ଜିଲ୍ଲାପାଳ ହେବ ତ ଏମିତି ! ଗୁଣ ଚିହ୍ନେ ଗୁଣିଆ ଭଳି, ସେ ଚିହ୍ନିଥିଲେ ସୁରେନ୍ଦ୍ରଙ୍କ ଟ୍ୟାଲେଣ୍ଟ

ହସ ହସ ମୁହଁ ଆଉ ହାତରେ ସୁନାର ପଦକ । ସଫଳତାର ହସ ଆଜି ସମସ୍ତଙ୍କୁ ପ୍ରେରଣା ଦେଉଛି । ଦିନେ ଯେଉଁ ଅଫିସକୁ ସରକାରୀ ସାହାଯ୍ୟ ପାଇଁ ଆସିଥିଲେ । ଆଜି ପଦକ ପାଇବା ପରେ ସେହି ଅଫିସରେ କୃତଜ୍ଞତା ଜଣାଇବାକୁ ଆସିଛନ୍ତି । ସହଯୋଗ ଓ କୃତଜ୍ଞତାର ବିରଳ ଉଦାହରଣ ଦେଖିବାକୁ ମିଳିଛି ଭଦ୍ରକ ଜିଲ୍ଲାରେ ।

ସୁରେନ୍ଦ୍ର ଦାସ, ଭଦ୍ରକ ଜିଲ୍ଲା ଭଣ୍ଡାରିପୋଖରୀ ବ୍ଲକ ଅଧିନ ରଣଜିତ ପଞ୍ଚାୟତ ଅଞ୍ଚଳରେ ତାଙ୍କର ଘର । ବଡି ବିଲ୍ଡିଂ କ୍ଷେତ୍ରରେ ଉପଲବ୍ଧି ହାସଲ କରିଥିଲେ, କିନ୍ତୁ ହରିୟାଣାରେ ଆୟୋଜିତ ୧୬ ତମ ମିଷ୍ଟର ଇଣ୍ଡିଆ ପ୍ରତିଯୋଗୀତା ପାଇଁ ଆବଶ୍ୟକ ଥିଲା ଆର୍ଥିକ ସହାୟତା । ତେବେ ଅନୁରୋଧ ପରେ ସହଯୋଗର ହାତ ବଢାଇଥିଲେ ଜିଲ୍ଲାପାଳ ।

ହରିୟାଣା ଠାରେ ଆୟୋଜିତ ୧୬ତମ ମିଷ୍ଟର ଇଣ୍ଡିଆ ପ୍ରତିଯୋଗିତା ପାଇଁ ମନୋନୀତ ହେବା ପରେ ଆର୍ଥିକ ସହାୟତା ପାଇଁ ଭଦ୍ରକ ଜିଲ୍ଲାପାଳ ସିଦ୍ଧେଶ୍ୱର ବଳିରାମ ବୋନ୍ଦରଙ୍କୁ ଭେଟି ସହାୟତା ପାଇଁ ଯୁବକ ଜଣକ ଅନୁରୋଧ କରିଥିଲେ । ଜିଲ୍ଲାପାଳ ଆର୍ଥିକ ସହାୟତା ଯୋଗାଇ ଦେଇଥିଲେ । ପରେ ମିଷ୍ଟର ଇଣ୍ଡିଆ ପ୍ରତିଯୋଗିତାରେ ୨୨ ଜଣଙ୍କୁ ପଛରେ ପକାଇ ସୁରେନ୍ଦ୍ର ପ୍ରଥମ ସ୍ଥାନ ଅଧିକାର କରିବା ସହ ସ୍ଵର୍ଣ ପଦକ ଜିତିଥିଲେ ।

ସେହି ପଦକ ଜିତିବା ପରେ ସେ ସିଧା ଆସି ଜିଲ୍ଲାପାଳଙ୍କୁ ଭେଟିଥିଲେ । ଆଉ ଜିଲ୍ଲାପାଳଙ୍କୁ କୃତଜ୍ଞତା ଜଣାଇଥିଲେ ସୁରେନ୍ଦ୍ର । ଜିଲ୍ଲାପାଳଙ୍କ ଏଭଳି ସାହାଯ୍ୟ ଓ ସହଯୋଗ ପାଇଁ ସୁରେନ୍ଦ୍ର ଜାତୀୟ ସ୍ତରରେ ନିଜର ନାଁ କରି ପାରିଛନ୍ତି ।