ଅଭାବନୀୟ: ଏମିତି ନିଶା ! ଅପରେସନ ଛାଡ଼ି OTରେ ଶୋଇପଡ଼ିଲେ ଡାକ୍ତର

ରିଲ ନୁହେଁ ରିଅଲ ଲାଇଫ୍‌ରେ ବଲିଉଡ୍‌ର କବୀର ସିଂହ । ଆପଣ ବଲିଉଡ୍‌ର ବ୍ଲକ୍‌ ବଷ୍ଟର ଫିଲ୍ମ କବୀର ସିଂହ ନିଶ୍ଚୟ ଦେଖିଥିବେ । ସେଥିରେ ସାହିଦ କାପୁରଙ୍କ ଦମ୍‌ଦାର ଅଭିନୟ ସମସ୍ତଙ୍କୁ ଆକର୍ଷିତ କରିଛି । ସାହିଦଙ୍କ ଅଭିନୟ ଏବେ ବି ଦର୍ଶକଙ୍କ ମନରେ ଛାପି ହୋଇ ରହିଛି । ସେହି ରିଲ୍‌ ଲାଇଫ୍‌ କବୀର ସିଂହଙ୍କୁ ତ ଆପଣ ଦେଖିଛନ୍ତି । ଏବେ ଆମେ ଆପଣଙ୍କୁ ଠିକ୍‌ ସେମିତି ଜଣେ କବୀର ସିଂହଙ୍କ ବିଷୟରେ କହିବୁ । ଯିଏ ରିଲ୍‌ ନୁହେଁ ରିଅଲ୍‌ରେ କବୀର ସିଂହଙ୍କ ଭଳି...

ଏହି ରିଅଲ ଲାଇଫ୍‌ର କବୀର ସିଂହ ହେଲେ ବାଳକ୍ରୀଷ୍ଣ । ସେ ଅପରେସନ୍‌ ଥିଏଟରରେ ଅପରେସନ୍‌ କରିବାକୁ ଯାଇ ଶୋଇପଡ଼ିଲେ । ଯାହାକି ଏବେ ଖୁବ୍‌ ଚର୍ଚ୍ଚାର ବିଷୟ ପାଲଟିଛି । ଫିଲ୍ମରେ ସାହିଦ କାପୁର ମଦ୍ୟପାନ କରି OTରେ ପଶିବା ଭଳି, ସେ ମଧ୍ୟ OTକୁ ମଦ୍ୟପାନ କରି ପ୍ରବେଶ କରିଥିଲେ । ରୋଗୀଙ୍କ ପରିବାର ଲୋକଙ୍କ ଅଭିଯୋଗ ପରେ ଏବେ ସ୍ଥାନୀୟ ଅଞ୍ଚଳରେ ଏହାକୁ ନେଇ ଆଲୋଡ଼ନ ସୃଷ୍ଟି ହୋଇଛି । ରୋଗୀଙ୍କ ପରିବାର ଲୋକ ଉକ୍ତ ଡାକ୍ତରଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ଦାବି କରିଛନ୍ତି । ସେମାନେ ଡାକ୍ତରଙ୍କ ଉପରେ ପୁରା ଖପ୍ପା ହୋଇ ରହିଛନ୍ତି । ଜଣେ ଡାକ୍ତର ଏଭଳି ବେପରୁଆ କେମିତି ହୋଇପାରିବେ ବୋଲି ସମସ୍ତଙ୍କ ମନରେ ପ୍ରଶ୍ନ ।

ଅପରେସନ୍‌ ଥିଏଟରରେ ଜଣେ ରୋଗୀଙ୍କୁ ସାକାଳ ୮ଟାରୁ ଆନେସ୍ଥେସିଆ ଦିଆଯାଇ ରଖାଯାଇଥିଲା । ତାଙ୍କJ ବିଭିନ୍ନ ସର୍ଜରୀ ପାଇଁ ଡାକ୍ତର ଅପରେସନ୍‌ ଥିଏଟର ଭିତରକୁ ଯାଇଥିଲେ । ଦିନ ଦୁଇଟାରେ ଅପରେସନ୍‌ କରାଯିବା ନେଇ ସ୍ଥିର ହୋଇଥିଲା । ହେଲେ ସେଠାରେ ଡାକ୍ତର ବାଳକ୍ରୀଷ୍ଣ ପହଞ୍ଚିବା ପରେ, ସେ ଅପରେସନ୍‌ କରିବେ କ’ଣ ନିଦରେ ଶୋଇପଡ଼ିଲେ । ଏମିତିକି ଦୀର୍ଘ ସମୟ ଧରି ସେ ସେଠାରେ ନିଦରେ ଶୋଇପଡ଼ିଥିବା ନେଇ ରୋଗୀଙ୍କ ପରିବାର ଲୋକ ଅଭିଯୋଗ କରିଛନ୍ତି ।

ଏହି ଘଟଣା କର୍ଣ୍ଣାଟକର ଚିକ୍କାମାଗୁଲୁରୁର ଏକ ହସ୍ପିଟାଲରେ ଘଟିଥିବା ଜଣାପଡ଼ିଛି । ସେହିଦିନ ହସ୍ପିଟାଲରେ ପ୍ରାୟ ୯ ଜଣ ମହିଳା ରୋଗୀଙ୍କର ସ୍ଟେରିଲାଇଜେସନ୍‌ ସର୍ଜରୀ ହେବାର ଥିଲା । ଆଉ ସେହି ସମସ୍ତ ସର୍ଜରୀ ଡାକ୍ତର ବାଳକ୍ରୀଷ୍ଣ ହିଁ କରିବାର ଥିଲା । କିନ୍ତୁ ସେ OTରେ ଶୋଇପଡ଼ିବାରୁ ସେହି ଅପରେସନ୍‌ ହୋଇପାରିଲା ନାହିଁ ।  

ସବୁଠାରୁ ବଡ଼ କଥା ହେଲା, ଏଭଳି ଘଟଣା ଏହି ଡାକ୍ତରଙ୍କ କ୍ଷେତ୍ରରେ ପ୍ରଥମ ନୁହେଁ । ସେ ବାରମ୍ବାର ଏଭଳି ଆଚରଣ ଦେଖାଇଥିବା ନେଇ ତାଙ୍କର ରେକର୍ଡ କହୁଛି ।