LIVE TV
ସଂସଦ ଭବନରେ ବକ୍ତବ୍ୟ ରଖି ପ୍ରଶଂସିତ ଓଡ଼ିଆ ଝିଅ । କଳାହାଣ୍ଡିର ଝିଅ ଅନମୋଲ ଅଙ୍କିତା ସଂସଦ ଭବନରେ ପୂର୍ବତନ ପ୍ରଧାନମନ୍ତ୍ରୀ ଲାଲବାହାଦୁର ଶାସ୍ତ୍ରୀଙ୍କ ଉପରେ ବକ୍ତବ୍ୟ ରଖି ସାଉଁଟିଛନ୍ତି ଅନେକ ପ୍ରଶଂସା । ତାଙ୍କର ଓଜସ୍ୱିନୀ ଭାଷଣ ଶୁଣି ସଂସଦରେ ଉପସ୍ଥିତ ସମସ୍ତ ମାନ୍ୟଗଣ୍ୟ ବ୍ୟକ୍ତି ଅଭିଭୂତ ହୋଇଥିଲେ ।
କେନ୍ଦ୍ର ଯୁବ ବ୍ୟାପାର ମନ୍ତ୍ରଣାଳୟ ଦ୍ୱାରା ନେହେରୁ ଯୁବା କେନ୍ଦ୍ର ସଂଗଠନ ଦ୍ୱାରା ଆୟୋଜିତ ଏହି କାର୍ଯ୍ୟକ୍ରମରେ ଓଡିଶାରୁ ଏକମାତ୍ର ଯୁବତୀ ଅନମୋଲ ଅଙ୍କିତା ଭାଗ ନେଇଥିଲେ । ମୋଟ ୨୯ଟି ରାଜ୍ୟର ୮ଜଣ ଯୁବକ ଯୁବତୀ ସଂସଦ ଭବନରେ ବକ୍ତବ୍ୟ ରଖିବାକୁ ଯୋଗ୍ୟ ବିବେଚିତ ହୋଇଥିବାବେଳେ ଓଡ଼ିଶାର ଝିଅ ଅନମୋଲ ଅଙ୍କିତା ଅନ୍ୟତମ ଥିଲେ ।
Also Read
ମହିଳା ସଶକ୍ତିକରଣ, ସାମାଜିକ ସମାନତା, ସବୁଜ ଓ ଶ୍ୱେତ ବିପ୍ଳବ ସହ ଶାସ୍ତ୍ରୀଙ୍କର ଦୂରଦୃଷ୍ଟି ଓ ଦେଶ ସେବା ପାଇଁ ତାଙ୍କର କର୍ତ୍ତବ୍ୟବୋଧ ଉପରେ ବକ୍ତବ୍ୟ ରଖି ପ୍ରଶଂସା ସାଉଁଟିଥିଲେ ଅନମୋଲ୍ ଅଙ୍କିତା ।
