ବାହାହେବାକୁ କନ୍ୟା ମିଳୁନାହାଁନ୍ତି . . .ଜିଲ୍ଲାପାଳଙ୍କ କାର୍ଯ୍ୟାଳୟରେ ଫେରାଦ ହେଲେ ୫୦ ଯୁବକ

ବ୍ୟାଣ୍ଡବାଜା ଓ ବରଯାତ୍ରୀ ନେଇ କଲେକ୍ଟର ଅଫିସରେ ପହଞ୍ଚିଲେ ୫୦ ଯୁବକ । ମୁଣ୍ଡରେ ପଗଡ଼ି, ମଥାରେ ଚନ୍ଦନ, ବରବେଶ ହୋଇ ଘୋଡ଼ା ପିଠିରେ ବସି ଆସିଥିବା ଏତେ ଯୁବକଙ୍କୁ ଦେଖି ଜିଲ୍ଲାପାଳଙ୍କ ଅକଲ ଗୁଡ଼ୁମ୍‌ । ମହାରାଷ୍ଟ୍ରର ସୋଲାପୁରରେ ଏଭଳି ଏକ ଦୃଶ୍ୟ ଦେଖିବା ପାଇଁ ମିଳିଛି । ଅତି କମରେ ୫୦ ଜଣ ଯୁବକ ବ୍ୟାଣ୍ଡ-ବାଜାଙ୍କ ସହିତ ବିବାହ ପୋଷାକରେ କଲେକ୍ଟର କାର୍ଯ୍ୟାଳୟରେ ପହଞ୍ଚିଛନ୍ତି । ମହାରାଷ୍ଟ୍ରର ମହିଳା ଏବଂ ପୁରୁଷଙ୍କ ମଧ୍ୟରେ ଥିବା ଅସ୍ୱାଭାବିକ ଅନୁପାତକୁ ନେଇ ସରକାରଙ୍କ ଦୃଷ୍ଟି ଆକର୍ଷଣ ପାଇଁ ଏହି ଶୋଭାଯାତ୍ରା କରାଯାଇଥିବା କୁହାଯାଉଛି ।

ଗତ ବୁଧବାର ଦିନ ଏକ ସ୍ଥାନୀୟ ସଂଗଠନ ଦ୍ୱାରା ଏହି କାର୍ଯ୍ୟକ୍ରମ ଆୟୋଜିତ ହୋଇଥିଲା । ଏଭଳି ଏକ ଅନନ୍ୟ ଶୋଭାଯାତ୍ରାରେ ଯୋଗ ଦେଇଥିବା ଯୁବକମାନେ ଜିଲ୍ଲାପାଳଙ୍କ କାର୍ଯ୍ୟାଳୟକୁ ଯାଇ ଏକ ସ୍ମାରକପତ୍ର ପ୍ରଦାନ କରିଛନ୍ତି । ଏଥିରେ ପ୍ରି-କନସେପ୍ସନ୍ ଓ ପ୍ରି-ନାଟାଲ୍ ଡାଇଗ୍ନୋଷ୍ଟିକ୍ (PCPNDT) ଅଧିନିୟମକୁ କଡାକଡି ଲାଗୁ କରିବାକୁ ଦାବି କରିଛନ୍ତି । ଜାତୀୟ ପରିବାର ସ୍ୱାସ୍ଥ୍ୟ ସର୍ବେକ୍ଷଣ (୨୦୧୯-୨୧) ଅନୁଯାୟୀ ମହାରାଷ୍ଟ୍ରରେ ୧୦୦୦ ପୁରୁଷରେ ୯୨୦ ଜଣ ମହିଳା ଅଛନ୍ତି ।

Also Read

କାଲିଠୁ ଉଚ୍ଛେଦ ବନ୍ଦ : ଉଠା ଦୋକାନୀଙ୍କ ଆନ୍ଦୋଳନ ପରେ ନରମିଲା BMC

Read More

‘ସରକାର ଆମର ବାପା ହୋଇଛନ୍ତି, ହେଲେ ଦୋକାନ ଭାଙ୍ଗି ପିଲାଙ୍କୁ ଦାଣ୍ଡରେ ବସାଇଦେଲେ’

Read More

ବିଶ୍ୱକପ୍‌ ହକି ଟିମ୍‌: ହରମନ୍‌ ପ୍ରୀତ ସିଂ ଭାରତୀୟ ଦଳର ଅଧିନାୟକ, ଓଡ଼ିଶାର ଅମିତ ରୋହିଦାସ ଉପଅଧିନାୟକ

Read More

ଅଧିକ ପଢ଼ନ୍ତୁ: ହାତ ଯୋଡ଼ୁଛି ଜିଲ୍ଲାପାଳ ସାର ! ଘର ଖଣ୍ଡିଏ ଦେଲେ, ଏବେ ସ୍ତ୍ରୀ ବି ଦିଅନ୍ତୁ

ये बारात नहीं प्रदर्शन है...जी हां, महाराष्ट्र के सोलापुर में शादी के लिए लड़की नहीं मिली तो डीएम ऑफिस के बाहर युवाओं ने किया प्रदर्शन, दूल्हे की तरह सज निकाली बारात#Maharashtra #ViralVideo #Protest pic.twitter.com/bDIPucE4Cw

— Zee News (@ZeeNews) December 22, 2022

ଫଳରେ ବିବାହ କରିବା ପାଇଁ କନ୍ୟା ମିଳୁନାହାନ୍ତି ବୋଲି ଅଭିଯୋଗ ହୋଇଛି । PCPNDT ଆକ୍ଟ ସଠିକ୍ ରୂପେ କାର୍ଯ୍ୟକାରୀ ହୋଇଥିଲେ ସ୍ଥିତି ଅଲଗା ହୋଇଥାନ୍ତା | Pre-Natal Diagnostic Techniques ଅଧିନିୟମ ଅନୁଯାୟୀ ଏହା ଉପରେ ନିଷେଧାଦେଶ ସୱେ ଭ୍ରୁଣର ଲିଙ୍ଗ ପରୀକ୍ଷଣ ହୋଇଛି ।

ଏହି କାର୍ଯ୍ୟକ୍ରମ ଆୟୋଜକ କହିଛନ୍ତି, ଲୋକମାନେ ଏହି ଘଟଣାକୁ ହାଲୁକାରେ ନେଇପାରନ୍ତି । କିନ୍ତୁ ନିରାଟ ସତ୍ୟ ହେଉଛି , ରାଜ୍ୟରେ ବିବାହ ବୟସର ଯୁବକଙ୍କୁ କନ୍ୟା ମିଳୁନାହାନ୍ତି । କନ୍ୟା ଭ୍ରୁଣ ହତ୍ୟା କାରଣରୁ ଏପରି ଭିନ୍ନତା ସୃଷ୍ଟି ହୋଇଥିବା ବେଳେ ଏଥିପାଇଁ ସରକାର ଦାୟୀ ବୋଲି ଅଭିଯୋଗ ହୋଇଛି ।