LIVE TV
ମହାରାଷ୍ଟ୍ର ସରକାରରେ ମନ୍ତ୍ରିମଣ୍ଡଳ ସଂପ୍ରସାରଣ ହୋଇଛି। ନବ ନିର୍ବାଚିତ ଉପମୁଖ୍ୟମନ୍ତ୍ରୀ ଅଜିତ୍ ପାୱାରଙ୍କୁ ମିଳିଛି ଗୁରୁତ୍ୱପୂର୍ଣ୍ଣ ଅର୍ଥ ମନ୍ତ୍ରାଳୟ। ତା ସହ ଯୋଜନା ବିଭାଗ ଦାୟିତ୍ୱ ମଧ୍ୟ ସମ୍ଭାଳିବେ ଅଜିତ୍ ପାୱାର । ବରିଷ୍ଠ ନେତା ତଥ୍ୟା କ୍ୟାବିନେଟ୍ ମନ୍ତ୍ରୀ ଛଗନ ଭୁଜବଳଙ୍କୁ ଖାଦ୍ୟ ଓ ଯୋଗାଣ ବିଭାଗ ଦାୟିତ୍ୱ ଦିଆଯାଇଛି।
ସେହିପରି କ୍ୟାବିନେଟ୍ ମନ୍ତ୍ରୀ ଅନୀଲ ପାଟିଲ ରିଲିଫ୍ ଓ ଥଇଥାନ ଏବଂ ବିପର୍ଯ୍ୟୟ ପରିଚାଳନା ବିଭାଗ ସମ୍ଭାଳିବେ । ଅଦିତି ସୁନୀଲ ତଟକରେଙ୍କୁ ମହିଳା ଓ ଶିଶୁ ବିକାଶ, ଧନଞ୍ଜୟ ମୁଣ୍ଡେଙ୍କୁ କୃଷି ବିଭାଗ ଓ ଦିଲୀପ ୱାଲସେ ପାଟିଲଙ୍କୁ ରାଜସ୍ୱ ସହିତ ପଶୁପାଳନ ବିଭାଗ ଦାୟିତ୍ୱ ଦିଆଯାଇଛି।
Also Read
ଅର୍ଥ - ଅଜିତ ପାୱାର
କୃଷି - ଧନଞ୍ଜୟ ମୁଣ୍ଡେ
ସମବାୟ - ଦିଲ୍ଲୀପ ବଲସେ ପାଟିଲ
ଚିକିତ୍ସା ଶିକ୍ଷା - ହସନ ମୁଶରିଫ
ଖାଦ୍ୟ ଏବଂ ନାଗରିକ ସାମଗ୍ରୀ - ଛଗନ ଭୁଜବଲ
ଖାଦ୍ୟ ଏବଂ ଔଷଧ ପ୍ରଶାସନ - ଧର୍ମରାମ ଅତ୍ରାମ
କ୍ରୀଡା - ଅନୀଲ ଭାଇଦାସ ପାଟିଲ
ମହିଳା ଓ ଶିଶୁ କଲ୍ୟାଣ - ଅଦିତି ତଟକେରେ
ଜୁଲାଇ ୨ ତାରିଖରୁ ଅଜିତ ପାୱାର ଉପ-ମୁଖ୍ୟମନ୍ତ୍ରୀ ଓ ଅନ୍ୟମାନେ ମନ୍ତ୍ରୀ ଭାବେ ଶପଥ ନେଇ ସାରିଥିବା ବେଳେ ସେମାନଙ୍କ ମଧ୍ୟରେ ବିଭାଗ ବଣ୍ଟନ ହୋଇନଥିଲା । ବିଭାଗ ବଣ୍ଟନ ନେଇ ଟଣାଓଟରା ଚାଲିଥିଲା ବୋଲି ଖବର ଆସିଥିଲା । କାରଣ ଅଜିତ ପାୱାର କାଳେ ତାଙ୍କ ପାଇଁ ଅର୍ଥ ବିଭାଗ ଦାବି କରିଥିଲେ । ସେହିଭଳି ତାଙ୍କ ଦଳର ଅନ୍ୟ ସଦସ୍ୟଙ୍କ ପାଇଁ ଖାଦ୍ୟ ଯୋଗାଣ ଓ ଖାଉଟି ସୁରକ୍ଷା ସହିତ ଆଉ କିଛି ଗୁରୁତ୍ୱପୂର୍ଣ୍ଣ ବିଭାଗ ଦାବି କରିଥିଲେ । ସେ ତାଙ୍କ ଜିଦ୍ରେ ଅଟଳ ରହିବାରୁ ବିଭାଗ ବଣ୍ଟନରେ ବିଳମ୍ବ ହେଲା ବୋଲି କୁହାଯାଉଛି ।
