LIVE TV
ଆଜି ନୂଆ ମନ୍ତ୍ରିମଣ୍ଡଳ ଗଠନ କରିବେ ପଞ୍ଜାବ ମୁଖ୍ୟମନ୍ତ୍ରୀ ଭଗୱନ୍ତ ମାନ । ମନ୍ତ୍ରିମଣ୍ଡଳରେ ୧୦ ଜଣ ସଦସ୍ୟ ରହିବେ । ଚଣ୍ଡିଗଡ଼ରେ ଦିନ ୧୧ଟାରେ ଏହି ମନ୍ତ୍ରୀମାନେ ପଦ ଓ ଗୋପନୀୟତାର ଶପଥ ନେବେ । ଶପଥପାଠ କାର୍ଯ୍ୟକ୍ରମ ପରେ ପ୍ରଥମ କ୍ୟାବିନେଟ ବୈଠକ ୧୨ଟା ୩୦ରେ ଅନୁଷ୍ଠିତ ହେବ ।
ପଞ୍ଜାବରେ ଆମ ଆଦମୀ ପାର୍ଟି ବିଜୟ ହାସଲ କରିବା ପରେ ୧୬ ତାରିଖରେ ଭଗୱନ୍ତ ମାନ ମୁଖ୍ୟମନ୍ତ୍ରୀ ଭାବେ ଶପଥ ନେଇଥିଲେ । ଏବେ ସେ ତାଙ୍କ ୧୦ ଜଣିଆ ଟିମ୍ ଗଠନ କରିଛନ୍ତି । ତାଙ୍କୁ ମିଶାଇ ମନ୍ତ୍ରିମଣ୍ଡଳରେ ମୋଟ ୧୧ ଜଣ ସଦସ୍ୟ ରହିବେ ।
Also Read
ଆଜି ଶପଥ ନେବା ମନ୍ତ୍ରୀଙ୍କ ଭିତରେ ଅଛନ୍ତି ହରପାଲ ସିଂହ ଚୀମା, ଡା. ବଲଜୀତ କୌର, ହରଭଜନ ସିଂହ ଇଟିଓ, ଡା ବିଜୟ ସିଙ୍ଘଲା, ଗୁରମିର ସିଂହ ମୀତ ହାୟର, ହରଜୋତ ସିଂହ ବୈନ୍ସ, ଲାଲ ଚାନ୍ଦ, କୁଲଦୀପ ସିଂହ ଧାଲିୱାଲ, ଲାଲଜିତ ସିଂହ ଭୁଲ୍ଲାର ଓ ବ୍ରାମ ଶଙ୍କର ।
ନିୟମ ଅନୁସାରେ ପଞ୍ଜାବ ବ୍ୟାବିନେଟରେ ମୁଖ୍ୟମନ୍ତ୍ରୀଙ୍କୁ ମିଶାଇ ୧୮ ଜଣ ସଦସ୍ୟ ରହିପାରିବେ । ହେଲେ ଆପ୍ ସରକାର ୧୧ ଜଣଙ୍କୁ ନେଇ କ୍ୟାବିନେଟ ଗଠନ କରିବ ।
