LIVE TV
ପୁରୀ ଏମାର ମଠରୁ ଖନନ ବେଳେ ସିଂହ ମୂର୍ତ୍ତି ବାହାରିବା ଘଟଣାରେ ରାଜ୍ୟ ସରକାରଙ୍କୁ ଟାର୍ଗେଟ୍ କଲେ ବିଜେପି ରାଷ୍ଟ୍ରୀୟ ମୁଖପାତ୍ର ସମ୍ବିତ ପାତ୍ର ।ଏହା ଜାତିର ପ୍ରତୀକ, ଇତିହାସ, ଓଡ଼ିଶାର ସ୍ୱାଭିମାନ । ସତ କେବେ ଲୁଚି ରହେ ନାହିଁ, ଆଜି ନ ହେଲେ କାଲି ପ୍ରକାଶିତ ହେବ । ଯଦି ଇତିହାସକୁ ସୁରକ୍ଷିତ ରଖି ନ ପାରିବା, ପରପିଢ଼ି କ୍ଷମା ଦେବ ନାହିଁ ବୋଲି କହିଛନ୍ତି ସମ୍ବିତ॥
ଏଇ ସିଂହ କେବଳ ଗୋଟେ ସିଂହ ନୁହଁ, ଏଇ ସିଂହ ହେଉଛି ଆମର ପ୍ରତୀକ, ଏଇ ସିଂହ ହେଉଛି ଇତିହାସ ଏବଂ ଏଇ ସିଂହ ହେଉଛି ଓଡ଼ିଆ ଜନଜାତିର ସ୍ୱାଭିମାନ । pic.twitter.com/0NUSF5CtHT
— Sambit Patra (@sambitswaraj) May 18, 2022Also Read
ଏହାସହ ସେ ASI ସତ୍ୟପାଠ ରିପୋର୍ଟ ଦର୍ଶାଇ ପୁଣି ଥରେ ସରକାରଙ୍କୁ ସମାଲୋଚନା କରିଛନ୍ତି । ଏନେଇ ସେ କହିଛନ୍ତି, ବିନା ଅନୁମତିରେ କାମ ହେଉଥିବାରୁ ASI ତାଗିଦ କରି ସାରିଛି । ପିନାକୀ ବାବୁ ମିସଲିଡ୍ କରୁଛନ୍ତି, ଯାହା କହୁଛନ୍ତି ସମ୍ବିଧାନ ସମ୍ମତ ନୁହେଁ ।ସେ ୪ଟି ଟଏଲେଟ୍ ନିର୍ମାଣ କଥା ସଂସଦରେ କାହିଁକି କହିଲେ ବୋଲି ପଚାରିଛନ୍ତି ସମ୍ବିତ। ତେବେ ଏନେଇ ସାଂସଦ ପିନାକୀ ମିଶ୍ର କିମ୍ବା ବିଜେଡିର କୌଣସି ପ୍ରତିକ୍ରିୟା ମିଳିପାରିନାହିଁ ।
ସୂଚନା ଅନୁସାରେ, ଗତ ସୋମବାର ଦିନ ପୁରୀ ଏମାର ମଠ ପରିସରରୁ ଦୁଇ ଖଣ୍ଡ ଅବସ୍ଥାରେ ଅତ୍ୟନ୍ତ କାରୁକାର୍ଯ୍ୟ ପୂର୍ଣ୍ଣ ପୁରାତନ ସିଂହ ମୂର୍ତ୍ତି ମଳିଛି । ଘଟଣାସ୍ଥଳକୁ ASI ଅଧୀକ୍ଷକ, ପୁରୀ ଉପଜିଲ୍ଲାପାଳ ଯାଇ ଅନୁଧ୍ୟାନ କରିଛନ୍ତି । OBCC କର୍ତ୍ତୃପକ୍ଷ, ଟାଟା ପ୍ରୋଜେକ୍ଟର ଅଧିକାରୀ ବି ଅନୁଧ୍ୟାନ କରିଛନ୍ତି । ଗଣମାଧ୍ୟମରେ ପ୍ରସାରଣର ୩୦ ଘଣ୍ଟା ପରେ ଅନୁଧ୍ୟାନ କଲେ ASI ଅଧୀକ୍ଷକ ଓ ପୁରୀ ଉପଜିଲ୍ଲାପାଳ । ତେବେ ପ୍ରକଳ୍ପ ସ୍ଥଳରୁ ଏଭଳି ଅବସ୍ଥାରେ ପୂରାତନ ମୂର୍ତ୍ତି ମିଳିବାକୁ ନେଇ ତୀବ୍ର ପ୍ରତିକ୍ରିୟା ସୃଷ୍ଟି ହୋଇଛି । ପ୍ରକଳ୍ପ ପୂର୍ବରୁ ଗ୍ରାଉଣ୍ଡ ପେନିଟ୍ରେଟିଂ ରାଡାର ସିଷ୍ଟମ୍ସ ସର୍ଭେ ହୋଇଥିଲେ ଆଜି ଏଭଳି ଦେଖିବାକୁ ମିଳି ନଥାନ୍ତା ବୋଲି ଅଭିଯୋଗ ହୋଇଆସୁଥିଲା ।
