷଣା କରିବା ପରେ BJD ପୂର୍ବ ପରି ସମର୍ଥନ କରିଛି । ୨୦୧୯ ରାଜ୍ୟସଭା ନିର୍ବାଚନର ଫର୍ମୁଲାକୁ ରିପିଟ୍ କରି ପୁଣି ଥରେ ଦୁଇ ଦଳ ସେହି ସମାନ୍ କ୍ୟାଣ୍ଡିଡେଟ୍କୁ ନେଇ ୨୦୨୪ରେ ସେଇ ପୁରୁଣା ଗେମ୍ ଖେଳିଛନ୍ତି ।
