LIVE TV
ରାଉରକେଲା ASI ଆଲିଶା ଲୁଗୁନଙ୍କ ମୃତ୍ୟୁ ଘଟଣାର ସିବିଆଇ ତଦନ୍ତ ପାଇଁ ଦାବି କରିଛନ୍ତି ତାଙ୍କ ପରିବାର। ଆଲିଶାଙ୍କ ସ୍ୱାମୀ ପ୍ରେସମିଟ୍ କରି ମୃତ୍ୟୁର ସିବିଆଇ ତଦନ୍ତ ଦାବି କରିଛନ୍ତି । ଆଲିଶାଙ୍କ ମୃତ୍ୟୁକୁ ନେଇ ଏସପି ମିତ୍ରଭାନୁ ମହାପାତ୍ରଙ୍କ ମନ୍ତବ୍ୟକୁ ସେ ଗ୍ରହଣ କରିନାହାନ୍ତି । ଏକ୍ସାଇଟେଡ ଡେଲିରିୟମରେ ମୃତ୍ୟୁ ହୋଇଥିବା ଏସପି କହିବା ଦୁର୍ଭାଗ୍ୟଜନକ । ଆଲିଶା ଲୁଗୁନଙ୍କ ପୋଷ୍ଟମର୍ଟମ ରିପୋର୍ଟକୁ ଗ୍ରହଣ କରୁନୁ । ଏହାର ସିବିଆଇ ତଦନ୍ତ ପାଇଁ ଆଲିଶାଙ୍କ ସ୍ୱାମୀ ଦାବି କରିଛନ୍ତି ।
Also Read
#ASI_ମୃତ୍ୟୁ: ସିବିଆଇ ତଦନ୍ତ ଦାବି
ASI ଆଲିଶା ନର୍ମି ଲୁଗୁନ୍ଙ୍କ ମୃତ୍ୟୁ ଘଟଣା: ମୃତ୍ୟୁର ସିବିଆଇ ତଦନ୍ତ ଦାବି କଲେ ଆଲିଶାଙ୍କ ସ୍ୱାମୀ ସଂଜୟ ଲାକ୍ରା...#ASIDeathCase #Rourkela pic.twitter.com/NoyBRVyUYn— ଓଟିଭି (@otvkhabar) October 26, 2023
ଆଲିଶାଙ୍କ ମୃତ୍ୟୁ କୌଣସି ଆକ୍ରମଣ ପାଇଁ ହୋଇନି କିମ୍ବା ତାଙ୍କ ଦେହରେ ସେଭଳି କୌଣସି ଆକ୍ରମଣର ଚିହ୍ନବର୍ଣ୍ଣ ବି ନାହିଁ। ବରଂ ତାଙ୍କ ଶରୀରର ଅତ୍ୟଧିକ ହରମୋନ୍ କ୍ଷରଣ ଯୋଗୁ ନିଃଶ୍ୱାସ ପ୍ରଶ୍ୱାସରେ ତାଙ୍କର ସମସ୍ୟା ଦେଖାଦେଇଥିଲା । ଏବଂ ମେଡ଼ିକାଲ୍ ନେବା ଭିତରେ ହିଁ ତାଙ୍କର ମୃତ୍ୟୁ ହୋଇଥିବା କହିଥିଲେ ରାଉରକେଲା ଏସପି ମିତ୍ରଭାନୁ ମହାପାତ୍ର ।
ସୂଚନାଯୋଗ୍ୟ ଅକ୍ଟୋବର ୧ ତାରିଖ ସନ୍ଧ୍ୟାରେ ରାଉରକେଲା ମହାନଗର ନିଗମ ନିକଟ ରିଙ୍ଗ୍ ରୋଡ୍ରେ ଏକ ଦୁର୍ଘଟଣା ଘଟିଥିଲା । ତେଣୁ ସେଠାରେ ଉତ୍ତେଜନା ପ୍ରକାଶ ପାଇଥିଲା। ଖବର ପାଇ ଉଦିତ ନିଗର ଥାନା ASI ଆଲିଶା ଲୁଗୁନ ଘଟଣାସ୍ଥଳକୁ ଯାଇଥିଲେ । ଲୋକଙ୍କୁ ବୁଝାସୁଝା କରୁଥିବା ବେଳେ ହଠାତ୍ ସେ ଅସୁସ୍ଥ ହୋଇପଡ଼ିଥିଲେ। ତାଙ୍କୁ ତୁରନ୍ତ ଡାକ୍ତରଖାନା ନିଆଯାଇଥିଲା ।
ତେବେ ଡାକ୍ତର ତାଙ୍କୁ ମୃତ ଘୋଷଣା କରାଯାଇଥିଲା । ଆଲିଶାଙ୍କୁ ହତ୍ୟା କରାଯାଇଥିବା ନେଇ ତାଙ୍କ ପରିବାର ଲୋକେ ଅଭିଯୋଗ କରିଥିଲେ । ଏମିତିକି ତାଙ୍କ ମୃତ୍ୟୁକୁ ରାଉରକେଲା ଏଡିଏମ୍ ଅଫିସ୍ର ସହକାରୀ ଜିଲ୍ଲାପାଳ ସୁସ୍ମିତା ମିଞ୍ଜଙ୍କ ମୃତ୍ୟୁ ମାମଲା ସହିତ ଯୋଡ଼ା ଯାଇଥିଲା ।
