LIVE TV
ଭାଲୁ ଆକ୍ରମଣରେ ବାପା ମୃତ, ପୁଅ ଗୁରୁତର। ନୂଆପଡ଼ା ଜିଲ୍ଲା କୋମନା ରେଂଜ ବିଜାଖମନ ଜଙ୍ଗଲରେ ଏକ ଭାଲୁ ବାପପୁଅଙ୍କୁ ଆକ୍ରମଣ କରିଥିଲା । ପୋଖରୀକୁ ଗାଧୋଇବା ପାଇଁ ଯିବାବେଳେ ଉଭୟେ ଆକ୍ରମଣର ଶିକାର ହୋଇଥିଲେ । ଘଟଣାସ୍ଥଳରେ ବାପାଙ୍କର ମୃତ୍ୟୁ ହୋଇଥିବା ବେଳେ ପୁଅକୁ ନୂଆପଡ଼ା ମେଡିକାଲ ସ୍ଥାନାନ୍ତର କରାଯାଇଛି ।
ସୂଚନା ଅନୁସାରେ ଆଜି ସକାଳେ ବିରୁନପଦର ଗାଁ ନିକଟସ୍ଥ ବିଜାଖମନ ଜଙ୍ଗଲ ଭିତରେ ଥିବା ଦାବରି ମୁଣ୍ତା ପୋଖରୀକୁ ଗାଧୋଇବାକୁ ଯାଇଥିଲେ ଘନଶ୍ୟାମ ପଟେଲ ଓ ତାଙ୍କ ପୁଅ ଚଇତୁ ପଟେଲ । ସେତେବେଳେ ହଠାତ୍ ଏକ ଭାଲୁ ପ୍ରଥମେ ଘନଶ୍ୟାମଙ୍କୁ ଆକ୍ରମଣ କରି ଥିଲା । ଚଇତୁ ତାଙ୍କ ବାପାଙ୍କୁ ରକ୍ଷା କରିବାକୁ ପ୍ରୟାସ କଲା ବେଳେ ଭାଲୁଟି ତାଙ୍କୁ ମଧ୍ୟ ଆକ୍ରମଣ କରିଥିଲା ।
Also Read
ବାପପୁଅ ଚିତ୍କାର କରିବାରୁ ଗାଁ ଲୋକ ଯାଇ ଘଟଣାସ୍ଥଳରେ ପହଞ୍ଚିଥିଲେ । ସେମାନେ ଚଇତୁଙ୍କୁ ବଞ୍ଚାଇ ଦେଲେ। କିନ୍ତୁ ଘନଶ୍ୟାମ ଘଟଣାସ୍ଥଳରେ ପ୍ରାଣ ହରାଇଥିଲେ । ଏବେ ମୃତକଙ୍କ ପରିବାରକୁ କ୍ଷତିପୂରଣ ଦାବିରେ ଉତ୍ତ୍ୟକ୍ତ ଲୋକମାନେ ୩୫୩ ନମ୍ବର ଏନ୍ଏଚ୍ ଅବରୋଧ କରିଛନ୍ତି ।
